¹ Mwaka ntatu dapituro pahana vita pakatji kaArama Israeli. ² Makura aviya kuhamena vinya mumwaka waghutatu, Jehoshaphat Hompa waJudah ayendi aghurumuke kwahompa waIsraeli. ³ Ghuyepo hompa waIsraeli ana ghamba kuva pikavendi, ''Mwaviyiva ashi Ramath Gilead yetu, Mara kwato evi tuna kuruwanako mukuyi ghupa mumaghoko gha hompa waAram?'' ⁴ Mpo a ghambire kwa Jehoshaphat, nga ghuyenda name muvita paRamoth Gilead?'' Jehoshaphat alimburura kwahompa waIsraeli, ''Ame yira ve, vantu vande yira vantu voye, ntani tukambe toye yira tukambe twande.'' ⁵ Jehoshaphat aghamba kwahompa waIsraeli, ''Nakanderere shana lipititiro munkango daKarunga kwa navintje viruwana pamuhovo.'' ⁶ Makura Hompa waIsraeli apongeke kumwe vaporofete, vavakafumu mafere mane,na kughamba kukwavo shi, ''Kuvhura niyende kuRamoth Gilead mu kurwa, ndi nasha yendako?'' Ava ghamba ashi, ''Homona, mpo Karunga ngavitapa mumaghoko ghaHompa.'' ⁷ Mara Jehoshaphat aghamba, ''Kwato nka pano shimpe muporofete ghumwe waKarunga oghu tushana makorangedo?'' ⁸ Hompa waIsraeli aghamba kwaJehoshaphat, ''Shimpe mpwaliko mukafumu ghumwe ogho tuvura kushana makorangedo akutunda kwaKarunga avatere, Micaiah mona Imlah wa mukafumu, mara namunyenga mukonda kapi apumbwanga kehevino vyaviwa vyakuhamena kukwande, mara maudito tupu. ''Mara Jehoshaphat aghamba shi, ''Hompa nakughamba shi vyo.'' ⁹ Makura Hompa waIsraeli ayita muporosi nakumurawira, ''Kayite Micaiah mona Imlah wamukafumu, mundjira weno.'' ¹⁰ Weno Ahab Hompa waIsraeli na Jehoshaphat hompa waJudah kwashungilire kehe ghuno pashipundi shaghuhompa, vadwateke mu marugho dighavo, mulivango lya muporongwa pa kungenena paheka yaSamaria, vaporofete navantje kwa pumbwire kumeho yavo. ¹¹ Zedekiah mona Kenaanah wamukafumu akutura mwene mbinga davikugho na kughamba shi, ''Karunga kunaghamba weno: 'nevino ngaghu tindika va Arameans dogoro ngava kawore.''' ¹² Makura vaporofete navantje ava porofeta vyakukufana, nakughamba shi, ''Homona Ramoth Gilead nakuvena, mpo karunga ana vitapa mumaghoko ghaHompa.'' ¹³ Mutwali mbudi owo ayendiro akayite mikaiah aghamba naye, aghamba shi, ''Weno kenga, nkango davaporofete vana kenita mbudi yayiwa kwahompa mumwedi umwe. Nakanderee renka nkango doye dikare yira umwe wavo nakughamba vinike vyaviwa.'' ¹⁴ Mikaiah alimburura, ''Momo aparuka Karunga, mbyo vyo aghamba Karunga mumwande mbyo nighamba.'' ¹⁵ Apa ayire kwahompa, hompa aghamba kukwendi, ''Mikaiah, kuvura tuyende kuRomoth Gilead kuvita, ndi hawe?'' Mikaiah alimburura, ''Kahomone nakukafunda. Karunga ngavitapa mumaghoko ghaHompa.'' ¹⁶ Makura hompa aghamba kukwendi, ''Rungapi nivura kughana ghuntantere kwato mara ushili mulidina lyaKarunga?'' ¹⁷ mpo aghambire Mikaiah shi, ''Namono vaIsraeli vanakuhanene kuma ndundu, yira vindjwi vinya vyadiro muliti, makura Karunga aghamba