¹ Omwe shemwa mwalimuka,akwetu,okukuwiya kwetu kokwa ngaya ngaya kao. ² Kono, inani omu mulimukela,shuwangao monotunyanda nakutendiwa unyangunyu ku Pgilippi, monotukwatisetha ku Mulimu wetu mukuambaula okwenu omai a Mulimu mu kunyanda. ³ Kakuli okuyoyolia okwetu kokwa ngaya ngaya kao,kapa kokwakukena kapa kwa uuii. ⁴ Kono,inani omo tunaitaneliwele ka Mulimu ngao tusepiwe naebangeli, mungeyo twaambaula, kamukuwapelisa anu kao nje,kono mukuwapelisa Mulimu. Oye onyiko oyoyola omona emichima thetu. ⁵ Kakuli kotwashiwiya na mai akuonga kao,inani omo mulimukela,kapa nainu yakukuongisetha,Mulimu onyiko opaki wetu. ⁶ Kapa kusaela kulumbiwa kuanu,kapa kwenu kapa kuanu akwetu. ⁷ Monotuswanela kuthaela omatuwelo kupiluka apositola a Kelesite. Kono, monotuikala akumwena mukachikenu moshe inani omukathi okwateela omwanae. ⁸ Mwethi nthila monotukwata en'eke okwenu. Mono tuwapela kukutapela nenu omai aMulimu na upilo wetu woshe. Kakuli muna piluka akwetu shemwa. ⁹ Kakuli mwaanuka, akwetu, okusebetha kwetu nakunyanda kwetu. Usiku na Mushinonga monotusebetha ngao kotunapiluka omitiyo okwenu kuno otukutatha okwenu omai aMulimu. ¹⁰ Omwe moapaki,na Mulimu naye,mukukena,mumaata,na mukukana kukwata kanyatho neli omukwa wetu kwenu aao naetana. ¹¹ Munthila thimweya mwalimuka omonotuikaela na omweya na omweya okwenu, inani munu naanae, ¹² kumiyoyola kumiititha nakumitithetha kuenda munthila ethi wapelisa kwa Mulimu, oyo omiithanela kumubuso naku kanya thae. ¹³ Mulibaka eli twalumbangetha Mulimu mukukwateelea,mungai apo uamuhela oulumiwa wa Mulimu owo munayubu okwetu,mwauetana wetini kalii lya munu kao, kono inani omo lilyele shemwa,olii lya Mulimu, elyo libeleka okwenu oshe aitana. ¹⁴ Kwenu,omwe akwetu,mupiluke atamenenena eyo omakeleke o Mulimu aotenda ku Judea mulibaka lya Kilesite Jesu. Kakuli namwe munanyandisiwa mulibaka nongeyo,kunyandela anu akwenu, inani omonatendela kuma Juda ¹⁵ aao naipaa Mulena jesu naapolofita oshe, naao natutundisa panthe. Katabisa Mulimu kao. Kono,akwite michima thakwiipa kuanu oshe. ¹⁶ Atukanisa kuamba nama Lichaba ngao nao ngo ayoisiwe. Mokuwaniwa ngao ouii woo moueketheha inene. Kono ouhali mouapitelela kumamaneno. ¹⁷ Kono,akwetu, monotutundithiwa okwenu munako thinyonyo,muunu ka mumucima kao. Monotu lwanitha,namatakatho makulu, kumona omapala enu. ¹⁸ Monotusaela kuwiya okwenu-mushemwa Ome,Paulusi,mumanako mangi-kono Satani neli atukwangisa. ¹⁹ Apo eni,etumelo,tabo,omushukwe wakuwapeliwa potho tha Mulena Jesu mukuwiya kwae? Komwe kao? ²⁰ Owe omaata etu na kuwapela.