¹ Elijah mu Tishbite, wamu Tishbe mu Gilead, aghamba kwa ahab, '' Yira Karunga, Karunga wa Israel aparuka, kumeho yare nayimana, kapi ngayikarako ndaghu ndi mvhura mwaka do nkwandi nganighambe ko. ² Nkango ya Karunga ayiya kwa Elijah, ayighamba ashi, '' ³ Tundamo kutunda pano nakuyenda kuviha upumeyuva; kuhoreke naghumoye likwina lya Kerith, ku upumeyuva wa Jordan. ⁴ Ngavishoro ashi anwe ngamu nwa mulikwina, ntani napangera vimwenwa ngavikamupakere mbili. ⁵ Elijah ayendi nakukaruwana yira momu yamutanilire nkango yaHompa. Makura ayendi akatunga kulikwina lya Kerith, kuUpumeyuva wa Jordan. ⁶ Va makorova ava muyitiri mboroto na nyama ngura-ngura ntani mboroto nanyama kungurova, ntani kanwanga mulikwina lyalinene. ⁷ Mara kunyima yashiruwo shashididi likwina lyalinene alipwilili mukonda kapi yakalireko mvhura mushirongo. ⁸ Nkango ya Hompa ayiya kwendi, yakughamba ashi, '' ⁹ Shapuka, yenda ku Zarephath, oyo ya hameno kwaSidon, nakukatunga nkoko. Kenga, narawiri ko mufitavyendi kunya aku wapayikire. ¹⁰ Mpo ashapukire nakuyenda ku Zarephath, apa ayire pa heka ya Nkurumbara mufita vyendi akamuwana mpopo nakupongayika vitondo. Mpo amuyitre nakughamba ashi, '' Nakanderere ndjitireko mema gha madidi mu nkinda ya lirova mposhi ninwe.'' ¹¹ Opo ayendire akashimbe mema amuyita, nakughamba ashi, '' Nakanderere ndjitirenuko kashiteka kamboroto muliwoko lyoye.'' ¹² Alimburura, '' Yira momo aparuka Hompa Karunga woye, kapina kara na keheyi mboroto, mara muyusha wamuliwoko tupu mukankinda yalirova na tumaghadi twatudidi munkinda ya lirovo. Kenga, Ame nakupongayika vitondo vivili mposhi niyende nika vitereke name namonande wamumati, mposhi tukalye, nakufa.'' ¹³ Elijah amutantere shi, '' Washa tjira. Yenda ukaruwane yira momo una ghamba, Mara nduwaneneko kamboroto kakadidi tanko nakukandjitira. Makura kuruku ukawaneko ya naghumoye ntani na monoye wa mukafumu. ¹⁴ Makura Karunga, Karunga wa Israel, nakughambashi, nkinda ya lirova ya ndya kapi yina karapo mawoko-woko, ndi kandimbe kalirova ka maghadi kashaye kupupa, dogoro liyuva olyo ngatuma Karunga mvhura palivhu. ¹⁵ mpo aruwanine yira momo amutantilire Elijah. Naye na Elijah, kumwe namundi wendi, valire mayuva amangi. ¹⁶ Nkinda yalirova ya ndya kapi ya pwire, nampili ndi kandimbe kamaghadi kashayeke kupupa, yira momo ya ghambire nkango ya Karunga, yira momo aghambire na Elijah. ¹⁷ Kuruku yavininke vinya navntje mona wa mukamali, muwolikadi mwenya ndjugho, avere. Ghuvera wendi kwakalire wa ghunene omo wadilire kuhupidamo kushetera mwedi. ¹⁸ Mpo ngoli vawina ava ghamba kwa Elijah, '' Vinke evi una kara navyo unakulimbi name muntu wa Karunga? kwaya aya vhurukite ndjo dande nakudipaya monande.? ¹⁹ Makura Elijah amu limburura, '' Mpe monoye.'' Aghupu mumati mumawoko avawina amushimbi vakanduke munkonda omo Kakaranga, akararengeka mumati pambete yamwene. ²⁰ Alilili kwa Karunga na kughamba ashi, '' Hompa Karunga wande, unayita kwa Karunga nakughamba ashi, '' Hompa Karunga wande , unayita nka lidjonauro pa mufita vyendi nare ogho nikara naye, pa pakudipaya monendi wamukafumu?'' ²¹ Makura Elijah akuwonyonona mwene pa mwanuke rukando rutatu; alilili kwa Karunga nakughamba ashi, '' Hompa Karunga wande, nakukukwambera koye, nakanderere renka monyo wo ghuno mwanuke ghumu vyukire.'' ²² Karunga tegherera ku liywi lya Elijah; monyo wa mwanuke aghu muvyukiri, mpo aghu tambwilire. ²³ Elijah aghupu mwanuke naku kamuyita amurupwite munkonda vaghurumuke mundjugho; atapa mumati kwa vawina nakughamba ashi, '' Kenga, monoye muyumi.'' ²⁴ Mukamali mpo aghambire kwa Elijah, '' Weno navi yiva ashi ghu muntu wa Karunga, ntani shi nkango da Karunga mukanwa koye ushili.''