¹ Makura Solomon ghatameke kudika ntambeli ya Karunga. Evi kwashorokire mumwaka wamafere mane nadimurongo ntantatu kunyima yavantu va Israeli vayire mushirongo sha Egipite, mumwaka waune wa Solomoni apititilire Israeli, mumwedi waZivi, kutantashi mwedi wauviri. ² Ngereka oyo adikire Hompa Solomoni yaKarunga dimurongombiri muure wayo, rontatu mumpati ntani, rombiri muunene wayo. ³ Vipateko vya kumeho ya Ngereka ntjimantjima ya likwina kwakalire ure wayo dimurongo mbiri, kushetakana namumpati ntani metera murongo muudami wakumeho yaNgereka. ⁴ Ndjugho oyo adikire namakende navikugho vyako ovyo vyayirenkitiro yivyukilire pandje kupitakana munda. ⁵ Kuruha rwandjugho yendi yamulyo ava dikiko nkonda dakudingilikako, didingurukide nkonda damunda nedi dapandje. Kwadikire nkonda kudingurukida kukehe ruha. Shitimwitira sha kuhwililira metere ntano mumpati, mukatji metera ntayimwe mumpati, yautatu metera ntambili mumpati. ⁶ Pandje kwatulirepo situpa shakukurondanga kudingurukida ndjugho nayindtje mposhi ramba kapishi vaiture kulikuma lya ndjugho. ⁷ Ndjugho kwayi dikitire namawe ogho vawapayikire mulivango lyamawe. kwato hamara, likuva ndi kehe shino shiruwanita shashikugho vakalire nasho mumundi vavo kuna kudika. ⁸ Kwara urundu wangereka kwakalire livero lyakungenena lyakukushetakana nalivhu, makura umwe ayendi akanduke pavitarapa pakatji pene, kutunda pakatji dogoro palivango lyautatu. ⁹ Makura Solomoni adiki ngereka nakuyi mana, afiki ndjugho yo naramba navitondo vya kufughura. ¹⁰ Kwadikire nkonda munda ya ndjugho damulyo damungereka, kehe ruha kwa kalire metera ntano muure wayo, ava yipakerere kundjugho ya mulyo yashitondo shakufughura. ¹¹ Nkango daKarunga adiya kwa Solomon, kuna kughamba ashi, '' ¹² Kuhamena kungereka yino ghuna kudika, nange aghu yendimo muushiri na mbiri, una kona kukwama vipango vyande nka uyendemo, ngani kwatitako litwenyidiro lyoye yira momo naviruwanine kwa Vasho Daviti. ¹³ Ngani tunga kumwe navantu va Israel ntani kapi nganiva shuvilira. ¹⁴ Makura Solomon adiki ndjugho dogoro ayimana. ¹⁵ Adiki mangeneno ghali kuma na vipurangi na vitondo vyakufughura kutundilira ku situpa sha ndjugho dogoro kuvipereki, avifiki munda navitondo ntani afiki situpa sha ndjugho navipurangi vyuakudjindja. ¹⁶ Kwadikire metera dimurongo mbiri kunyima yandjugho navipurangi vya vitondo vyakufughura kutundilira pa Situpa dogoro kuvipereki. Kwadikire nkonda yino yikare nkonda yamunda, livango lyakuponga unene. ¹⁷ Ndjugho yene, oyo, livango lyapongoko olyo lyakaliro kumeho ya livango lyakupongoka unene, kwa kalire metera dimurongo nee muure. ¹⁸ Kwakaliremo shitondo shakufughura munda yandjugho, a shongo murupe rwa ntani dimucuko dakugharuka. Nadintje kwakailre dakufughuramunda. Kwato shiruwanita shamawe shamonikiromo munda. ¹⁹ Solomoni awapayikire kulivero lyakungenena munkonda yamunda mundjugho, mundjira yakukatura mundiro wamakukwatakano waKarunga nkoko. ²⁰ Nkonda yakungenena kwakara metera dimurongo mbiri muure. Solomoni afughulita likuma nangorodo yaushiri nakufika Shidjambero navitondo vyakufughulita. ²¹ Solomoni afughulita munda ya Ngereka nangorodo yaushiri ntani atura mauketanga gha ngorodo kuvindakana kumeho yankonda yakungenena ntani afughulita kumeho na ngorodo. ²² Afughulita kumangeneno naghantje nangorodo dogoro Ngereka nayintje ayipu. Shimpe nka afughulita na ngorodo shidjambero osho shahaminino kunkonda yakungenena. ²³ Solomoni atende va engeli vaviri nashitondo shandjwe kehe shino metera dimurongo muure, kunkonda dakungenena. ²⁴ Livava limwe lya mu engeli wakuhova kwakalire metera ntano nka nalyo. Makura kutunda kuwiru yalivava limwe dogoro kuwiru yalimwe kwakalire ure wapo metera yagho murongo. ²⁵ Ogho mu engeli ghumwe naye akalire namavava ghakutika kumetera murongo. Va engeli navantje vakalire kumwe mutika umwe narupe rumwe. ²⁶ Mutika wamu engeli umwe kwakalire metera murongo ntani mu engeli umwe naye mushikwagho. ^{27 28} Solomon atura va engeli mukonda yamunda kavangenanga kehe pano. Mavava ghava engeli agharupukamo ogho nyonoke ghakakwate kulikuma mavav ghamu engeli umwe kulikuma limweya. Mavava ghavo ghakukwatire umwe naumwe pakatji kalivango lyakupongoka unene. Solomon afughulita va engeli na ngorodo. ²⁹ A shongo likuma nalintje lyandjugho kukundurikida murupe rwava engeli, shitondo shauge na dimucuko dakugharuka, pantje namunda yankonda. ³⁰ Solomoni afughulita palivhu ya ndjugho na ngorodo nakuntje pandje na nkonda damunda. ³¹ Solomoni atende livero lya shitondo shandjwe lyakulivero lya kungenena munkonda yamunda. Mafano ghapalivero gha kalire nandjira dakutameka kutjanga ntano muruha. ³² Makura atende mavero maviri ghavitondo vyandjwe aruwana papavyo vishonga vyava engeli, shitondo shauge, nadimucuko dakupanuka. Avi fughulita nangorodo ntani a mwayere ngorodo pava engeli na vitondo vyauge. ³³ Mundjira yino, Solomon naye aruwaninine ungeneno wangereka mafano gha palivero gha vitondo vyandjwe ghakukara nadimutunda dakutjanga damaruhamene. ³⁴ Ntani mavero maviri ghavipirangi vyavikoli. Mahako maviri ghalivero limweya nagho ghakupetekire ntani mahako maviri ghalivero limweya nagho ghakupetekire. ³⁵ A shongerepo va engeli, vitondo vyauge, nadimucuko dakupanuka, ntani afughulita nangorodo pavi shongaura navintje. ³⁶ Adikire livango lyamunda lya muporongwa nadimutunda ntatu damawe ghakuteta ntani mutunda wadimutunda daramba dakufughura. ³⁷ Palivhu ya ndjugho yaKarunga kwayitulire mumwaka waune, mumwedi wa Zivi. ³⁸ Mumwaka wamurongo naumwe, mumwedi wa Bul, mwedi wa ntantatu, ndjugho kwayimanine mumaruha ghayo naghantje ntani vakwamine marawiro naghantje. Solomoni kwaghupire mwaka ntambiri mukudika ntambeli.