¹ Oh, yalna gagit satun banom so m o itak, banimgo kuluimey, giasui go kabung nalo so molomoi wa nemot,banimgo yakna-yakna io suey iti, banim go nemot wem.gia lui go kolbu tasemu so mo lemoi. ² Wadi go uyanise u mae kukulo, sogot belo unebo lo yamso piam sudue-sudue nemot so dui duing go kelaya duo nemot nang sik sogolo yakua sogom nemot naklai-naklai nemot motenget nemodeigo saula rli so suing. ³ Yehuda yakna mo itak ko ibu tasemu so, koi wong baso suisuing goso yakna meno baso suisuing sogoso, no sip ganemot nogo nim yakua la dali ibe lo nemot duk go tuituruik nemot tap kua go yam no pung. ⁴ tap-tap Sion nogo, , unembu balo u wet simso walap sudue kabung kelaya duo rang punggo kua ikum, pung go yataput, yatapat kik tuninggo kuatututup naklai-naklai kuluim kua nemot nanggo iman-iman kunala duiduingso, kaguit-kaguit tiat usukga nemot tanggo usuk ga. ⁵ Pele sagui suduelo nemot nang kokonok, nemodei rili-rliso se semogo dabui yakai ey, simso wali ayalo tasam ganenot talinggo dabui sip nogo kua suiing piam piam sikso, nemot go dunun nang uwet lak go pele sagui sudue go tawok baso gemang. ⁶ Mo naga kaguit Sion sui makua weng kabui- weng kabui rsa kalikso wayo dop kua tugu, ganemot no kelong nang sogo don kua nemogo pele sagui sudue go nebuem ku nogo. ⁷ Genam sang maduing mo Yerusalem lo ku sadui nemot nanglo kuak ko iuong derang nemot nang ga banim go pele sagui ta belo kunong nemot nang nemot bano degot ko nogo, nemot nang ne tebak ko yalui kut nang sogo sudue kua. ⁸ Yerusalem piam kangoki gane mot nogo nemot nang kon baso banim go nemot nang sui ey gia suigo nemot nang lomo wayang sui kua, ganemot sikso nemogosaisukikumluesoba ganemat sogoso nebuem nemu ket sono gemang iwot. ⁹ Kon ganemot masi usi no tebok ko nemot kuaduing sogokalik koya ya lemoi yansi gomu banogo kalik puigo,dabui suat nembut pen nang sogo sudue kua ''oh '' walyi aya ikum ya genam go ide keba saulu rli sogo sudue ikum go nemogo saisuk belo sono itigo se!'' ¹⁰ Pele sugui suidue ta serago uluang taut pelono nemot lo sogo kalik so ikum saula-saula dugut ko wal yap bano, nemot da mot lo sang matui go ''oh wali aya nemot nang mogo bulung so yakua lemoi. ¹¹ Kunala duing so yakna sudue naklai, nemot nang ten roti so gemang uwet, nemot nanggo uluong taut ten naiso idok netana won walyi tebot ngge bung nangso. ikum, ya walyi aya '' sonong sogo kalik so genam go sui kua go lemoi. ¹² Mo kekolong go seko kokolong mat nang neklai suguong banim nogo nemu yalap ya, gano ikum ya, siniso ukunala ge walyi ayalo terago, genam ¹³ nemat lo bolosik so koi gemang luguit genamgo don buem basono gabe dugut ga ey kebo palo genam go masi bano gabe betep nemot lo tasam ganemot talinggo genam ey kel sono suet, gano bobongo tui, ku sadui ku kelya suinggo. ¹⁴ Genam go piam ide keba gabe mogalung, genemot walyi aya go ta kebali lemoi goi genam go susu belono gulung go ga nemot sik genam go dan ey kua, walyi aya lo genam sudue sudue go ta sono itak ko genam logo nembut ya kua pu nemot nang nogo. ¹⁵ Walyi ayo lo nak lai mo tunguo, don sudue don sudue geram ey go nemat lo walop itigo genam nemu luik kenang so genam go ngguot kagut luguot nang so walyi aya lo kaguit yehuda kin ga kekonok sudue kabung loanggur sik ko kalik. ¹⁶ Ganemot sikso genam ugabe keluo, unebu gabenet, siniso genam tebak ko don kok nang sogo sudue ket so, nega-nega iti go genam go duo yap siniso pele sagui sudue don ey suinggo. ¹⁷ Sion kamso ta serago, no sudue kua nemot dabui don kok nang sogo, wali ayalo iwat ko, saula idi saula no Yakub iti go pele sagu nang so, Yerusalem kon baso nemot nang nesip baso. ¹⁸ Walyi aya mot sini, pele sagui tonggo walyi nembut wa yanggo sikso, setup saula-saula nakelai genam go dabui bauso genam go kaguit-kaguit donok tiat demininggo yamso yamso idak ko kelonggo saula menenogo sipno, koibu tasmu nangso. ¹⁹ Andua-andua kmaso genam lo, usigo mo memot nang lo genamwamoiso nudue, imam-imam gaey sudue-sudue kunala ey go yamso mo kebong ibe sip geno, ku ganemot no ten so uwet go no walyi tebot suing nang sogoso. ²⁰ Oh walyi ayi ikum ya, genam suali kangokso teterago se, genam go dabui sip no kua suisuing go se dabui tumungno-tumung no i wot go genam go dabui piam so terago sagu pung sago ija nuguon idi no genam go duo yap tuk ko se pelelo, gako yap bano ku sadui dalu kong golo. ²¹ Setup genamgo kumala duing papengo no genam go debui ta sayap nang sogo sudue kua pele sagui sudue motapku sadui genam bolono lemoi go nemot nang yakai ey siniso motlo tasam ganemot lemoigo genam bolono, pung kunyum ya ku mot lo talinggo, no nemot nonggenam kalik tera dali genang. ²² Neu ya nemot nang go piam setaling mogo nubuem nunmu ku no gano selemoi nemot nang no, nago kalik genam taling go kalik dali, yang ga genam go piam sikso siniso mataso genam lo tera mo pen genam go dabui sadui.