¹ Buku asal mulo Yesus Kristus, anak Daud, anak Abraham. ² Abraham bapo' Ishak, Ishak bapo' Yakub. Yakub bapo' Yehuda ba kamaru'- kamaru'e. ³ Yehuda bapo' Peres ba Zerah, inu' ne'ido' Tamar. Peres bapo' Hezron. Hezron bapo' Ram. ⁴ Ram bapo' Ram nadab. Aminadab bapo' Nahason. Nahason bapo' Salmon. ⁵ Salmon bapo' Boas, inu'e Rahab. Boas bapo' Obed, inu'e Rut. Obed bapo' Isai. ⁶ Isai bapo' Rajo Daud. Daud bapo' Salomo, inu'e bagas bini Uria. ⁷ Salomo bapo' Rehabeam. Rehabeam bapo' Abia. Abia bapo' Asa. ⁸ Asa bapo' Yosafat. Yosafat bapo' Yoram. Yoram bapo' Uzia. ⁹ Uzia bapo' Yotam. Yotam bapo' Ahas. Ahas bapo' Hizkia. ¹⁰ Hizkia bapo' Manasye. Manasye bapo' Amon. Amon bapo' Yosia. ¹¹ Yosia bapo' Yekhonya ba kamaru'- kamaru'e, aktu pamuangan ka Babel. ¹² Ako' pamuangan ka Babel, Yekhonya bapo' sealtiel. Sealtiel bapo' Zerubabel. ¹³ Zerubabel bapi' Abihud. Abihud bapo' Elyakim. Elyakim bapo' Azor. ¹⁴ Azor bapo' Zadok. Zadok bapo' Akhim. Akhim bapo' Eliud. ¹⁵ Eliud bapo' Eleazar. Eleazar bapo' Matan. Matan bapo' Yakup. ¹⁶ Yakup bapo' Yusuf, aki Maria. Maria maranakot Yesus, nang dinooh Kristus. ¹⁷ Jadi, samuo pangkat mulai Abraham sampe Daud ado ampatbalas pangkat, mulai pangkat daud sampe pamuangan ka Babel ado ampatbalas pangkat, lalu mulai ka pamuanganka Babel sampe Kristus ado ampatbalas pangkat. MARANAKOT YESUS KRISTUS ¹⁸ Kanio, carito maranakot Yesus Kristus koo. Waktu Maria, inu'E dah batunangan ba Yusuf, sanape e'ido' idup bayo-bayo, io ba buntikng ampat ka Roh Kudus. ¹⁹ Tapi, karamo Yusuf, akie,urokng nang bai nyupatni Maria ka urokng rami, Yusuf barancano mebasatno' Maria sacaro diam-diam. ²⁰ Tapi, waktu Yusuf mikiran masahe nyian, tananglah, malaekat Tuhanmagariot diri ka doop mimpie lalu bakato, "Yusuf, anak Daud, ame gai ngicok Maria jadi biningu karamo anak ka buntiknge koo ampat ka Roh Kudus. ²¹ Io maranakatno anak angaki nang kau bareo' namo Yesus karamo io nang nyalamatatno umat-E ampat ka dosa-dosae." ²² Samuae kajadian nyian sak nganapi firman Tuhan malalui' nabi-E, ²³ Tananglah, andaro mao' babuntikng lalu maranakotn kamudo' aki. Ne'ido' nyabut dama-E Imanuel," ka bahaso diri' artie:"Allah sabayo-bayo ba diri'". ²⁴ Waktu Yusuf umpat tidur, io ngarajaan angayo nang malaekat Tuhan marentohot ka io, lalu io ngicok binie , Maria, ²⁵ tapi ino' bacampur tidur sampe io maranakot anake angaki. Lalu, Yusuf mare namo, Yesus.