¹ Pas Petrus ba Yohanes gi ngajar urokng rami, atoklah para imam, kapalo pajago Rumoh Allah, ba urokng- urokng Saduki ngampusi io, ² Ne'ido' bero sidi , karano ne'ido' nyampeot kaurokng rami kadoop Yesus ado kabangkitot ka antaro urokng mati. ³ Karano ari dah maam, Petrus ba Yohanes ne'ido nangkap di naaman ka pinjaro sampe ampagi ⁴ Ne'ido' nang dah nangar kato para rasul rami nang jadi picayo kiro - kiro jumbaloh angakie limo ribu urokng. ⁵ Ampagie, pamimpin - pamimpin, tuho - tuho, ba ahli - ahli taurat, Imam Kayo Hanas, Kayafas, Yohanes , Aleksnder, ba Samuee kaluarga Imam Kayo' bakomo' ⁶ sabayo - bayo di Yerusalem. ⁷ Petrus ba Yohanes ne'ido' muangan ka tango - tangoh, ne'ido' batanyo, make kuaso ba damo siape kau ngarajaan hal nyian ? ⁸ Lantas, petrus di naamai' Roh Kudus, bakato ka para pamimpin bangso ba tuho - tuho, ⁹ kade kami diparikso ari nyian karano Babuat baek nyamuhot urokng nang lamoh nyian? ¹⁰ Katie biar kito' samuee ba urokng Israel nahui', damo Kristus Yesus, urokng Nazaret, nang kau nyalepot koo, dah Allah mangkitot dari antaro urokng mati, kanio' sehat - sehat sajo' badiri ka adapat ngu. ¹¹ Yesus nyianlah : Batu nang ano' ditarimo' tukang - tukang bangunan, dah manjadi Batu Panjuru. ¹² No ado kasalamatot kadoop damo apepon nang dimare manusio kababoh angit nyian salain damo angkoo diri biso disalamatot. ¹³ Pas ne'ido' nanang kabaranian Petrus ba Yohanes, ne'ido' nahui' ne'ido' nyian urokng no' basikoloh ba kolot, ne'ido' jadi kamangapot ba mulai' nahui', io baduo nyian suga' sabayo - sabayo ba Yesus. ¹⁴ Ne'ido' no barani mantoh io, nanang urokng nang dah dinyamuhot koo badiri kasabaloh Petrus ba Yohanes. ¹⁵ Ne'ido' bapakat badangane nang laen, onto' nyuruhoto Petrus ba Yohanes supayo ningoot Sanhedrin, ¹⁶ Sambil bakato, damio' nang mao' diri amuat kaurokng baduo' nyian? ngalalui ne'ido' nyian ado tando endoh nang nyato ba hebat nang dingamuat kasamuee urokng nang diop ka Yerusalem, diri no' biso mantoh io. ¹⁷ Kanio diri haros nyaragoh ne'ido', biar no' agi bakato kadoop damo koo, biar no mangkin ngejet ka urokng - urokng. ¹⁸ Lantas, Petrus ba Yohanes dinyaru', dimerai' ngajari ba bakato' dameopun kadoop damo Yesus. ¹⁹ Petrus ba Yohanes nyahoti ne'ido', "Tatapot, mae nang batol didoop mato Tuhan, nangarot kito labih dari Tuhan? ²⁰ Karano hal - hal nang kami nanang ba kami nangar haros kami padohot." ²¹ karano urookng dah rami nganjong Allah, atas damio nang tajadi, ne'ido nyaragoh Petrus ba Yohanes, sambil miarot io dari , karano no namu caro' onto ngokomo' io baduo. ²² Karano, usia urok nang dah ngarasai bukti kasamuhot koo, labih dari ampat puluh tahut. PETRUS BA YOHANES MUOK KA KAMARU-KAMARU SAIMAN ²³ Dah ako dingapasot Petrus ba Yohanes ampos ka ayuk ne'ido', lantas ne'ido nyaritoot samuee nang dimadophot imam - imam kapalo ba tuo - tuo ka ne'ido'. ²⁴ pas ayuk - ayuk ne'ido' nangar hal koo, ngampaklah ne'ido' saati sabayo - bayo ka Allah, katae: "Ya Tuhan, Kitolah nang nyadiot angit ba bumi, laot, ba sigale isie. ²⁵ nang bakato ngalalui Roh Kudus, make moot hambo-Ngu, Daud, nenek moyang kami: Ngamio bangso-bangso laen bero, ba urokng-urokng nanangan nang sio-sio? ²⁶ Rajo-rajo dunio basiap-siap, ba samuo panguaso bakomo sabayo, onto ngalawano Tuhan ba ngalawano Nang Io Ngurapi. ²⁷ Sabab, sabanare dah bakomo kakota nyian Herodes ba Pontius Pilatus, bangso-bangso ba suku-suku bangso Israel ngalawano Yesus, Hambo-Ngu nang kudus, nang Kau ngurapi, ²⁸ onto ngamuat samuee rencana-Ngu nang dah dinantuot kokotNgu sanapee tajadi. ²⁹ Kanio, ya Tuhan, tananglah jamae ne'ido' ngancam kami barelah ka hambo-hambo-Ngu kabaranian onto nyampeot firman-Ngu, ³⁰ jootlah kokot-Ngu onto nyamuhot ba ngadoot tando-tando ba kaajiban-kaajaiban karno namo Hambo-Ngu nang Kudus, Yesus." ³¹ Pas ne'ido' ako badoa, baguncoklah tampat ne'ido' bakomo basamo koo, ne'ido' samuee dimanuhi Roh Kudus, taros barani nyampeot firman Allah. KAIDUPOT UROKNG PICAYO ³² Adopon, pakomoan urokng nang dah picayo koo ne'ido' saati ba sajiwo. No seko pon nang bakato kalo barange koo meleke sorok, tapi samuee melek ne'ido' sabayo-bayo. ³³ Lantas, ba kuaso nang ayo para rasul mare' kasaksiot ne'ido' kalo kabangketot Tuhan Yesus ba anugerahe nang ayo ado atas ne'ido' samuo. ³⁵ No ado seko'pon di antaro ne'ido nang kakurangan karano nyuo, umae ba rumahe, hasel panyuoatne dinabanan, ³⁴ dingakoot ka poho para rasul, taros dimagiot ka maseng-maseng urokng sasuai kaparluatne. ³⁷ Jakoo ugo Yusuf, urokng Lewi, katurunan Siprus, nang dinyaru' para rasul, Barnabas, nang artie 'anak pangasoot', ³⁶ nyuo umo' meleke doete dinabanan ugo, lantas dingakoot ka poho para rasul.