¹ Paulo,chindthzinda wa Kilisitu Yesu Kilisitu,na ndolome Timoteo,kuli Filimoni, muthamba wetu na mukwetu mu bipangi, ² na kuli ndokathzi yetu Afiya,na kuli mukwetu litwalale Alikipase,na ku chikungulukilo chije chikakungulikila mu njibo yobe. ³ Echeleni ngothzi ikale nenina kwoloka kutunda kuli Njambi Tatetu na Shukulu Yesu Kilisitu. ⁴ Thimbu yoshe njika kandelelea Njambi omu njikendeka hali yobe mu malombelo ange, ⁵ mwafwa njina thzibi likulahelo lije uli nalyo hali Shukulu Yesu Kilisitu na chithzemo uli nacho kuli banu boshe bakakuthzila. ⁶ Cho lalo njalombo ngwange kukulahela kwobe kuputuke kupanga,mangana ukathzibithithe byuma byoshe bije tuli na byo muli Kilisitu. ⁷ Mwafwa njakele na kubwahelela manene na kunji thzembeleka mwafwa wa chithzemo kwobe,na bimbunge bya banu ba Njambi ba kuthzila bana bwabtha kuli yobe ndolome. ⁸ Cho honi nambe njilinapu wakuthimpa muli Kilisitu na kukukambeya bije unapande kulinga, ⁹ oloni mwafwa wa chithemo,nji na kukulomba - yange Paulo,munalume wa kukola,na hali thimbu ino nji chithzinda cha Kilisitu Yesu. ¹⁰ Njina kulomba kuli yobe na kwetheketha hali munange Onesimasi,owu njalele thimbu njili mu malenge. ¹¹ Mwafwa wakele chikolokomba kuli yobe,oloni hali ino thimbu ali honi mungulu kuli yobe na kuli yange. ¹² Njina mwilwitha kuli yobe,yikeye bene owu ali na mbunge yange. ¹³ Kumani ngwe nja munyungile ngwe wanji pangelelele yange hali yobe oku njili mu malenge ha mulonga wa muthzimbu waubwa. ¹⁴ Oloni kunjashakele njilinge chuma nambe chimo cha kujeneka kunji tabetha. Ku njashakele bilinga byobe bya bibwa bikale bya kutundila ku chithzango cheni cha chibwa. ¹⁵ Hamo hali echi wakele wa kwandununa kuli yobe ha thimbu yayindondo,mangana uka kale nendi thimbu yoshe. ¹⁶ Cho kakakala ndungo,oloni wa uje wakutubakana ndungo,ndolome wa kushaka,kuli yibe,kwitila mu mubila na muli Shukulu. ¹⁷ Chohoni ngwe unjitambula kupwa nji mukweni,cho mutambuleni ngwe yange. ¹⁸ Cho lalo ngwe na kubihithila nambe nakukoletela bimo kuli yobe,njane mulonga yange. ¹⁹ Yange,Paulo,njathono ebi kupangetha ma boko ange. Yange bene njika fweta - kunjendeka ngwange wapwa na likongo lyange! ²⁰ Eyo,ndolome,echela njiwanenemo bimo kufuma kuli yobe muli Shukulu;bwaeletha mbunge yange muli Kilisitu. ²¹ Mukukulahela na kwononoka kwobe,njina kukthonekela. Njinathibuka ngwange uka linga bya ku tubakana hali ebi njalombo. ²² Hathimbu imo,nji bwahethele mulili wabangethzi,mwafwa njina kulahela ngwange kwitila mu malombo obe baka njilwitha kuli yobe. ²³ Epafalase,mukwetu chindthzinda muli Kilisitu Yesu,na kumeneka. ²⁴ Na mako,Alisitakase,Demase,na Luka,bakwetu mutuka paangela. ²⁵ Ngothzi ya Shukulu Yesu Kilisitu ikale na sipilitu yobe. Amen.