¹ Wa anukithe ku ku paka kushi tha abuthi na malena, kwa yuba, na ku kutukithetha zthoshe e mithebethi ezthiwa, ² kana nyefula munu, kana ku tukithetha ku lwa, naku kwikal na n'eke, na ku monitha musa kwa anu oshe. ³ Kakuli natwe mu nako thi mweya no twikala twa yanganu na kuulwa kuba. No tu yembuliwa na kwikala apika a matakatho na minyaka tha mifutafuta. Mono tu yoya mu lunya na muna. Mo no twi kala a mazthilo na ku ku thimba. ⁴ Kono e thishemo tha Mulimu o Mupilisi wetu na lilato lyaye kwa anu oshe imonahala, ⁵ kapa mithebethi ztho ku luka no tutenda kao, kono mu musa waye na kuyoyitha, ku pitela mu ku kushuwa no kwelekiwa thipya na ku shemuniwa kwa moya o ukeni, ⁶ owo Mulimu mu ku fuma ona utumwaeele ku pitela mu Mupulisi wetu Jesu Kelesite, ⁷ keo ngao pa ku pakiwa okuluka mu sishemo thaye, nga twi kale a yoli otukwite na thepo tha moyo wo mbula kupwa. ⁸ Eli lin'utha lya ku tiya. Na thaela ngao otithethe pei inu, ngao aya ana etana mwa Mulimu a ikale na mamela tha kwingena mu mithebethi thiwa. Ei inu iwa na kwikala na tutho ku munu yoshe. ⁹ Kono o ambuke a mapuztho no wanganu nayo mikowa na mifilifli na likan'i pa mulao. Eyo inu ya ngayangaya ya mbula tutho. ¹⁰ O kaene o munu yoshe oleta e tuto tho ku mi fapanya, kutunda pa ku musiulula ka mweya kapa twiili, ¹¹ ona limuka ngao oyomunu nongeyo ona tundu mu nthila tho kuoloka na kutenda thibi na ku ku atula yofoti. ¹² E nako ni ku tumena Artemasi kapa Tikiko, onyangupe na kuwiya okwabge ku Nikopolisi, oko ni na thaele ku kekala e nako tho mupepo. ¹³ O tende yoshe otwetha kutumana mu nthila tho Zenasi wo mulao na Apolosi, keo ngao kana ulwa tha kuulwa. ¹⁴ Anu etu a ku tute ku tenda e mithebethi thiwa na ku twetha apo pa thaeliwa wangu enene, ngao ka na thiyala nje mithelo. ¹⁵ Oshe a nili noo ami yoyangitha. muyoyangithe ao ana tu wapele mu tumelo. E thishemo thi kale nenu moshe