¹ Kwatapa me monyo uno kumehe ya Karunga no Jesus Christus,Ogho ngakapanguro vayumi no vafe,no mukonda yo limoneko lyendi no Untungi wendi: ² Hudita nkango da Karunga;niwapaikire palirengwito no pa lyadiranga lirengwito.Lineyede,Litape,exhort,No lididimiko nalintje no masongo. ³ Kuruvede ngaruya ro ngava gcenuna masongo gho mukumo.Mpongolisi,ngava lipaparera vavene namasongo kukwama mumaghayaro vavavene,Vo vaghambango nkugho mumatwi ghavo vya sano kuyuvha. ⁴ Ngava tjindja viyuvha vyavo kuusili,no ngava ntjindja ku siyogho. ⁵ Ne ngoli nwe,karenu na maghano gho mawa muvininke navintje.Hepenu unene -nene ;ruwanenu viruwana vyo livangeli;Tikitenumo mbatero denu. ⁶ Mpongolsi me na haferere kare.Ruvede rwande ro kuyenda runaya. ⁷ Namana kare muviweka vyo viwa;Namana mutunda;Natulika lipuro. ⁸ Mbunga yo uhungami kwayintulikire me,Oyo Hompa,Mpanguro yahungamo,Ngava kayimpa liyuva lya ngoli,no kapisi kwande tupu,nengoli kumbovo navantje vahoro limoneko lyendi. ⁹ Ruwana unene po wahulira wangu-wangu.Kwa Demas kwandjuva me.Uye kwahoro Udjuni wantantani no ayenda ku Thessalonica. ¹⁰ Crescens vayenda ku Galatia no Titus ayenda ku Dalmatia. ¹¹ Luke tupu anakaro name.Wana Mark umuyite kwande mukonda uye ayika kuruwana. ¹² Tychicus namutuma ku Ephesus. ¹³ Ndjugho yo lihoramo yo nasuva pa Troas kwa Carpus,ngamuyiyite nange ngamuya,no mbapira,Sinenepo Sipapa sokutjangera. ¹⁴ Alexander Munangoporo kwaneyeda usatana kuhamena kwande me.Hompa ngamufutita kukwama kuviruwana vyendi. ¹⁵ Nove wakona kulikunga kwendi,mukondasi uye kwaruwanita unene nkango detu. ¹⁶ Pakulikandura kwande kwakuhova,Kwato ayimanino name ampopere.Mpongolisi,keheuno andjuvilira.Kapisi vavivapere undjoni. ¹⁷ Nengoli Hompa andjimanininepo me no Kumpameka me mposi,Kupitira mwande,mbudi vakona kuyi yuvhilira ,no kehe muhoko ghuyiyuvhe.No me kwa mpweyire mukanwa kova nyime. ¹⁸ Hompa ngakangupa mu mpepo da satana no kuntulika muuntungi wendi gho Muwiru.Kukwendi uyerere ukarerereko narundje no naruntje.Amen. ¹⁹ Kundenu Priscilla,Aquila,no mundi wa Onesiphorus. ²⁰ Erastus kwahupire pa Corinth,ne ngoli Trophimus nasuvire kwakuvera ku Miletus. ²¹ Ruwana unene mpopo wahulira ngoye kumeho akaye Kurombo.Eubulus kwakukumorora,Na Pudens ,Linus,Claudia,no vauni namuvantje. ²² No Hompa akare no mpepo denu. No mbili yikare nanwe.