¹ Kami udah nangar laporan kade ado amoral seksual ka antaro ngu, ngayo amoral nang ino diijinkan ka antaro urokng-urokng buke Yahudi. Laporanne koo kade ado sa'urokng ka antaro ngu tidur ngoan bini' bapok'e. ² Ba kau jakoo sombong! Ino ge kau seharus'e berdukacita? Sa'urokng nang ngalakuot nyian harus dikauar'ot dari antaro ngu. ³ Kareno, sakai'pun aku ino hadir sacara tubuh tatapi masih hadir doop roh, aku menghakimi urokng nang udah ngalakuan hal nyian, sabagai mae aku agi ado dikoo. ⁴ Pas kau bakomo' barage-rage ka doop namo Tuhan Yesus, ba roh Ku ugo ado kanaan' ka doop kuaso Tuhan Yesus, aku udah menghakimi urokng nyian. ⁵ Aku udah ngalakukan hal nyian untuk nyarahoot urokng nyian ka setan untuk ka'ancurot tubuh, supayo roh'e biso disalamat'ot pada ari Tuhan. ⁶ Kasombongan ngu ino baik. Ino nahui ge kau kade sadikit ragi mengkhamirkan saluruh adonan? ⁷ Barasehotlah diri ngu dari ragi nang lamo supayo kau manjadi adonan nang barahu, supayo kau manjadi roti nok baragi. Kareno Kristus, Domba paskah diri, udah dingorbanan. ⁸ Jadi jek'lah diri ngarayo'ot upacara koo, buke make ragi nang lamo, ragi tingkoh laku nang buruk ba kajahatot. sabaik'ke, jek'lah diri ngarayo'ot make roti nok baragi dari kasunguhan hati ba kabanarot. ⁹ Aku udah nulis ka'kau doop suratku buke sehubungan ngoan urokng-urokng amoral seksual. ¹⁰ Ino bamaksud untuk urokng-urokng amoral dunio nyian, atau urokng-urokng nang tamak, atau panipu, atau panyamboh-panyamboh bahala, kade' nyahui' samuo koo kau harus ka'uar dari dunio nyian. ¹¹ Tatapi kanio aku nulis ka'kau buke sahubungan ngoan sapepun nang di nyabut kamaru' tatapi nang agi idup doop amoral seksual, atau sa'urokng nang tamak, atau sa'urokng panyambah bahala, atau pencaci-maki, atau sa'urokng pengamabuk atau sa'urokng panipu. Ame lah ugo makot barage urokng nang jai'yot. ¹² Kareno jamae'lah aku terlibat doop menghakimi ne'ido nang barado ka luar jemaat? Sabalik'ke ino ge kau ikut serta doop menghakimi ne'ido nang barado ka doop jemaat? ¹³ Tatapi Allah menghakimi urokng-urokng nang barado kaluar. " Kaluar'ot urokng nang jahat ka antaro ngu".