¹ Inti sagalo nang diri ngatoot kowolah: diri ado Imam Ayo' nang jakowo, nang dodok di sabaloh kanan tahta Nang Sidi Ayo' di sarugo, ² nang malayani ibadah di tampat kodos, kowolah di doop kemah asli, nang dimadiri Tuhan sandiri buke manusio. ³ Sabab satiap Imam Ayo' ditatapot onto mempersembahot korban ba persembahan karano kowo Yesus paralu ado sasuatu onto dipersembahot. ⁴ Sakiroe Iyo di bumi nyian, Iyo samo sakai ano akan jadi Imam, karano disio dah ado urok-urok nang mempersembahot persembahan ,manorot hokom Taurat. ⁵ Palayanan ne'ido' adolah gambaran ba bo'o dari amio nang ado di sarugo, samo angayo nang di mataki ka Musa, pas iyo mao madiri kemah, ingatlah jaio firman-Ne, bahwo kau ngamuat samua'e kowo manorot contoh nang dah di tojokot ka kau di atas boket kowo. ⁶ Tapi kanio Iyo dah namu suatu palayanan nang jauh labih agong, karano Iyo manjadi pangantaro dari pajanjian nang labih mulio nang didasarot atas janji nang labih tingi. ⁷ Sabab sakiroe pajanjian nang patamo kowo ano ba cacat , ano' akan di gago agi tampat onto nang ka duo. ⁸ Sabab Iyo nagor ne'ido' pas Iyo bakato, "Sasidie mao atok waktue" jakowolah firman Tuhan, aku mao ngadokan pajanjian barahu ba kaum Israel ba kaum Yehuda. ⁹ buke angayo pajanjian nang dah ku ado'ot ba nenek moyang ne'ido', pado waktu Aku naapi kokot ne'ido' onto nabanan ne'ido' kauar dari tanoh Mesir. Sabab ne'ido' ano satio ka pajanjian-Ku, ba Aku nolak ne'ido' jakowolah firman Tuhan. ¹⁰ Nyianlah pajanjian nang Ku ado'ot ba kaum Israel ako' waktu kowo, nyianlah firman Tuhan. Aku mao muangan hokom-Ku doop akal budi ne'ido' ba nolesot iyo doop ati ne'ido' maka Aku akan jadi Allah ne'ido' dan ne'ido' akan jadi umat-Ku. ¹¹ Ba ne'ido' no akan ngajar agi sabayo warga-e, ato' sasamo kamaru-e ba ngato'ot, Kanalah Tuhan, sabab ne'ido' samuo ayo' kenek akan nganal Aku. ¹² Sabab Aku akan muangan balas kasihot tahadap kasalohot ne'ido' ba ano agi ngingat doso-doso ne'ido'. ¹³ Oleh karano Iyo bakato- kato' nganai pajanjian nang barahu, Iyo nyatoot nang patamo sabagai pajanjian nang dah manjadi tuho. ba amio nang dah manjadi tuho ba karik, dah samak ka kaancorot