¹ Pepúa jjanebipae piajabó rey, baja ra ponü jumaitsitsi Natán profetanü jawabelia: "Taema, jjanü ponaponajü cedro bota, juya Jehová pata nerrajutsi arca patayei taena nejja pejjatabi bo tutujo jawalia buata". ² Nejjata David Natán jumaitsitsi: "Nakue barre jjuayo katsi jamatabü kuai kuijai, tsipaji jjamü Dioso yajaea ponaponame". ³ Nejjata baja ra pamerrabi Natán Dioso jumaitsitsi: ⁴ "Tsipae barremelia David taja pianinü: Dioso kato najume ito taka tsipaebi nejja jjamü ra apo neto mata kotsimü tsane bo taponaponaenejja. ⁵ Jjanü kaeto ata apo pona ponaenü bo jawata pamata kabi barrü pitsapajü Israel tajiwi parrukaejebi. Jjanü nekojjana, jjanü nekua jane tiendata tapona ponaejawa. Pejjatabi bo jawata tabu kakuaba mata akaba pebokoto jjita. Tabernáculo jawáta tsirri bojji pemata akabi bojji itsajota nawajüka biaba bajayatami pamonae. ⁶ Dajjita jawa jjanü tapona ponaenü dejjuaya jiarruta Israel monae pitó robiwi jawabelia jjanü pastor nünü tajivi eweta pona ponaju: ¿Ojjanü meta jumaitsinü dejjua jitsia apo paneto nakuenebi mü cedro bo janünmeta? ⁷ Nejjata, tsipaebare David taja pianinü: ma ra jjuaje Jehová jumaitsije: jjanü kajutatsi wayafo werrena nena kuene binü taka namata weno naejjae, neweta pona ponaenü nija oveja bitsauto nemata kai torrobinü nejja taja jiwi israelwi. ⁸ Jjanü kaya jawa tsanetsi dejjuaya naje tarru kaename werretajü dajjita nija waja bitsaü nita büta, nejjata jjanü be peppo pebi kuene netame, be pebi pewü ponüba yeitanetsi ma pairra taje. ⁹ Jjanü karraju tsianatsi irra tajiwi Israelwi penubenae nejja, pepo piaja irrata jinawana paejitsia pejama tabü itontsi yeniwatsi. Apo kentsia itorrobi baja jiwi pia kuirrü bejewi, bajayata pakuenia. ¹⁰ Pakuenia paka kentsia itorroba, pakuijinae pakatsitorro batsi jjanü ito robajü pekentsia itorrobiwi nejjatsi tajiwi Israelwi. Nejjata jjanü aiteje paebia ejjanae najü nija wajabitsaü pewajü kato nakuene bianatsi bo. ¹¹ De pakuiji nae pĩaja matabi patsiana nenaita venetsi nejja ajja jiwi jawabelia, jjanü pitsapae ejjanae najü nijamonae jawaverena jjamü kuijinae; pepo nejji yajivinü pijinemia, jjanü rajutsia najü piaja nakua. ¹² Baja ra jane ponü neto matako tsiana tajabo nejja, jjanü juya kanü tsianatsi, nitorrobekae nejja jota ba eka gobiernonü dajjita matakabi nejja. ¹³ Jjanü pajjanü tsane baja ra ponü baja ra meta jane tajjünato. Jjanü apoya imüjü itojo robinü peyapütae nejja ta jjania jai kuene neya pütajitsia, pakuenia Saúl wekua pitajü, newajü naya pitorrobinü. ¹⁴ Jjanü paka jawa nukaenatsi taja bo jawata itsa jota pona ponajü dajjita matakabi nejja. ¹⁵ Natán barrü kuai kuijai David tsipaeba dajjita jumeyó beje, baja ra ponü tsipaeba jjuabeje to napebetsia dajjita. ¹⁶ Baja ra jjua kuijinae rey David joneya ekojopa pitaborra welia Jehová, baja ra ponü jumaitsitsi: "¿Neyapü taneme jjanü kuenenü, Jehová Dioso, de katsia itsi tajamonae tane karrenamü nejja ata berrebaje? ¹⁷ Jjamü katsita nanekonita tsikirri jawayo nira bünejewa, Dioso. Jjamü tsipaebame tajamonae nija piani nünü itsa matakabi patsiana nejamü, netsi tajütame pakuenia patajji bitsaü tonü nejja, Jehová Dioso. ¹⁸ ¿Dejjua jjanü pija, David, de kajumaitsi paetsi? Jjamü yeitame asiwamü bitso nija pianinü. Jjamü nekuijiru taejjae pejjania kuene. ¹⁹ Dioso, pejjania kuenia pekato ejjanae nija pianinü ü pepatsi nejja jjua nena sivá najama tabü jjainaejawa, jjamü itsimü najjuaje jjamü itsimü ma jjuaje auei kueneje tsita napebetsia ejjaname dajjita kuene nekobe kowü. ²⁰ Dioso, be jjamü kajena ajibi itsanü ata, ajibi pijinenia itsanü ata jjanü wekua nejjania jainü pakuenia pajjanü pana jumetae bianajü. ²¹ Je ¿De pana kuata nejjataje ma pairrataje be niajivi Israelvi, ipatsa be Dioso, jjamü pane jurame Egipto werrena itaja ra be pebi jjamü Diosomü kawünü yeita jitsia nenakuiji ru itajü tsijjae nena kuenebi jawanü? Jjamü jukame tomarranü niajiwi monanaenü jawa werrena nekapane paevi. ²² Jjamü baja Israelvi najjai nayabame dajjita matakabi nejja, Jehová baja rajanema jjamü piaja Diosomü. ²³ Jehová netsi paebijawa bajayala nija pianinü piajamonae yajawa peka jume kowünütsi nejja dajjita matakabi. Pakuenia jumaitsimü. ²⁴ Jjamü apo newü werrewerre kae yeniwa dajjita matakabi newünü tsite kaenü, kajai tsijitsia: Jehová pejjai naenü waja bitsiaü Israelvi piaja Dioso, abajjü wekae tajji kajume kowünüta wanapa, jjanü David, noja pianinü apo siva fae faenae nita büjenejeva tsiteka ponapona. ²⁵ Jjamü Diosomü tsita napebetsia ejjaname nija pianinü neto nakuenebi nejja piaja bo. Baja ra jjuajitsia nija pianinünü, baja ra jjuajitsia nasaü tajü kabarrü kuai kuijai jitsiatsi. ²⁶ Baja rajane Jehová, jjamü Diosomü jjamü pejjania kuene ejjaname netsipaebijjae nija pianinü. ²⁷ Baja rajane rajutame nija pianinü pona ponajitsia dajjita matakabi nejja jjamü jawata. Jehová jjamü rajutame, apo to werrewerre kae tsanetsi.