¹ Ben Adad Aram neseni iwacaida macaita niai yasu ejército. Yana nani treinta y dos (32) reyes sumanai yi yapica, cawallo carros. Imichacawa, iyaca Samaria nere ipeliaca naipunita. ² Ibanuaca aberi iteri tacasi ale yacale Acab yasu, rey Israel yasu imaca: "Ben Adad imaca". ³ Piasu plata piasu oro nasucani. Aiba pinunai penibe, cayaberi macaita, nasucani". ⁴ Yai rey yebaca nasana: "Caita iyuwana pimaca, nuiwacali, nuasu rey. Nua piasu macaita nudenian". ⁵ Na iteyeca tacasi namacaniwa abeta ya naimaca: "Ben Adad imaca: "Nucanua piri aberita tacaisi imeri pepuadanapina nuli piesu plata, oro, pinunai penibenai. ⁶ Nubanua piri nuasu weneica ibeideri mapisaita, yai hora, desapinaca nacapi iyuwa picape nese yai aibe icapeque piasu weneicaca cayaberica neicaca". ⁷ Nese yai rey Israel imeida nie beyica cali inata imaca nali: "Cayaberi wawasi, pitana picacue yai asiali iwaweri peliacaisi. Ibanuaquerica nuli aberi tacaisi. Ibanuaquerica nuli aberi tacaisi, yedaca tena nie nuinumaica nuebanua plata, oro, nua camita numaisania". ⁸ Macaita nia beyica, macaita nia weneicaca, naimaca Acab iri: "Capemi isana, camimani icutericapicha". ⁹ Yaa Acab imaca nali nia iteyica tacais Be Adad yasu: "Pima nuiwacali iri, yai rey nuemica pisana ya pibanuerica iri yai piasu weneicaca, idebericatawa, ya queba idenamirica camita. "Ya nacawanica iteyica tacaisi iriya Ben Adad". ¹⁰ Nese Ben Adad ibanua tacaisi Acab iri imaca iri: "Ewitawe pimani manuiri, naca nie dioses imaca cananuwa namuluisi Samaria iricu nie weneicanei yeyicawa nuami achuricana nucapi iricu". ¹¹ Yae rey na Israel yebaca nia imaca: "Pima Ben Adad, camita ichanaiderica ibalewa peliari iyu, ya quinaca, ya nacasi, iwaterica ichawani". ¹² Ben Adad yemiaca tacaisi iracatai yasu reyes achumeyi, nacapena iricu. Ben Adad ichulia nia asianaica: "Pichuniacuewa ipichaleya uicaica" Nese, nie nachunia niawawa napichatena, ya yacaleca. ¹³ Nese, yanaca, aberi profeta Acab nere, rey Israel nasu: "WAIWACALI imaca: ¿Picaya manuiri ejército? Pica, numaca pina picapi iricu siuca eeri, ya pielipinaca Nua Piwacali". ¹⁴ Acab yebaca isanai: ¿Caina iwali? WAIWACALI yebaca imaca: "Nawali niai uwinai uculiyi, ibedaiyica irii yai yacale camirica manui". Nese Acab imaca: ¿Cana pina ide yai peleicaisica? WAIWACALI yebaca: "Pia". ¹⁵ Nese Acab iwacaida niaiuwinai uculiyi, ibaideyica yacale camirica. Nia doscientos treinta y dos (232). Nese Acab iwacaida niai uwinaica, macaita niai ejército Israel; siete mil (7000) en número. ¹⁶ Namusuacawa taicale.Ben Adad irerica iyaca imaca icapema iricu, napicha niai treinta y dos (32) reye camiyica bayi yelicawa yapicha. ¹⁷ Niai uwinai uruliyi ibaideyica yacale iwacananai yacale achunamameyica nacawa idebe. Nese, Ben Adad nacaidaca irini niai ibanueyica icueyida icawa: "Nacawa asianai Samaria nese". ¹⁸ Ben Adad imaca: "Pimosuacanemicuwa camita peliacasi iwali, peliacasi iwali". ¹⁹ Namusuacawa niai uculiyi uwinai ibadeyica nali niai yacale iwacalinai, achumeri yacale namuasuacaba yacale iricuise ejército yaca nami. ²⁰ Aberinama nanua nauwidewa ya niai arameos napiecawa. Israel yaca nami. Ben Adad rey Aram yasu ipiecawa aberi cawayo inata napicha niai aibanai cawallo. ²¹ Nese, rey Israel yasu imuasuacawa ya inuacaniai cawayo, niai aiba niai carros, ya inuaca macaita arameos manubeyi. ²² Caide, ya profeta yanaca rey Israel yasu ya imaca: "Pia cachaini pimani piawawa, pemia pichunia piawawa pimani ipinaca, idenami aberi camuic, yai rey Aram yasuca yanapina pipunta abetaniwa". ²³ Niai weneica rey Aram yasuca namaica irii: "Piasu Dios, Dios analima yasu, imaca yewa cachaini pia waicha, quewa pimaca wapeliaca pipunta maisabalitai, yacue cachaini wia picha". ²⁴ Pimanicue: "Picambiacue niai reyes; pibacue macaita natu irucuisewa pichanaida capitán ejército yasu nalu iricu. ²⁵ Pimichaida aberi ejército, camide ejército yaquenca picha, cawayo, cawayo, carro, carro ya pina wapeliapina pinpunta maisawalitai. Nese cachaini pina wia picacue". Ben Adad yemiaca nachulianacani, nachuliana inidacawa. ²⁶ Idecanami idebacawe walisai camui, Ben Adad iwacaida niai arameos iriacawa Afec ipelia naipunita niai Israel. ²⁷ Ya yacale Israel nawacaidayiwa napelia napina naipunta. Yacale Israel yabaluacawa bamichuani caide puchaiba yaluana cabra niai, nia arameos napuniadaca manacalica. ²⁸ Nese aberi asiali Dios yasu yana iri mawiani itanica rey Israel iri imaca,WAIWACALI imaca: Cana yewa neima niai arameos yai WAIWACALI Dios analima sayu, camita Dios valle yasu, Nua numaca pica iricu yai manuiri ejército, ya pialapinacawa nua nata piwacali". ²⁹ Nese, niai ejércitos nayamacawa naipunta siete (7) eeri. Nese, séptimo eeri iricu idebeca napeliaca. Niai yacale Israel nanua cien mil (100.000) arameos aberi eeri. ³⁰ Niami aibanaica napiacawa Afec nere, iriculeya yacaleca,, yawanaca imuta nainataba veintisiete mil asianai imaquelicawa. Ben Adad ipiecawa iwalua yacale iricule, imacaba aberi habitación iricule aiba iricule niwa. ³¹ Niai yasu weneica Ben Adad naimaca iri: "Waica siucata, wemia, niai reyes icape neniyica Israel neniyica reyes misericordiosos. Pimani wali cayaberi pimaca wawali baweri iwalise yai wasu cintura, aiba bapisi iwaliba yai waiwilaca, wamusuacatena rey Israel yasu neni iperdanana pina picauca". ³² Nachanaidaca bare balesica nasu cintura neni aiba bapisi iwaliwa yai naiwitaca, nese nacawa rey Israel yasu nere naimaca: "Piasu weneica Ben Adad imaca: "Pimani cayaberi, ¿Pimaca caucanua? Ya nuenasairi".