¹ Opo lyapwire liSabata, Maria Magdalena, Maria vawina vaJakopo naSalome ava yita maghadi vayatungike rutu rwaJesus. ² Nangura-ngura liyuva linya lya kuhova musivike, ava yendi kuntoko apa lya kyire liyuva. ³ Ava kutantere, ''Are avuro kusindumwinano lino liwe litundeko kwakungenena?'' ⁴ Apa va kengire ku wiru, Ava mono liwe vana lisindumuna ko, liwe linya, linene. ⁵ Ava ngene muntuko ava mono mumati ghona ana dwata vyuma vya vikenu, ana singire kurulyo , ntani vavo avatetuka. ⁶ Ava tantere, ''kapisi mutukuke. kwa papararalire Jesus, waNasareti, ogho mwa pampilire kusikuruse. gha vumbuka! pato pano. Kengenu kulivango kunya mwa murangikire. ⁷ Mora kayendenu, katanterenu vanasisongero vendi naPeturusa, uye kwa kuyenda kumeho kuGalireya. Nkoko nko mukamumona, yira momo amutantilire.'' ⁸ Ava rupuka ava kaduka vatunde muntoko; ava kara noghoma nakutukuka. kwato ovyo vaghambire kwa kehe uno vavo kwatukukire. ⁹ [Muruvindwira runya liyuva linya lya kuhova musivike, kutunda panya avumbukire, amonekere mona Magdalena, nge unya avuliro kudilira mpepo dadi dona ntambili. ¹⁰ Ayendi aka tantera vanya akalire naye vavo mulitamu nokulira. ¹¹ Vavo avayuvu asi uye muyumi nonka uye vamumonine, mbyevi vavo kapi vavipulire. ¹² Kunyima uye amonekere mu marupe gho kulisuva suva kuvantu vavili vavo po kwakuyenda va rupukemo musirongo. ¹³ Ava yendi ava katantera varongwa navantje, mbyevi kapi vavipulire. ¹⁴ Jesus kunyima amonekere vanya varongwa vendi vanya dimurongo nayimwe vavo kuna kulya patafura, ava va swenene mukupira ku pura noudito wadimutjima davo,mbyevi kapi vapwire kovo vamumonino Jesus apa avhumbukire ku ufe. ¹⁵ Avatantere, ''yendenu muudjuni, nokuka yuvita mbudi yayiwa ku visitwa navintje. ¹⁶ Owo apuro nokumukusa nga yowoka, ntani owo apiro kupura ngava mutengeka. ¹⁷ Ovyo viyivito ngani neyeda kovavapuro; Mulidina lyande ngani tjidamo mpepo dadidona. Ngava ghamba mumaraka ghokulisuva-suva. ¹⁸ Ngava damuna mayoka namawoko ghavo, ntjene ngava nwa kehe vino vyavidona, kapi nga vivakolita. Ngavakambeka mawoko ghavo kuvaveli ngavaveruka.''' ¹⁹ Apa a manine Hompa Jesus kughamba navo, ava mudamuna vamutware muwiru oko aka singira kurulyo rwaKarunga. ²⁰ Vanasisongero vendi ava yendi vakahudute kehe kuno, uye kuno Karunga kuna kuruwana navo nonkango kusiyivito avi yendi kwavo.'' muntu wakukupa akuhoro.