¹ Mono itendaala mumaiwa aatuli na ngao mokuikala nthala mulitunga,kame mulume omweya nomushobo nomaJuda kutundeela mulitunga lya Betelehema mwana tha kuikala mu litunda lyaunyambaethi lya ma Moabi na mbiyama waye na anae aalume aili. ² Elithina lyae neli oyu mulume neli Elimeleki,elithina lyambiama waye neli Naomi. Omanthina no anae neli Mahaloni na Kilyoni neli ma efarata,a Betelehema wama Juda. Akuma mu litunga noma Juda na ku tunga mo. ³ Keo Elimeleki,mukwamuntha Naoi,ofa,keo asiyala yofochi na anae no alume aili. ⁴ Anae no alume alama akathi no aMoabi omuchili neli Olipa,mukwae neli Ruti. Naikala omo mu litunga ilimo ya likumi limweya. ⁵ Mu wiili woo Mahaloni na Kilyoni keoafa,mukathi osiyala na anae noalume aili ambu kwambula mukwaunthi waye. ⁶ Keo oimana anyamunyae aili nakukuthika mulitunga no Moabi nayumba ngao Mulimu ona sepisa kwaapa yakulya. ⁷ Keo ofunduka kutunda musibaka naikala na nyamunyae aili, keo aenda kutha mu mukwaka kukuthika mu litunga la Juda. ⁸ Naomi oambela anyamunyae aili ngao, ''Munthe,mukuthike,munu na munu,ku mwanda wainawaye. Mulimu amonise sishemo okwenu,wendi omu muna monisethe esishemo kwa afu na kwange. ⁹ Nalomba Mulimu amipe oupilo,moshe mumanthuwo noakwauthi enu, ''Keo oatubeta,keo okuwa yonene nakulila. ¹⁰ Keo amuambela ngao, ''Twakuthika noye kwaanu oye.'' ¹¹ Keo Naomi oamba ngao, ''Mukutemune,omange no akathi! Ike apa musaela kutha nange? Niikwite ana mulibumo lyange ndi,atwesa kumilama nakwikala akwathenu. ¹² Mukutemune,anange no akathi,ukuthele mumanthila enu,ome nong'ulupathi konitwese kukwata mulume waku ni lama. Muya ina ambele ngao nga Mulimu atusa ngao niwane mulume uno usiku nakueleka ana alume. ¹³ Nga momu atatela ngao akule? nga mwa kukelela ngao komuna kwata akwaunthenu? Nje,anange noakathi! Namiyubela n'eke thikalu ome Mulimu ona ni pilukele elikaa lyae lina tundu okwange. ¹⁴ Keo anyamunyae akuwa yonene nakulila kame. Olipa otubeta nyamunyae na kumulaetha keo okuthika kumunthi waye,kono Ruti okana na kukuindeela kwa nyamunyae. ¹⁵ Naomi oamba, ''Mutethethe,'' Omone mukoye onakuthiki ku apaye naku afu aye. Nawe okuthike namukoye.'' ¹⁶ Keo Ruti oamba ngao, ''Kona niambela ngao nikusiye,kusiya kuku kon'eela,koshe oku otha monitha,oku kaikala,moni kaikala,anu oye mwaikala anu ange,Kame oMulimu woye mwaikala Mulimu wange name. ¹⁷ Okukafela,name konyiko nikafela kame konyiko nika bumbekiwa. Mulimu anipe koto kame thikulu,kokunaikala saso kono lifu litutape pakachi.'' ¹⁸ Apa Naomi awaiya kumona ngao Ruti ona tiisa ngao atha naye,keo osiya kumukanisa. ¹⁹ Keo muwiili wo afunduka nakukakuma mu litunga la Betelehema,keo kutendaala ngeyo apa awiya kutula mu litunga la Betelehema,Etolopo thoshe mono thiwapela.Akathi amba ngao, ''Oyu Naomi.'' ²⁰ Keo owambela ngao, ''Komunanisanisa elithina na Naomi. Muniisane ngao Mushekwa,kabaken'isa ngao Mulimu onani tende unyangunyu yonene. ²¹ Mononitha eina kwana,kono Mulimu onaniusu mukungulu. Keo mwanisana ngepi ngao Naomi,mumona ngao Mulimu ona nilwanisa. ²² Naomi na Ruti omukathi no Moabi,onyamunyae,mwana funduka kutunda mulitunga la Moabi.Keo awiya mu Betelehema pakachi no kutulo tha lukonga.