¹ Ampat ka Petrus,seko rasul Yesus Kristus ka urokng-urokng nang dioop angyo urokng asing, nang ayok ka samue tampat Pontus, Galatea, Kapadokia,Asia, ba Bitinia; nang di milih. ² Pas samulo Allah Bapa ngaalui pengudusan oleh Roh untok namu idup doop kataatan ka Kristus Yesus ba namu percikan daroh E: Kira e anugrah ba damai sajahatra malimpoh ka atas Ngu! PENGHARAPAN NANG IDUP ³ Bapa ampat ka Tuhan diri Yesus Kristus, ba sasuai ba anugrah-E, nang ayok sidi, dah baranakot diri puok ka doop pagarapan nang idup ampat ka bangkitot Kristus Yesus apat ka antaro urokng mati, ⁴ ba untok mewarisi harta pusako nang inok biso binaso ,inok biso rusak, ba inok biso layu; nang dinohani ka sarugo untok kau, ⁵ samacam kau nang di lindungi oleh kuaso Allah ngalalui iman kasalamatot nang siap di nyatoot pas akhir zaman. ⁶ Doop nyian lah kau labih basukacita,sakaipun untuk samantaro waktu, kamie mok dipake, kau arus singsaro ba manyak macam pancobaan , ⁷ jamae imanNgu nang labih barago daripado amas nang fana, sakaipun dah tauji ka api, tabukti jaranih ba namu pujian, kamuliaan, ba kahormatan pas waktu panyataan Yesus Kristus ⁸ Kau nape suoh nanang Io, tapi kau Kasih ka-Io, ba sakai pun kanio kau inok nanang Io, tapi kau picayo ka Io. Kau epo basukacita nang inok biso di katoot ba nang baisi kamuliaan, ⁹ pas akhir ampat ka tujuan imanngu dah tacapai, iolah kasalamatot jiwongu. ¹⁰ Angayo kasalmatot nyian, samue nabi nang menubuatkan anugerah nang maok jadi nekngu koo dah nyalidiki ba malajariio ba taliti sidi. ¹¹ Na'ido' nggago nahui macam sape ba kamie ke' waktu nang di madohot oleh Roh Kristus nang ado ka doop na'ido pas Io menubuattot ka singsaro Kristus ba kamulioot nang mok atok saakoE. ¹² Ka samue nabi koo di nyatoot na'ido' koo buke ngalayani na'ido' sorokng,tapi ngalayani kau doop jukut-jukut nang kanio dah di nayampeot ka kau lewat urokng-urokng nang mare barito Injil ka kau ba Roh Kudus nang di ngutus ampat ka surga; jukut-jukut koo lah nang maok sidi di tanang oleh samue malaikat. SARUOT UNTOK IDUP KUDUS ¹³ Pas koo, siapot lah akal budi ngu ba ati-ati, puangan pagarapan ngu sapanuh E ka anugerah nang mok di bareot ka kau pas Yesus Kristus Dinyatoot. ¹⁴ Samacam kamudo-kamudo nang picayo sidi, ame lah tunduk ka nafsu jahatngu angayo pas kau masih idup doop kabodoanngu. ¹⁵ Tapi kuduslah doop tingkoh laku ngu, angayo Allah nang nyaruk kau adolah kudus. ¹⁶ Angayo ado tatulis, "Kuduslah kau karano aku kudus." Ba ¹⁷ ,ampamae kau nyaruk-Io angayo Bapok, adolah Io nang menghakimi samue urokng sasuai pabutan na'ido' inok membedo-bedoot, iduplah doop raso gaik salamo kau masih dioop angayo urokng asing; ¹⁸ Ba nahui' bahwo kau dah di nabus ampat ka caro idup nang seo-seo, nang kau waris ampat ka nenek moyangu, buke ba barang nang fana angayo amas atau perak, ¹⁹ malainkan ba daroh Kristus nang mulia, daroh Anak Domba nang inok bacacat ba nang sampurna ²⁰ sabab, Kristus udah di milih sanape dunio di ciptaot, tapi Io baru di nyatoot pas zaman ahir nyan untok kau. ²¹ Ngalalui Io, kau jadi picayo ka Allah; iolah Allah nang membangkitot io ka antaro urokng mati ba Allah nang mareot kamuliaan ka-Io, supayo iman ba pengharapanngu adolah ka doop Allah. ²² Karamo kau dah memurniot jiwangu doop kataatan ka banarot jadie ado kasih sakamaruot nang tulus, makae jeklah sabayo-bayo ngasihiba sasidi-sidie ampat ka hati nang murni, ²³ sabab kau dah dimarnakot agik, bukeampat ka banih nang biso mati, malainkan ampat ka banih nang inok biso mati, adolah ampat ka Firman Allah nang idup ba dioop tatap. ²⁴ Kitab Suci bakato, "Samue nang idup adolah angayo rumput, ba samue kamuliaanne angayo bugo rumput; Rumput ayuk ba bungae gugur, ²⁵ tapi Firman Tuhan tatap salamo-lamoe." Yesaya 40:6-8 Ba,Firman ko adolah Injil nang di maritoot ka kau.