¹ Kutunda kuli mukulunu na kuli lishano bangula na bana bendi,baje njili nabo na chithzemo cha buthunga - cho kethi yange lika,olojo na baje boshe bana thzibuka buthunga- ² mwafwa wa buthunga uje ukathala muli yetu cho bukakala netu myaka yoshe. ³ Ngothzi,ng'eke, na kwoloka kukakala neni kuje kukatunda kuli Njambi Tate na kutunda kuli Yesu Kilisitu,muna Tate,mu buthunga na chithzemo. ⁴ Njina bwahelela manenene omo njina wana baana bobe bamo bana kwenda mu buthunga,ngechi muje tuna tambula eli lishiko kutunda kuli Tate. ⁵ Cho honi njina kulombelela,lishano - kethi ngwe njakel naku thonekela lishiko eli lya keleko na hakulibanga - tunapande tukale na chithzemo hali umo na mukwabo. ⁶ Echi chikecho chithzemo,chije tunapande kwenda kwetheketha na mashiko endi. Eli likelyo lishiko,ngechi omu wa thzibile kutunda ha kulibanga,mangana ukendele muli likelyo. ⁷ Omwo baka kukwitha babengi bana kobela mu kaye,ba konowa kutabela ngwabo Yesu Kilisitu wethzile mu chifwa cha bunu. Ou ikeye muka kulikwitha napu chitothzi cha Kilisitu. ⁸ Linyungeni yeni babenya mangnanoni mu konowe kuthzimbaletha byuma ebi muna pangela. Oloni mukatha kutambula bwana bwa kushula. ⁹ Hali woshe uje atwalelela na kwonowa kukala mu bilongetha bya Kilisitu kethi na Njambi. Uje ali mu bilongetha,ou ali na boshe Ishe na Mwana. ¹⁰ Ngwe umo naija kuli yobe oloni kakunenelele echi chilongetha,kethi mumutanbule mu njubo yobe nambe kumumeneka. ¹¹ "Mwafwa ou amu meneka cho na lyaka ikeye babenya mu bilinga byendi bya bibi. ¹² Njili na byuma bya bingi byakuthoneka kuli yobe,oloni ku njashakele kubithoneka byoshe ha lipapelo na bulombo. Nambe ngocho,njili na chinyangabili cha kwija kuli yobe na kwendeka nobe chitona mesho,mangana kubwahelela chetu chikapwe cha kushula. ¹³ Bana ba ndokathzi yobe wa kwangula na kumeneka.