¹ Ruvede oro vaHompa navantje vavaAmorites kwa tungire kughu pumeyuva waruha rwaJordan, nava Hompa navantje vavaCanaan, ovo vakaliro kuruha rwantere rwa lifuta lyalinene, ava yuvhu ashi Karunga kwa pwirilita mema gha Jordan dogoro mbunga ya Israeli ayi rutu di mutjima davo adi tontonoka kumwe nakudira kukara nampepo yakuyimana mukonda ya mbunga ya Israeli. ² Ruvede oro Karunga kwa tantilire Yoshwa, ''Ruwana mbere yakutwepa kumwe ghuruwane vamba vakafumu navantje vava Israeli. ³ ''Makura Yoshwa aruwana naghamwendi mbere yakutwepa kumwe nakuruwana vamba vakafumu navantje va Israeli paGibe ya Haaraloth. ⁴ Oyino ndjo konda avaruwanine Yoshwa vamba: vakafumu navantje ovo vakatundiro mu Egipite, kutura ko navakavita navantje, ovo vafiro mumburundu mu ndjira, opo vatundire muEgipite. ⁵ Kutunda opo varuwanine vyamukanda kuvakafumu navantje ovo vatundiro muEgipite, shimpe nka, kwato mumati ogho varuwanine vyamukanda mumburundu mundjira yavo ya kutunda muEgipite. ⁶ Mukonda mbunga ya Israeli kwayendi mwaka dimurongo ne mumburundu dogoro vantu navantje, ovo vakaliro, vakafumu vavita ovo vatundiro muEgipite, ava fu, Mukonda yakudira kulimburukwa kuywi lya Karunga. Karunga nko kuvaghana ashi kwato ghumwe wavo ogho nga pulidira mukukenga shirongo osho aghanine kuva kughona vavo ashi ngava tupa, shirongo shakupupa mashini naushi. ⁷ Ngoli vana vavo mbo aghupire Karunga mumavango ghavo ovo aruwanine Yoshwa vamba. ⁸ Opo vapwire navantje kuvaruwa vamba, ava kara mpopo vakalire muntanda dogoro navantje ava veruka. ⁹ Makura Karunga antantere Yoshwa, ''Lyanamuntji naghupu rugugho rwaRgipite.'' Makura, olyo livango ava liruku lidina Giligali nalyanamuntji lino. ¹⁰ Mbunga ya Israeli ayikara muntanda paGiligal. Avaruwana Pasika muliyuva lyamurongo nane lyamumwedi, kungurova, mumayana gha Jeriko.'' ¹¹ Muliyuva lyakukwama Pasika, liyuva ndyo lyo, ava li vininke vyakutunda momo mushirongo liyuva olyo, mboroto yahana vishashitona mbuto da mahangu dakukanga. ¹² Mana ayi shagha liyuva olyo kuruku rwa kulya vitundwa vya mushirongo. Kapi ya kalireko nka mana kumbunga ya Israel, ngoli ava li vyo vyatundiro mushirongo sha Kanaani mwaka ogho. ¹³ Opo akalire Yoshwa pepi naJeriko, akankura mantjo ghande, ani have, mukafumu ana yimana kumeho yendi; ana pweyuramo rufuro rwendi ngoli kulighoko runakara. Yoshwa ayendi kukwendi kumwe nakughamba, '' ove kwetu ghuna hama ndi kuvanankore vetu?'' ¹⁴ Ghuye aghamba, ''Hawe morwa ame nimukughona wavakavita vaKarunga. Makura mbyo naya.'' Makura Yoshwa aghombomana nakugha, '' vinke ntilyande atantera mukareli wendi?'' ¹⁵ Mukughona wavakavita wavakavita vaKarunga atantere Yoshwa, ''Ghupako vi camakaku vyoye ku mpadi doye mukonda livango ali ghuna yimana lyapongoka.'' Ovyo mbyo aruwanine Yoshwa.