¹ Eyi ekeyo thimbu ya muchitatu njili na kwija kuli yeni. "Mulonga woshe unapande kukala bana kaleho babali nambe batatu. ² Njinendeka laja kuli baje bana lingi bubi thimbu ya kunima na kuli baje boshe bakeleko omu jethile ka muchibali,cho njendekele lalo: Omwo jikeja lalo,naumo wayi akapanguka ku mulonga wendi. ³ Njili nakumileka echi mwafwa mushaka bukaleho bwa Kilisitu uje ali nakwendeka kwitila muli yange.Uje wajeneka kutheya muli yeni.Oloni,napu mukanthzili muli yeni. ⁴ Nambe bamushukikile mwafwa ya buthzeye,oloni ali nakuyoya kwitila mubithzili bya Njambi.Mwafwa netu twapwa bakutheya muli ikeye,oloni tukayoya nendi kwitila mubithzili bya Njambi bili muli yetu. ⁵ lyethekeni yeni babenya,nakumona ngwe munapu baka kukulahela. Lyethekeni yeni babenya.Eni mwatanekeya echi kupandama hali yeni,ngwe Yesu Kilisitu ali muli yeni? - ngwe,kethi ngachije,cho mwonowa chetheko. ⁶ Cho njina kulahela ngwange mukathibuka ngachije ngweni kethi tubakakonowa chetheko embwe. ⁷ Cho hano lyapwa tu lombe kuli Njambi ngechi kethi mukalinge byuma bay bibi.kujethi na kulombela ngwange yetu tukalimwethe bakakuhyana. Oloni njili nakulombelela ngwange mulinge byuma bya kwoloka,chipwe tunatha kusholoka ngwe baka kwonowa chetheko. ⁸ Mwafwa kutwatha kulinga byuma bya kwonowetha buthunga oloni bipwe bya buthunga lika. ⁹ Tulinakuhwahelela omwo tunajuka oloni yeni muli nathzili. Ngachijebene tulinakumilombelela lalo ngechi mupwe bakulumbunuka. ¹⁰ Njili nakusoneka ebi byuma thimbu njili kulako neni okwo kethi njakupange neni na bukalu ha kupangetha binthzili - bije shukulu wanjanene mangana njikamitunge,cho keti kujambununa. ¹¹ Akumanenethelako,ba ndolome,bwaheleleni! pangeni mukufwilamo,pweni baka kuli thzameketha, pweni balitabathano kuli umo na mukwabo,yoyeni mukwoloka.Na Njambi wa chithemo na kwoloka akakala hamo neni. ¹² Lindwetheni umo na mukwabo na kulithsemba kwa kuthzila. ¹³ Banu ba Njambi bakuthzila boshe banatumu kumeneka kwabo.Kulumbununa banakupandakana hamo mbathzumbwila 13 and 12 na 14 kupwa mbathzumbwila 13. ¹⁴ Kutetela kwa Shukulu Yesu Kilisitu,chithemo cha Njambi,na kulitombola kwa mundthzinthzime wa kuthzila bikale neni boshe.