ashi, 'Kwato mukengeli. Renkenu vakafumu navantje vavyuke kumundi wendi mumpora.''' ¹⁸ Makura Hompa waIsrael aghamba kwaJehoshaphat, ''Kapi nakutantereme kapi aporofeta vyaviwa kuhamena kukwande, mara lidjonauko tupu? ¹⁹ Makura Mikaiah aghamba shi, ''Mpongolishi yuva nkango daKarunga: Namona Karunga ana shungiri pashipuna shendi shauhompa, na viturwapo navintje vya muwiru kwayimanine kukwendi kulighoko lyendi lyarulyo ntai nakurumontjo. ²⁰ Hompa kwaghambire, 'Are ngakangeno Ahab, mposhi ngakayende akakanduke ngakawere pa Ramoth Gilead?' Ghumwe wavo aghamba vino ntani umwe aghamba vinya. ²¹ Makura mpepo mupongoki ayiya kumeho, ayiyimana kumeho yaKarunga, nakughamba shi, 'ngani mupa vininke vyakumu shegayika. Karunga aghamba kukwendi, 'Weni?' ²² Mpepo mupongoki ayi limburura, 'Ngani rupuka niyende nakukara mpepo mupongoki ya mapempa mutunwa twa vaporofete vendi navantje' Karunga alimburura, 'Ngaghumu koka, nga ghuvitikitamo. Yendi weno akaruwane ngoli. ²³ 'Weno kenga, Karunga anatura mpepo yavipempa twa vaporofete voye navantje, ntani Karunga ana turapo lidjonaghuko lyoye.'' ²⁴ Makura Zedekiah mona Kenaanah wamukafumu, ayapo, akapure Mikaiah kulitama, nakughamba, ''Mundjira yina ghupu mpepo mupongoki yaKarunga yiyende kutunda kwande yikaghambe nove?'' ²⁵ Mikaiah aghamba, 'Kenga, Ngaghukenga paliyuva olyo apa ngaghuyenda ukavande mu nkonda yamunda.'' ²⁶ Hompa waIsraeli aghamba kushipika shendi, ''Mangenu Mikaiah nakumutwara kuAmon, ngughuru wamunkurumbara, ntani kwaJoash, monande wamukafumu. ²⁷ Kaghambe kukwendi shi, 'Vahompa kunaghamba shi, Tura mukafumughuno ghuno mudorongo nakumupa na mboroto yayididi na mema ghamadidi, dogoro ngani kaye muukangure.''' ²⁸ Makura Mikaiah aghamba, ''nange nga ghukavyuka muukangure, Karunga kapi ana ghamba name.'' Makura awedako, ''Tegherera kwevino, Anwe vantu namuvantje.'' ²⁹ Makura Ahab, hompa waIsraeli, ntani Jehoshaphat, hompa waJudah, ava kanduka kuGilead. ³⁰ Hompa wa Israeli aghamba kwaJehoshaphat, ''Ngani kumonikita mwapeke mposhi ngani yende muvita , mara ngoli ngamutureko marwakani ghenu ghaghu hompa.'' mposhi hompa waIsraeli ngakumonikita murupe rwapeke kumwe nakuyenda muvita. ³¹ Weno Hompa waAram ana rawiri vakurona vendi dimurongo ntatu navavili vakarukara kendi, aghamba, ''Washa homona vakwayita vakudira mulyo ndi vamulyo. Mundjira, homona tupu hompa waIsrael.'' ³² Aviya kuhamena mbyovyo apa vakurona vakarukara apava monine Jehoshaphat ava ghambi shi, ''Ushili owo ndje Hompa waIsraeli.'' Ava piruka mukumu homona, makura Jehoshaphat alili. ³³ Aviya kuhamena kwevinya apa vakondi varawili vakarukara ava kenge shikapishi Hompa waIsraeli, Ava piruka kuruku mukunegheda viruwana kwendi. ³⁴ Mara mukafumu umwe a ponyo ngumba yendi mumpepo nakuponya hompa waIsraeli pakatji kavikupopilita vyeni. Makura