¹ Dituk, bisik beberapo ura te kok madah Yesus tentang ura-ura Galilea te daerah neh de campur Pilatus ngau kurban persembahan sidok. ² Yesus nyaut sidok,''Apokah kitak ngiro ura-ura Galilea tuk lebih bedosa daripado ura-ura Galilea te lain kereno sidok menderito macam yok? ³ Aku madah ngau kitak, ndo. tapi yok, antik kitak ndo bertobat, kitak semuo pasti mati. ⁴ Atau mengenai kedelapan belas ura te mati, waktu menaro de semak kolam Siloam jatuk lalu nimpok sidok, apokah kitak ngiro sidok adalah ura beduso te lebeh jai dari ura te nugau de Yerusalem? ⁵ Aku madah kitak, ndo. Tapi nyok, antik kitak ndo bertobat, kitak semuo akan mati!'' Pon Te Ndo Bebuah ⁶ Yesus ugok madah cerito ngau perumpamaan tuk: ''Bisik seura te mpuk sebata pon arok te de tanam de kebun anggur neh. Tapi nyok,saat neh datai ngok buah de pon iyok, neh nisik buleh buah yok. ⁷ Jadi, neh madah tuka kebun neh, 'Udah tigo taun aku datai ngok buah pon arok tuk, tapi aku pan suah buleh sutik pun buah arok iok. Teba jak pon arok iok! ngapo arus menyia-nyiakan tanah ngau nanam pon arok iok? ⁸ Tapi yok, tuka kebun iok nyaut, Tuan, berik kesempatan pon arok iok setaon lagik ngau bebuah. Biarlah aku ngali tanah semak iok ngau merik pupuk, ⁹ Mungkin pon arok iok kok bebuah taon muo. antik ndo bebuah ugok, Tuan tauk meba neh. Yesus Myembuh ari sabat ¹⁰ Suah, Yesus ngajar de sutik Sinagoge waktu ari sabat. ¹¹ Din bisik seura betinok te tengah kerasukan roh yok nyuruh neh pedih lamah sampai delapan belas taon. Punggo betinok iyok bungkok sampai neh ndo tauk bediri agik. ¹² Waktu Yesus merati neh, Yesus ngumai betinok iok lalu ngumung ngau neh, ''Hai betinok, kulok dah de bebas dari pemedih kulok.'' ¹³ Udah yok, Yesus menumpangkan jari-Neh ngau betinok iok lalu sekejap iok, betinok iok dapat bediri tegap lalu memuji Allah. ¹⁴ Tapi yok, pemimpin Sinagoge yok njadi geram kerno Yesus nyemboh ura pado ari sabat. Neh madah ngau ura bangat, ''Bisik enam ari ngau bekerjo. kerno yok, datailah ngau desembuh pado ari-ari yok, bukan ari sabat.'' ¹⁵ Namun, Tuhan nyaut ura iok, ''Kitak ura-ura munafik! Bukan kitak semuo ngelepas sapi atau keledai mpuk kitak te terikat de kana dan nyuruh sapi keluar pado ari sabat? ¹⁶ Kerno iyok, ndo kah betinok tuk, agik kenturun Abraham, te udah de ikat selamah delapan belas taon uleh setan, ugok arus delepas dari belenggu yok pado ari sabat?'' ¹⁷ Waktu Yesus ngumung macam iyok, semuo lawan neh njadi malu, dan bangat ura besukacita kerno segalo pempulah ajaib te udah de pulah Yesus. Perumpamaan Igik Nsabi Tamai Kipen ¹⁸ Udah yok, Yesus ngumung, Macam apokah kerajaan Allah yok ? Ngau apokah Aku tauk mengumpamakannya? Kerajaan Allah yok macam igik nsabi te de amik ura lalu detanam de kebun; igik yok tumoh lalu njadi pon, balo buro-buro de udara besara de dan-dan neh.'' ²⁰ Dan lagik Neh ngumung, ''ngau apo Aku mengumpamakan Kerajaan Allah? ²¹ Kerajaan Allah macam kipen te de amik betinok lalu de campor neh ngau 3 sukat tepo sampai semuo adonan yok njadi keremai.'' Hanyo siket te de Selamatkan ²² Yesus nelusor kuta-kuta tamai desa-desa, Yesus ngajar lalu trus bejalai nuju Yerusalem. ²³ Lalu, seura betanyok ngau Yesus, Tuhan, apokan hanyo sikit ura tede selamatkan?'' Yesus ngumung ngau sidok semuo, ²⁴ '' berjuanglah ngau tauk tamok ngelalu mo lawa te sempit; sebab Aku ngumung ngau kitak, bangat ura kok berusaha tamok kin, tapi sidok ndo tauk ²⁵ Antik tuan rumah bediri lalu menutup mo lawa rumah neh, sedangkan kitak bediri de luar samil ngetok mo lawa lalu ngumung, ' Tuan, tulo bukok mo lawa ngau kami.' Neh kok nyaut, 'Aku ndo tauk dari ni asal kitak.' ²⁶ Udah yok, kitak kok nyaut, kami udah makai tamai minum besamo Ikam. Ikam ugah ngajar de jalai-jalai kuta kami.' ²⁷ Namun Neh nyaut Aku ndo kenal kitak dan ndo ketauk dari ni asal kitak. Nang dituk lagik, kitak semuo penjahat!' ²⁸ Kitak pasti nagis dan bekeret gigi waktu merati Abraham, Ishak, tamai Yakub, beserto semuo nabi nugau dalam kerajaan Allah sementaro kitak de tikam keluar. ²⁹ Udah yok ura-ura datai dari timor dan barat, ugok datai dari utara dan selatan. Sidok duduk dan makai dalam kerajaan Allah. ³⁰ Sesungguhnya, ura-ura te penudi akan njadi te petamo dan ura-ura te petamo akan njadi penudi.'' Yesus Arus turun Ke Yerusalem ³¹ Pado waktu iyok, beberapo ura farisi datai nguso Yesus lalu ngumung, ''turonlah, nang agik dituk kerno Herodes kok munuh Yesus.'' ³² Yesus nyaut sidok, ''kin padah ngau rubah yok, 'Ari tuk atau pagi, Aku kok ngusir roh-roh jai dan kok njembuh ura, pado ari ketigo, Aku kok nyelesaikan penkerjok Aku.' ³³ Tapi yok, Aku arus ngelanjut pekerjok ari tuk, pagi,lusok,kerno ndo mungkin nabi mati de luar Yerusalem. ³⁴ Yerusalem, Yerusalem! kitak munuh para nabi dan merajam ura te udah de utus ngau kitak! Beula kali Aku rindu ngumpol anak-anak kitak, samo macam inuk manok te ngumpul anak-anak neh de baroh sayap neh. Tapi kitak ndo kok. ³⁵ Pituk rumah kitak pasti kosong dan njadi sepi. Aku madah nguso kitak, kitak ndo akakn mantau aku lagik sampai saat neh kitak pasti ngumung hal tuk, 'Deberkatilah Ia te datai dalam nama Tuhan!'