¹ Israeli ne shitondo shakukara nawa sha mandjembere osho shatendango nyango. Yira momo dina kuyeruka nyango dendi, muvidjambero vyavingi ana kudika. Ntani livhu lyendi kwatenda vyavingi, ntani a wapeke nawa ngundi dendi. ² Dimutjima davo kapi davipunguranga shi ushiri, weno vana hepa kushampuruka mapuko ghavo. Hompa nga djonaura vidjambero vyavo, nga djonaura ngundi davo. ³ Mposhi ngavaghamba shi, '' Kapi twakara na Hompa, mposhi kapi twatjira Hompa, ntani Hompa- nke avura kuturughanena twe?'' ⁴ Ava ghamba nkango damuporongwa ntani na kurughana likukwatakano mukufinga vipema. Mposhi ushili kuna kukwangura kuyeruka yira mushoni wa ushungu mufora yamulifuva. ⁵ Vatungimo va Samaria ngavakara na ghoma mukondashi ya vita na vya Beth aven. Vantu vasho vaguvilirepo, yira momo varughanine varuti vamafano ovo vahafiliro kwavyo, ene ngoli kapi vinakarapo ngoli. ⁶ Ngava vishimba kuAssyria vikare vitapa kwa Hompa wa munene. Ephraim ngakombanita likuto lyendi ntani Israeli ngakufa ntjoni kushininke shendi shalifano. ⁷ Hompa wa Samaria ngava mudjonaura, yira ruvambi rwa shikuni pantunda ya mema. ⁸ Mavango gha kuyeruka gha ukarodona ngavagha djonaura. Edino ndo ndjo da Israeli! Miya na vitondo vya muwiya vya dimucuko ngavimena pawiru ya ndjugho. Makura vantu ngava kaghamba kundundu, ''Tufike twe,!'' ntani kundundu ghona, ''Wera petu!'' ⁹ Israeli, watura ndjo kutundilira mumayuva gha Gibeath, okunya wakalire. Kapishi vita ngavipite vana va vamati valipuko mu Gibeah? ¹⁰ Opo nashihoro, nganivavyuta munyima. Vantu ngavaponga kumwe mukuvanyenga ntani nakuvatura mutumbunga muukaro wavo wakukuwederera paviri. ¹¹ Ephraim ngombe ya yanuke vahufenita yahoro kupuma mbuto, mposhi nganitura djoko pantingo yendi. Nganitura djoko kwa Ephraim, Judah ngapurura, Jacob ngadera shipururo panaumwendi. ¹² Kuna ushili wanaumoye, ntani yangura nyango yalikwatakano ushili shili. Pirura livhu lyoye lyakudira kupurura, mposhi ruvede rwakupurura Hompa, dogoro ngaye ntani ngarokite ushili poye. ¹³ Una purura ukarodona, una yangura vipempa. Unalyi nyango yakurenkita ughayare shi vininke vimwe kapishi ushili mukondashi wahuguvalire mumaghano ghoye ntani namuungi wavarwi. ¹⁴ Mposhi muyoyo walipukito lya vita ngaliyeruka mukatji kavantu voye, ntani nadintje lihomweno lya nkurumbara ngava di djonaura. Ngavikara vantu validjonauro Beth Arbel muliyuva lya kurwana, opo vanyokwa ngava vakumuna matugcene kumwe na vana vavo. ¹⁵ Mposhi ngavishoroka koye, Bethel, mukonda yaunene wa ukarodona ghoye. Kungurangura Hompa wa Israeli ngava mumanitilira kumuteta.''