¹ Pashirugho shinya Joshua ayita valira lya Reubeni, lira lya Gadi, na lira lya ruha rumwe rwa Manasse. ² Aghambashi, ''Munaruwana navintje ovyo amurawira Mosesa mukareli waHompa. Mukutikitamo navintje ovyo namunangwira. ³ Kapi mwashuvilira vaghunyenu mayuva ghamangi, dogoro namuntji lino, ntani mwatikitamo viruwana vyo vataterera kwenu kutwara mudiragho da Hompa Karunga. ⁴ Weno Hompa wenu Karunga anarenke vaunyendi vapwiyumuke, yira moomu avivatwenyidira. Mpo ngoli shi vyukenu muvirongo vyenu oko mwatunga, olyo amupa Mosesa mukareli wa Hompa akaro musheli munya yamukuro wa Jorodani. ⁵ Ngoli munakona kutakamita mukuruwana dimuragho na veta odo amupa Mosesa mukareli wa Hompa, mukuhora Hompa wenu Karunga, kukwama mundjira dendi nadintje, kutikitamo dimuragho dendi, ntani nakukukwatakana naye ntani nakumutongamena bnadimutjima denu nadintje ntani na monyo wenu naghuntje.'' ⁶ Makura Joshua avakandayiki makura avatumu, avavyuka kutende davo muvirongo vyavo. ⁷ Kuruha rumwe rwalira lya Manasse Mosesa avapa ghupingwa mushirugho sha Bashani, ano kuruha rumwe Joshua atapa ghupingwa kuntere ya vaghunyavo mushirongo sha kughutokero wamukuro wa Jorodani. Joshua avatumu vayende kutende davo; avakandayiki, ⁸ nakuvatantera shi, ''Vyukenu kutende denu na maliva ghamangi, na vimuna vyavingi, na shiliveli na ngoporo, ngorodo, ntani namarwakani ghamangi. Kataperenu vininke vya vanankore venu navaghunyenu.'' ⁹ Makura ruvharo rwa Rubeni, ruvharo rwa Gadi, naruha rumwe lira lya Manasse avvyuka kumundi, avashuvhu mbunga yaIsraeli mu mukunda waShilo, wakaro mushirongo sha Kanana. Avatundumo vayende mushirongo sha Gileyada, kumavango ghavo, ogho vatungire mukukwama dimuragho da Hompa, kupitira mwa Mosesa. ¹⁰ Opo vayire muJorodani muliyuva lya Kanana, vaRubeni va vaGadite ntani na ghukahe wa rudi rwa Mosesa avatungu shidjambero pepi na Jorodani, shidjambero shashinene shakuyika. ¹¹ Vantu vaIsraeli avaviyuvhu makura ava ghamba ashi, ''Kenga, vantu vaRubeni, Gadi naghukahe wa rudi rwa Manasse vanakungu shidjambero kumeho ya livhu lya Kanana, ku Geliloti mu mudingonoko napepi nashirongo sha Jorodani, kuruha oro rwatumbukiro kwa vantu vaIsraeli.'' ¹² Opo vaviyuvhire vantu vamuIsraeli, lipongo lyalinene lya vantu vamuIsraeli alikara muShilo mukuyenda vakarwe navo. ¹³ Makura vantu vaIsraeli avatumu vatumwa ku vaRubeni, va Gadite, naghukahe wa rudi rwa vaManasse, mushirongo sha Gileyadi. Vavo avatumu na Piniyas mona mati wa Eleyazari, mupilisteli, ¹⁴ kumwe naye vatundiro kulira kehe lino lya vaIsraeli, ntani navantje kwakalire vapititiri vamurudi ghamumara gha vaIsraeli. ¹⁵ Avaya kuvantu vaRubeni, Gadi, naghukahe wa rudi rwa vaManasse, mushirongo sha Gileyada nakughamba kukwavo: ¹⁶ ''Mbunga yaJehova nayintje yinapongo kuna kughamba weno, ''Vininke munke vino vyakupira kukulimburukwa na Jehova evi munadjono kwa Karunga wa Israeli, mukupirura liyuva lino likare lyakupira kulimburukwa kwa Jehova, opo munakudikiri naghumwenu shidjambero, liyuva lino linakara liyuva olyo munapiri kulimburukwa kwa Jehova? ¹⁷ Ngoli ndjo detu da muPeyori kapi dagwana ndi? Shimpe nampiri kukukusha kundjo naumwetu kapi kapi twaviruwana. Mundjo yinya mwatundire mafingo kumbunga ya Jehova. ¹⁸ Nanwe nka waro munashana kushayeka kukwama Hompa panamuntji lino ndi? Ntjeneshi murwanite Hompa namuntji, yona ngagarapa na mbunga nayintje ya Israeli. ¹⁹ Ntjenshi osho mwatunga vanashidjonaura, makura munankore kuyenda kulivango olyo vatongamenanga Hompa yimana ghuhgupe ghupingwa mukatji ketu. Nkwandi washa djona na Hompa, ndi ghudjone natwe mukudika shidjambero sha naumwetu navimwe ntani na shidjambero sha Hompa Karunga. ²⁰ Kapi ghatjolire lipuro Atjani mona Zera mundjira oyo kavaruwanenanga Karunga? Kapi agarapire kukwama vantu vamuIsraeli? Ghunya mukafumu kapi ghafire kundjo yendi.''' ²¹ Makura rudi rwa vaRubeni, Gadi, na ghukahe wa rudi rwa Manasse gha valimburura kulilimbururo kumeho ya mbunga ya Israeli: ²² ''Mupongoki, Karunga, Hompa!- Ayiva, renka Israeli yene yiyivhe! Nke nakukananitako ndi naligwanekero na lupuliro linakurwanito Hompa, washatuwedererako mumayuva ghano ²³ mbyevishi nakudika shidjambero mukukuvyuta naumwetu tutunde kukukwama Hompa. Ntjene tudike sho shidjambero mukonda ya mbuto na ndjambo ya mpora, murenkenu Karunga atufutite kwavyo. ²⁴ Hawe! Twaviruwanine mughoma mbyevishi ruvede runya vana venu ngavaya kuvhura ngavayavighambe kuvana vetu, 'Nke ghuruwana na Hompa, Karunga wa vaIsraeli? ²⁵ Ngoli Karunga ghanatura mukuro wa Yorodani ghukaremurudi wapakatji kenu natwe. Anwe vantu vaRehubani na vantu vaGai, kundereko vaykurughana na Hompa.' Mpo ngoli ashi vana venu kuvhura ngavarenkite vana vetu ngavavafinge mukukwama Hompa. ²⁶ Makura ghatughamba, 'Renkenu weno tudike shidjambero, kapishi sha ndjambo yakukutumuna ndi sha kudipaghera, ²⁷ ano ngoli ngashingambipare pakatji kenu natwe, na pakatji kaghuye ghovo ngavayopo kuruku rwetu, ovo ngavayaruwanango viruwana vya Hompa kumeho yendi, na ndjambo detu dakututumuka na dakudipaghera na ndjambo detu da mpora, mposhi vanavenu ngavadire kughamba kwa vana vetu kuruvede ngaruyo, ''Kwenu kundereko vitapa kwa Karunga.''' ²⁸ Mpo twatantilire,'Evino ntjene kuvighamba kwetu ndi kuruvaro rwetu kuruvede ngaruyo, ngatutante ashi, ''Kenga! Shino ntjo shitemwinina sha shidjambero sha Hompa, osho varuwana vakurona vetu, kapi shakudjambera ndjambo ya kututumuna ndi ya kudipaghera, ngoli yakutapa ghumbangi natwe nanwe.'' ²⁹ Kuvhura vikare ghure natwemposhi twakona kukwama turuwanite Hompa namuntji tunavyuka tutunde kumukwama mukudika shidjambero shakututumukita, shidjambero shambuto, ndi shakudipaghera, navimwe vidjambero vya Hompa Karunga wetu kumeho ya ntembeli.''' ³⁰ Ruvede oro Pinehasi mukareli Karunga mpita meho ya vantu, ogho akaliro, mpita meho ya mbunga yaIsraeli ogho akaliro naye, ghakalire na nkango yarenkitiro vantu vaRubeni, Gadi na Manasse vatante, ovyo vyawapire mumantjo ghavo. ³¹ Pinehasi mona Eleyaza mukareli Karunga anatanta kuvantu va Rubeni, Gadi na Manasaha, ''Namutji tunayiva ashi Hompa mpwali mukatji ketu, mukonda kapi mwakwamine magwanekero ghalipaliro mumurwanite. Weno munapopere vantu vaIsraeli vatunde mumaghoko gha Hompa.'' ³² Makura Pinehasi mona Eleyazara mukareli Karunga, na vampititi avavyuka vatunde muRubenita na Gadita, vatunde mushirongo sha Gileyada vavyuke mushirongo sha Kanani, kuvantu vaIsraeli na kuyita nkango yikavyuke kwavo. ³³ Vitundwamo vyavo vyawapire kumeho ya vantu vamuIsraeli. Vantu vamukareli vapongire Karunga na kughamba kapi ngavayititapo vita varwane na Reubenita na vaGadite mukudjonaghura shirongo oko vatungire. ³⁴ VaReubenite vaGadite avaruku shidjambero ''Maghumbangi,'' avatanta, ''Ghumbangi wapakatji ketu Hompa ndje Karunga.''