¹ Idaberi camui Ciro neni, yai yacale icuerina, Waiwacali ideca imanica itacaiwa quewa imuasericawa Jeremías inumalicuise ya idunuaco yasu espíritu yai Ciroca. Ya isanaca, yai Ciroca yemiaca iwali yai yasu yacale icuerina macaita. Niecai itaneyeica cai itani iwali. ² Ciro, icuerica yacalé Persia imaca: "Yai Waiwacali, Dios chenuniserica, yaca nulini macaita yai yacaleca iyerica cali inata ya yasaidaca nulini numanicatena iri aberi capi alede Jerusalén nere alenacaidde Judea nere. ³ Cairinacalita yasu yacaleca (quewa yasu Dios, pinara napicha) quewa yewacue piriecawa alede Jerusalén nere imanica tenawa iri aberi capi Waiwacali iri, Israel yasu Dios, yacata Jerusalén yasu Dios. ⁴ Cainacalita weneicaca sisericade yacale nese alenaca litacue piyacue inata piyapina inata calica, quewacue yewa pimusuadaca palata ya oroca, piasuneicueca, cuwesinei, caitanacai aberi ofrenda piasu wawasitawa capi Dios yasu alede Jerusalén nere". ⁵ Nese niai naiwacananei nenaneimica nawirineiwica Judá neseyeica Benjamín, niai sacerdoteneica, levitanei, macaita Dios yasu espíritu icaweideyeica nanápina namanica yasu aberi capi ibaluawa. ⁶ Niade natesebeiyeica nayudaca nia ibeidacalesi iwali, aiba wawasi iyu, palata oro, yasusi iyu, cuwesinei iyu aiba caweniri wawasi iyu ofrenda piasu wawa sitawa. ⁷ Caitanacai yai yacale icuerinaca Ciroca ya imusuadaca aibanei wawasi iricuise yai Waiwacali icapeca, yai Nabucodonosor iderica iteca sisade Jerusalén nese, ideri imacaca capiricule nia yasu diosneica. ⁸ Ciro imacaca icapiricule yai Mitrídates tesoreroca, queirica icalidaca Sesbasar irini, ichulierica Judea neni. ⁹ Yacate yasu número: treinta (30) yasúli oroca, mil (1000) yasuli palataca, veintinueve (29) aibanei yasuli, ¹⁰ treinta (30) tazones oro, cuatrocientos diez (410) tazones pubenameyei palataca, nianacai mil (1000) wawasinei metaucuta. ¹¹ Nayaquewa cinco mil cuatrocientos (5,400) wawasinei oronei, palatanacai yanamonubaca macaiwa yara. Sesbasar yaneidaca macaita, chanacali nia namusuade yeica yeyeicawa Babilonia nese, Jerusalén nere.