¹ Uoshe athelela ngatjije Jesu Kilistu, nathemuka kuli Kalunga. Na uoshe alema uje uamuthene, alema lalo ou nathemuka kuli ikeje. ² Mukemuo tuthivuka ngatjije tulema vana vaKalunga. Tulema Kalunga nakunjunga majui alithiko endi. ³ Moumu etji tjiketjo tjilemo tjaKalunga. Ngetjije tunjunge majui alithi endi, namajui alithiko endi kati aakalu. ⁴ Moumu vioshe vije viathemuka kuli Kalunga, viatuvakana via hamavu, keho kutuvakana etji-tji vula viahamavu, tjiketjo kuthelela njetu. ⁵ Keho ija atuvakana viahamavu, ketji kuvanga ounathelela ngatjije Jesu ikeje muna Kalunga. ⁶ Jesu Kilistu vene, ikeje ounenja namema namaninga, ketji namema lika vunoni, namema namaninga. ⁷ Keho Spilitu ikeje mukakuambulula vukaleho moumu Spilitu ikeje vusunga. ⁸ Moumu kuli vatuta vambulula vukaleho Spilitu. Namaninga, na avavatatu vali tavathana mumo. ⁹ Ngatutava kuvukaleho vuavantu, vukaleho vuaKalunga vua tuvakana, muomu vukaleho vuaKalunga vukevuo ovu. Ngetjije ikeje nambulula vukaleho vuamunendi. ¹⁰ Uje amuthelela muna Kalunga, alina vukaleho muli ikeje vavena. Uje kathelele Kalunga namupuitha mukavishaki, moumu kathelelele kuvukaleho vuje vuana mbulula Kalunga vua munendi. ¹¹ Vukaleho vukevuo ovu, Kalunga natuhana muono kauekuhua uayaje. Namuono ou uli mulu munendi. ¹² Ou ali namunendi, ikeje ali namuono uje, oukethina munana Kalunga, moumu uje kethinauo. ¹³ Ndjimisonekela viuma evi, linga muthivuke ngatjije mulinamouno kauekuhua uaja je ani vene vakakuthelela mulithina lia muna Kalunga. ¹⁴ Etji tjiketjo kuthimpa tjije tjitulinatjo. Ngatu lomba vimo vina litombola natjithango tjendi, ikeje atuvua. ¹⁵ Keho ngatunathivuka ngatjije akutuvua, evi vioshe vitumulomba. Ngatunathivuka tulina kulomba atuhana. ¹⁶ Umonga amona mukuavo ali nakulinga vupi vukevuo ketjivuakutha, ikeje akamulombeleko kuli Kalunga, amuhane muono kuli vaje valinga vupi vukevuo ketji vuakutha. Kuvuli vupi vuakutha, ketji vukevuo ndjinahandeka. Nguange amulombeko kuahi. ¹⁷ Vipanga vioshe via kuviha vupi, keho kuvuli vupi vukevuo ketji vua kutha. ¹⁸ Tunathivuka nguetu uje nathemuka kuli Kalunga, vupi kavulingi, vunoni ou uasemukila kuli Kalunga. Ikeje alinjunga, keho uje muka vupi kamu kambeka livoko. ¹⁹ Tumuthivuka nguetu etu tuvakaKalunga, namavu oshe akundama kuli uje mukavupi. ²⁰ Keho tunathivuka nguetu muna Kalunga nenja, keho natuhana mangana, linga tuthivuke ou uavusunga. Netu tuli muliou uavusunga, muli munendi vene Jesu Kilistu. Namuono kauekuhua ua jaje. ²¹ Vana vange vavandende, litengeni kumahamba.