¹ Ngechibene,omwo bana tuthzengeleka na mbunga ya bakaleho babangi,tutuleni byuma byoshe bije bina tulemena na bubi bije buna kakateya hali yetu. Cho lushatukeni na lukakateyo kungethzi buje banaaka ku lutwe lwetu. ² Tolilileni kuli Yesu,mapukilo na mamanetheleleo a likakulahelo. Ngechi kujolela chije chi bakele ku mesho endi, wathimpile ha kulusa,kuthzibile shwama,cho watumbamene kuliboko lya chilyo lya litanda lya Njambi. ³ Cho muthinganyekeni,uje wa thimpile mu kayando kubaka bubi,linga kethi mujuke nambe kwenukwa. ⁴ Omu kuundangana kwethi kwa kukwitha bibu kweta nahatheteko ya kwitika maninga; ⁵ Munebala kutakametha chije balekele yeni ngwe bana: "Munange,kethi thingimike na kukehetha kunyantametha kwa Shukulu,nameme kujuka omwo bakwolola. ⁶ Mwafwa Shukulu aka nyanyametha boshe baje ba thzema,cho aka thitika mwana woshe uje yaka tambula." ⁷ Thimpeni mukayanda ngwe munu uje tambula kunyanyametha. Njambi ali pamgetha ngwe mubana bendi. Kuma kwali mwana mwana umo uje kuba nyanyamethele kuli ishe ndi? ⁸ Olojo ngweni yeni ku mu lithingimika,chuma chije bali na kulipangela banu boshe,cho mupwe bana ba chalu kethi lalo bana bendi. ⁹ Cho nawa,twakele na batatetu ba hano hathi bakele nakutu nyanyametha olojo twaba thingimikile.China tubakana bati kwononoka kuli ishe wa mithzithzime linga muyoye! ¹⁰ Batatetu batu nyanyamethele kathimbu kakandondo mwafwa bachi thinganganyekele ngwabo mwa mubwa. Oloni Njambi katu nyanyametha linga tuka wanenenmo nangana tukali pangele kuthzila kwendi. ¹¹ Kukwethikunyanyametha cha ije thimbuchakale na kwana ku bwahelele,olojo chakele na na kwana kubabala.Oloni ku lutwe ika tuula bushuka bwa kwoloka bwa kuthungama kuli baje bana longethewa kuli chikecho. ¹² Ngechibene takametheni maboko eni aje ana tepuka cho koletheni mabula eni a kuthzeya. ¹³ Endeni mubingila bya kuthungama,linga lindi lije lya bulema kethi likatanuke oloje lika kanguke. ¹⁴ Kaleni na kwoloka na munu woshe,na mukuthzila,omwo nge byahi naumo wahi akamona Shukulu. ¹⁵ Nyanyameni linga kethi kupwe umo ajeneke chikeketima cha Njambi,kethi kupwe mutthzi wa kulula uje ukola na kunena bukalu,linga babengi kethi uka banenele kubululumuka, ¹⁶ nambe woshe muka kulinga bya bupangala nambe muka mbunge yayibi,ngwe Isau,uje walandethele bukulunu bwendi na bya kulya bya bindondo. ¹⁷ Mwathzubuka ngweni munima yebi,ikeye omwo washakele kutambula chibethzikitho,oloni ba mubaynenene,mwfwa kawanene thimbu ya kutengulukam nambe wa chitondele mukulila na mithothzi. ¹⁸ Olojo kumwethzile ku lilundu lije mwatha kukwata,lilundu lije lya shukumine na tuhya,na lithithulungu,na kuthzithzibala,na lihunthzi lya kama. Kumwethzile ku chililimo cha luneta,nambe lijwi lije lyendeka majwi baje baka kuathziba balombelele ngwabo kehi babaleke lijwi likwabo lalo. ¹⁹ Kumwethzile ku chililimo cha luneta,nambe lijwi lije lyendeka majwi baje baka kuthzika balombele ngwabo keti babaleke lijwi likwabo lalo. ²⁰ Cho kubathele kuthimpa habije bibabakambeyeye: "Nambe nga kathitu akwata ku lilundu,ban pande kumwasha mamanya." ²¹ Bije ba mwene byaba thzibithile lyoba ngechi Mosesa wendekele ngwendi, "Yange njili na lyoba cho nawa na kujaja." ²² Nambe ngocho,yeni munaija ku lilundu lya Siyone munganda ya Njambi wakuyoya,Yelusalema wa mwilu,na ku tungelo kutungelo babangi-bengi baje bali na kubwahelela. ²³ Yeni muneja ku chikungulukilo cha bana ba ntwatwa,baje bana thonekewa mwilu.Muneja kuli Njambi,muka kuthompetha boshe,nakuje ku mithzinthzime yaba ka buthunga baje balingiwile kupwa bakakupatuka. ²⁴ Munaija kuli Yesu,uje wa kwimanena chitabathano cha chihya,na kukushamwina kwa maninga aje alinakwenda kutubakana maninga a Abele. ²⁵ Taleni ngweni kethi mubyanangane uj ali na kwendeka.Cho ngwe kubathele kuputhumuka omu ba baynene uje waba thing'ikile hano ka hathi,cho yetu tukaputhumuka kabundondo nge tukengetha nima kuli uje ali na kuthing'ika kutunda mwilu. ²⁶ Ha thimbu imo,lijwi lyendi lya ningangethathele kaye oloni imo thimbu natu kulahetha na kwendeka ngwendi, "Njika ningangetha lalo hathi oloni kethi hathi lika na lilu lalo." ²⁷ Awa majwi akwendeka ngwabo, "Kwilukilaho lalo," awalumbununa ku fumithaho byuma bije batha ku ningangetha,twendeke ngwetu,byuma bije bantanga,mangana byacho byuma kubyatha kubi ningangetha bithaleho. ²⁸ Ngechibene,kutambula bumwene buje kethi bwa kunungangetha, tukandeleleni na kulemetha Njambi na kathingimiko na lyoba. ²⁹ Mwafwa Njambi yetu wapwa tuhya twa ku nyongetha.