Salam Untuk Jemaat di Tesalonika ¹ Salam sen Paulus, Silwanus, ngan Timotius palaq jemaat koq Tesalonika dalem Allah Bapa lu, ngan Tuhan Yesus Kristus. ² Kembangen ngan peniga mikem sen Allah Bapa dan Tuhan Yesus Kristus. ³ Ameq bangen tawai ngan bersyukur palaq Allah kuma ikem, senganak-senganak, ya ka pekinata. Moq, pengelan tem nai mudip ngan kaduq ngan pengelesau yaq un neng ikem singget-singget ikem semiq apan pekina biyuq. ⁴ Moq pekina, ameq tengen ngan bangen ku un tem neng tuma jemaat-jemaat Allah moq denaq la set kem ngan pengelan enjem neng a-ang toq pen.uyen ngan pen.aru yaqsioq ikem. Neng Penghakiman Allah. ⁵ Ini sa teda naq penghukuman Allah, ikem yaq tekep palaq pemaren kerajaan Allah moq kem o, singtayen. ⁶ Ngan pela-a, lan palaq Allah ingan ka menyiwaq penuyen yaq ida uyan neng ikem. ⁷ Ya riq naq sa penga kuma ikoq yaq ia petuyen ngan pekina pa meq, dalau Tuhan Yesus peludaq ya, sen dalem sorga ngan malaikat -Ta yaq pekina ngi ngan, ⁸ dalam apuiyaq ma-ang ka me nyi waq kuma ida yaq ruun tisen Allah ngan palaq Injil Yesus Tuhanlu. ⁹ Ida kak sioq hukuman yaq biyuq ngan majan, Suq neng kembuweq Tuhan ngan peniga ngan kuasa Tuhan. ¹⁰ Neng kenai a, yaq ilu ka pembau ngan kelunan-kelunan yaq buweq ngan ilu ka ma-ak neng a-ang dulu yaq mengelan moq ku un isiu miq. ¹¹ Yaq, okoq a amiq lemuto berdoa kuma ikoq tembelum lu Allah lu naq ikem tekep neng dalem pengin enjuq ngan menyangan pengenyat untuk uyan yaq tiga ngan gayen pengelan ngan kuasa Tuhan. ¹² Idi apan ngadan Tuhan Yesus lu, dulu pembau neng dalem ikem, ngan ikem dalem ya, pekesi yoq ngan anugerah Allah lu ngan Tuhan Yesus Kristus.