¹ Vantu vaku pira kukuyuvha nava ghunyavo, vavo naku karashi mumbunga vavo kutokomeme tupu vyava vene ntani vavo kutangura na kehe uno akaro na uhunga. ² Vantu vava gova kapi vashana kukuronga, ano ngoli vavo kughamba kehe pano vya kukumonikita ashi mbo vakaro na magahano. ³ Muntu wakuruwana urunde, kukuyitira mwene - ntjoni na lishwaghu. ⁴ Nkango da ku ghamba muntu kwa fana yira lifuta lya kupupa mema gha litondo; nkango da uhunga yira mukuro wa kupupa mema. ⁵ Kapi vya wapa vya kughamba ashi muntu wa murunde, ndje muhungami ntani muhungami ndje murunde. ⁶ Tunwa twa vantu vavagova kuyita dimutangu ntani tunwa twavo kurenkita vavatoghone. ⁷ Muntu wa mugova nkene aghamba kuku djonaura po mwene mukondashi ghuye kufa mu shiraha sha nkango da mwene. ⁸ Nkango da ushoti kutovara unene ntani dado ku kungena murutu naruntje. ⁹ Ntani nka, muntu wa ghudwa na viruwana vyendi udona wendi kwafana yira muntu wa kudjonaura. ¹⁰ Lidina lya Hompa kwa fana yira litungo lyalire olyo vatunga lyaku kora na kupama unene; oko vadukiranga vantu va uhungami va kayoghoke. ¹¹ Vantu va vangagho kughayara ashi limona lyavo kuva popera yira likuma lya ku pama lya lire unene lya kundurukido shatata. ¹² Muntu wa kuku didipita kumu fumadeka, ano ngoli muntu wa ku kunene pita kuyenda mundjira ya lidjonauko. ¹³ Ogho Ugova nkene muntu ahovo kulimburura ghuye ahana kuterera - nkene kapi una kuruwana vya weno ugova and lishwau lyana umoye. ¹⁴ Shihoro shoye shaku shana shimpe ghuparuke nkene ove kuna kuvera ngashi ku kukwafa, ano ngoli nkene aghu kombanita lihuguvaro kuvhura kufa wangu. ¹⁵ Muntu wa ukonentu kwa kara na upampi wa ku shana ku kuronga ukonentu kehe pano. ¹⁶ Ushwi ghoye ogho wa kara nagho nga ghukutwara kumeho yava kamakuto na va hompa. ¹⁷ Muntu wa kuhova kughamba mumpanguro kumoneka kehe pano ashi ndje muhunga nkwandi dodgoro aghambe unyendi ogho vatangura naye ntani vana kudi muvyuka. ¹⁸ Nkene vantu va ukonentu vankondo vana dikuvyuka mumpanguro va vapangure kwandi pakare vishorora vya fungu-fungu ntani vadimanapo. ¹⁹ Udito unene mu kuvyutirapo uholi nkene wa tjokapo kupita wa kutjora shitata shaku pama, ntani nkene aghutangura na unyoye nga ghara mavero ghendi kukoye. ²⁰ Ghamba nkango dadiwa mposhi ngaghuwane vya kulya; ntani nkando doye kukuyitira muyangu wa kugwanapo. ²¹ Nkango da kutunda mukanwa koye kuvhura di kupe monyo ndi di djonaure monyo ghoye, ntani una hepa kutambura ghulye viyimwa vya nkango doye. ²² Kehe uno awano mukamali kwa wana vininke vyaviwa ntani ove wawana shiyivito ashi Hompa kwa kuhora. ²³ Muntu wa ruhepo kughamba na ku kudidipita ashungide nkenda, ano ngoli muntu wa ungagho kughamba dadikukutu. ²⁴ Muntu wa kukara nava holi vavayingi mbo ngava mudjonauro, ano ngoli nkene aghu kara namuholi ghoye umwetupu kuvhura kumuhuguvara unene kupitakana munyoye wa mumati.