Ahab aghamba kwamushingi wakarukara kendi, ''Kudingurukenu naku ntunditamo muvita, mposhi naremane unene mwamudona.'' ³⁵ Vita avi yeruka kupitakana liyuva ndyolyo Hompa kwamutulire mukarukara kendi avapirukiri kuArameans. A kadohoroka kungurova. Honde ayi dukayirupuke kutundilira ku shironda shendi dogoro kuntji yakarukara. ³⁶ Kumeho ya ruvede oro lya yendire likatoke, malirankali a ghayeruka muva kavita, nakughamba shi, ''Kehe ghuno muntu avyuke ku nkurumbara yendi; ntani kehe ghumuntu avyuke kushirongo shendi!'' ³⁷ Mpo hompa Ahab adohoroka ava muyita muSamaria, nakuya muvhumbika muSamaria. ³⁸ Avakushu karukara mulidiva lyaSamaria, mbwa adi peshaghura honde yendi ( apa mpo vayowanine varushonda), yiramomo tupu nkango yaKarunga yangambipara. ³⁹ Yira kumaudito ghamwe kuhamena Ahad, navintje evi aruwanine, ndjugho ya yikenu wa kuntji eyi adikire, ntani na nkurumbara nadintje edi adikire, kapi vaditjanga mu mbapira ya vilika vya vahompa vaIsraeli? ⁴⁰ mpo Ahab aralire navadimu vendi, ntani Ahaziah monendi wamukafumu ntantani ghakare hompa mulivhango lyendi. ⁴¹ Makura Jehoshaphat mona Asa wamukafumu atameke kupititira Judah mumwaka waune waAhab hompa waIsraeli. ⁴² Jehoshaphat kwakalire namwaka dimurongo ntatu na ntano apa atamikire Azubah, mona Shilhi wamukamali. ⁴³ Kwa yendire mundjira daAsa, vashe; Kapi ava shuvilire ; aruwana vyaviwa mumantjo gha Karunga. Shimpe mavango ghamare kapi vaghava ghupire vantu shimpe kava Jambanga nakushora ugara pamavango ghakuyeruka. ⁴⁴ Jehoshaphat aturapo mpora naHompa waIsraeli. ⁴⁵ Ku maghudito ghamwe kuhamena Jehoshaphat, na upongoki oghu ghaneghedire, ntani weni omu twaukire vita, kapi vavijanga mumbapira yavilika vya vahompa vaJudah? ⁴⁶ Aghupumo mushirongo va shondedi navantje ava vahupiromo mumayuva ghavashe Asa. ⁴⁷ Kapi akaliremo hompa mu Edomu, mara mpwali apangiliromo mulivhango lyendi. ⁴⁸ Jehoshaphat adiki viniva vyakuyenda mulifuta; Hambara vayende kuOphir kungorodo, mara vayendire mukonda vikepa vavi Jonawire paEzlon Geber. ⁴⁹ Makura Ahaziah mona Ahab wamukafumu aghamba kwaJehoshaphat, ''Renka vapitaka vande vayendiro mushiniva na vapika voye.'' Mara Johashaphat kapi avai pulitilire. ⁵⁰ Jehoshaphat arara navadimu vendi ntani avakamuvumbika navo mu nkurumbara yaDaviti, vadimu vendi, Jehoram monendi wamukafumu akara Hompa mulivango lyendi. ^{51 52 53} Ahaziah mona Ahab wamukafumu atameke kupittira Israeli muSamaria mu mwaka wamurngo nantabili da Jehoshaphat Hompa Judah, ntani gha pititilire mwaka mbili muva Israeli. Aruwanine vya vidona ghuto waKarunga nakuyenda mundjira ya vawina, ntani na mundjira ya Jeroboam mona Nebat wamukafumu, omu ghapiitilire Israeli kundjo. Gha kalire Baal naku mu tangaghuka makura panya mpo ashadawire Hompa, Karunga waIsraeli, muugara, yira momo nka varuwanine vashe.