¹ Nejjata David jumaitsi: "Jota rabaja maje piaja bo waja tujjanü Dioso nukaenaje petsakiapa biabi java dajubi nüanü Israel piajava. ² Baja ra jjuatistia, David itsimi tsane jai piaja pianivi pekae tuatsi ejja dajjit pena patsivi itsa nakua werrea nanubena Israel piaja irra javata. Baja ra ponü to kopata pekaukukubivi nejja ibo baja ra jjuata kauku bijitsia bloquetonü dejjua nejja pekatsanae nejja Dioso piajabo. ³ David rajuteta jiarru monae utuibonü baupanü nejja jjuaya joneya biabarrena yajava bisagra monae. Baja ra ponü pijinenia rajuta ayeijava bronce jjuanü bakaüjüpa waja pesaba ponae java, ⁴ Ayei naejava monae cedro naenü ponanü ba jjanepana waja kaukubi nejja. (Sidonio yajava tirios monae tokapatsi David ayaijaba monaenü pekaukubi nejja). ⁵ David jumaitsitsi: "tajjunato Salomón pewüjuato abajjü bitso apo yapütae, bo jjua bakatsa najitsia Dioso nejja pita bütsibo pewünu juni nejja, kaenü ata apo jjainae pebitsibo mapaira pijivi, nejjata jjanü, tsimajjü nakuja rubianajü botaka tsanaenü nejja". Baja ra David bajaya jebe kujarubia ejjana. ⁶ Nejjata bajaraponü junata Salomón, pejjünatojjae, yajava itórroba katsa naenaeme bo Dioso nejja, Israelmonae piaja Dioso. ⁷ David jumaitsi Salomón javabelia: "Tajjünato, pikani taka tsanatabi nejjabo jjanü tajakuata pewünta tajatujjanenü Dioso. ⁸ Jane baitsi taja tujjanenü patajopa jjanüjava berrena yajava nejumaitsi: Jjamü bitso irra janábame yajava barrü biame tsekonamejjamü apo katsanaemü tsane bi tawünta tsipaji taita bünejeva, tsikabame ayei kuenia janabame irra. ⁹ Itsiata baitsi jane nejjünato jjainaename pejamatabü jjanianü. Apo kabarrajinae baja tsane nija wajabitsi dajjita nenia. Pewünu tsane Salomón yajava rajutsianü pejamatabü jema kuene piajamatabü revenü Israel piaja matakabi. ¹⁰ Baja ponü to katsanaena botawünta. Baja ponü tajjunto tsane jjanü pajjanü tsane. Jjanü kanutsianatsi nitorrobi nejja nija nakuata Israelmonae dajjita matakabi nejja. ¹¹ Tajjutanatomü, Dioso kayajava nejjainaenü tsane. Ba rajane nekatsanaenübo petujjanenü nija Dioso pakuenia baja raponü kajumaitsi. ¹² Kaenü Dios kuijirrü kaüjüpatsi peka rajutsi java neyati taenejja nenajamatabü yapütae nejjanua nejume kowünta ponaponae nejja peka itavetsi jume petujjanenü Dioso pakuijinae kanutsiana nitorrobi nejja Israelmonae. ¹³ Nejjata nejjainaenü tsane, itsa jjamü jjania waetsia jume kowünta ponaponame peka itawetsijava jjuanüa kajurruba baja ra ponu Dioso rajuta Moisés pitabü nejeba Israel. Nasaüre aitatsakamüre. Pütsa nasiva jepapame putsa siva faefaename. ¹⁴ Taema, tasiva nasaütsijjae tajjania waetsijjae piajabo nejja Dioso tres mil cuatrocientas (3400) patonelada beje pekaüjütsi kuenia palata, bronce, jiarru yajava ayeikuene monaenü. Pakuenia rajutajü naejavanü yajava ibo. Jjamü bemata ropotame bebeliayo dajjita jjuaje. ¹⁵ Jjamü jjainame ayibitsaüto penakuenebivi jjamü javata: pekajjiukaevi ibo, naejava kaekubivi, pekatsanaevi jjüa itorrobatsi. ¹⁶ Penakuebivi oro, palatata, bronce, yajava jiarru. Wekae tajja jjuabare nenakuenebi java nejjata Dioso kayava tsane. ¹⁷ David pijinenia itorroba dajjita pitorrobivi Israel javata peyavenonae nejjatsi Salomón pejjunatojjae ¹⁸ tsipaeba: Petujjanenü Dioso kayajava karrajuta nejamatabü jjania nejja dajjita java. Baja ra ponü nerrajuta tayai taneyei taenejja pejinavana paevi jotaje. Mapanakua jivi jume kowunta wanapaena Dioso yajava baja ra pamonae. ¹⁹ Jairre waja tujjanenü Dioso nejamatabü ütüto wetsina kuijinae dajjita jumalita. Nonota punanare katsanaename jota santonü piajabo pekado apo pejjainaenü piajava petujjanü nija Dioso Nejjata, jjamü nekapatsi arca waja navajükae nejja tsipaji baja jota ponapona Dioso pabo yabelia katsanetame pewünta Dioso.