¹ Simoni Petulu, ntuama lutue na kapostolo ua Jesu Kilistu kuli ava vana tambula netu kuthelela kumolika kua mulio muakama-kama kukuvuaha kua Kalunga ketu muovole uetu Jesu Kilistu. ² Ngothina tjiyulo vikale kuli yeni mukuthivuka Kalunga na muene uetu ³ Omo nthili yendi Kalunga ina tuathetha viuma vioshe via kundama kumuono naku kushangala Kalunga, hakuthivuka uje uatuthanene na vumpahu vuendi vavena, na vutjili vuendi vua vikuama. ⁴ Ngetji mukemuo ua tuhana matavathano endi akumona vuana vua mulio uakama-kama; linga hakeho mukatambula kutjifua tja Kalunga, momunovoka kukuviha tjili hanthi kumasungu. ⁵ Tjili , etjivene ku nkandela yeni litakametheni navua kuoshe, kukuthelela kueni vuetheleleniko vutjili vua vikuama. Kuvutjli vueni vua vikuama vuetheleleniko mana; ⁶ Kumana eni kuthilikinya -kukuthilikinya kueni lukakatela lueni kushangala Kalunga; ⁷ Kukulemetha kueni Kalunga ngothi ya kuvakueni kungothi ya kuvakueni vuetheleleniko ⁸ Muomu viuma evi nga vinapu vieni keho vilana, Kovimipuitha vaka vulua nambe vaje kuve kuima vushuka mukuthivuka muene uetu Jesu Kilistu. ⁹ Muomu ou ajeneka viuma evi ikeye kapuputa, Amona evi vili muhiehi lika, nevala vana mutoketha kuvupi vuendi vualaya. ¹⁰ Ngotjo vene vakuetu, litakametheni navua navua kukukoletha kueni; naku mithana kueni, naku mihangula, muomu nga mulinga viuma evi ko mupunduka nahamo hahi. ¹¹ Muomu mukemuo vaka mihane muakama kama kukovela muvumuene vuje kuvue kuhua vua muene uetu ikeye muovole uetu Jesu Kilistu ¹² Evi vikevio njimivukitha nkala aha nthimbu yoshe nambe mumua vithivuka laja. Mukemuo lalo munakolo na vutjili vuje vumuli navuo. ¹³ Keho njina thinganyeka, Muatjli nthimbu injili munthingi ino-kuminjangula-nakumi vuluitha. ¹⁴ Mundjina thivuka ngatjije mukutunda muntsingi ja ngendji kuinja vuathi vuathi nguehoni muana ndjilekele muene uetu Jesu Kilistu. ¹⁵ Tjilivene ndjilitakametha thimbu joshe kulutue lua kutha ndjange muvuluke viuma evi. ¹⁶ Moumu kotuashuamene vithimo vivanatemana mana. Tuamilekele nanthilina kui ndjamuene uetu Jesu Kilistu, vunoni etu tuapuivambangi vakakumona- namesho etu vumpahu vuendi. ¹⁷ Moumu ikeje uatambuile kuli Kalunga ishe kathingimiko navumpahu. Omo lijui lia vumpahu lia vukama liethile kuli ikeje, nguslio, ou muene ua tjilemo ndjange ou, ndjija kumbunge. ¹⁸ Netu vavena tuovuile lijui eli lia tundile muilu, motuakele nendi kundundu jakujela. ¹⁹ Keho tulinalijui lia vupolofeto livanakoletha navua, likelio muatjlinga mutolilila ko, nguehoni ndenja ishuama mumuhela uamuthithi noholi tangua lituhuka keho litota lituhuka muthimbungetheni. ²⁰ Hakulivanga thivukeni etji, nge tjije kakuethi vupolofeto vua kuvithoneka vunalanguluka kutjithango njaumo. ²¹ Moumu vupolofeto navumo vuahi vuethile kutjithango tjamuntu. Vunoni vantu vahandekele viaKalunga omo Spilitu Santu uava pangethele.