¹ Nkango daKarunga a dipiti mwa Jehu Mona rume waHunani odo datambiro Baasha, ashi , ² ''Nampiri ngoli ame nakuupiro mumbundu nikuture ukare mpititi wa vantu vande va Israeli, ngoli ove kuna kukwama mundjira ya Jroboam warenkita vantu vantu vande va Israeli nange vadjone, wandenkita nigarape kundjo davo. ³ Kengashi, kuvhura nimudimangede po Baasha nalira lyendi mudima niture lira lyoye yira lya Jeroboam monarume waNebat. ⁴ Mbwa ngadi lya kehe uno ahamo kwa Baasha ogho ngafero mumbara, ntani vidira ngavilya kehe ghu ngafero mumafuva. ⁵ Kumaudito naghantje gha Baasha, na navintje arughana na unankondo wendi, ngoli vavitjanga tupu mumbapira yavishorauka vyava Hompa va Israeli ndi? ⁶ Baasha aralire navadimu vendi ava muvumbiki muTarzoh, makura Elah monendi wamumati ayapingi Uhompa. ⁷ Kupitira mwa muporofete Jehu monarume wa Hanani nkango daKarunga kuhamena kwa Baasha nalira lyendi kumantjo gha Karunga, mukumugarapita na virughana vyamumaghoko ghendi, yira lira lya Jeroboam ntani mukonda adipagha navantje valira lya Jeroboam. ⁸ Mumwaka dimurongo mbiri namwaka ntayimwe daAsa Hompa wa Juda, Elah monarume wa Baasha mpo atamikire kupangera Isarel mu Tirzah, ghuye kwapangilire ure wamwaka mbiri. ⁹ Mukareli wendi Zimri, mpititi waukahe waviyendera vyendi, amuyendi kuntji. Shirugho osho Elah ghuye muTirzah, ghuye kunakunwa ana korwa mumundi wa Arza, ogho akaliro mutwe wamundi muTrzah. ¹⁰ Zimri angene munda, akamurwanita nange kumudipagha, mumwaka dimurongo mbiri na mwaka ntambiri da Asa Hompa waJuda, aya pingi Uhompa. ¹¹ opo atamikire Zimri kupangera nakumushungika kushipuna sha Uhompa, adipaghire lira nalintje lya Baasha. Kundereko nampiri mukafumu umwe ashuvire namwenyo ogho ahaminino kuliro lya Baasha rambangako navaholi. ¹² Makura Zimri adjonaurapo lira nalintje lya Baasha, kutwara munkango daKarunga odo aghamba dahamo kwa Baasha kupitira mwa Jehu muporofete, ¹³ kundjo nadintje daBaasha na ndjo da monendi Elah odo vadjona, ntani navyo vapititilire Israel mundjo, mukugarapita Karunga, Hompa waIsrael, mukugarapa navintjwantjwa vyacvo. ¹⁴ Kumaudito naghantje gha Elah, nanavintje ovyo arughona ngoli kapi vavitjanga mumpaira yavihorouka vyava Hompa va Israel ndi? ¹⁵ Mumwaka dimurongo mbiri namwaka ntambiri daAsa hompa wa Judah, Zimri kwapangilire tupu ure wamwaka ntambiri muTirzah. ¹⁶ Kuno vakavita twayatulilire ngoli kamba yavo kuGibbethan, oyo yahamenino kuva Philistines. Nko vatulililre vakavita mo vyayuvika nakuvigahama, '' Zimri atungu maghano adipagha Hompa. '' Liyuva linya mukamba, va Israel navantje avaya nakuyayimuvika mbudi paveta, murauli wa vakavita, Hompa wa Israel. ¹⁷ Omri akanduka atundilire kuGibbethon nava Israel navantje vamukwamine, ava kamudingilikida Tirzah. ¹⁸ Makura opo akengire Zimri ashi mbara vanayighupu, mpo angeni mulirombe lya hompa akapopere, mpo a sholire ndjugho oyo ya mukaliliro pepi, mundjira yino mpo afire naye kumundi unya. ¹⁹ Evino kwaviruwanine mukonda yandjo dendi edi adjona mukurughana ovyo vyadiro kuhungama kumentjo gha Karunga, mukukwakama mundjira ya Jeroboam na ndjo odo adjona, mukupititra Israel kundjo. ²⁰ Kumaudito naghantje gha Zimri, naulingilingi akalire nagho, ngoli kapi vavitjanga mumpapira davishorauka vya vaHompa va Isarael ndi? ²¹ Makuara muhoko wa Israel avaugaununa pa maruha maviri: Ukahe wavantu umwe kwa kwamine Tbni monarume waGinath, mposhi vamutumbe Uhompa, ²² ano vamwe ava kwama Omri vapama kupitakana vantu ovo vakwamino Tibni monarume wa Gnath. no Tibni adohorokire, makura Omri ayakara ngoli Hompa. ²³ Omri mpongoli avalilire kupitira Israel mumwaka dimurongo mbiri namwaka umwe wa Asa Hompa wa Juda, uye apangera mwaka murongo nambiri. Uye kwapitililire kutundilira pa Tirzah ure wamwaka ntayimwe. ²⁴ Aghuru ndundu ya Samaria kwa Shemer navikumba viviri vya siliveli. Ghuye atungiri mbara mpopo pandundu, aruku lidina lya Nkurumbara yinya Somora, lidina lya Shemer, mwenya ndundu akaliroko. ²⁵ Omri arughanine vininke ovyo vyadiro kuhungama kushipara shaKarunga nka vikara vyendi vyau ndjoni kupitakana navantje ovo vakaliroko kumeho yendi. ²⁶ Ghuye kwakwamine mamama mundjira ya Jeroboam monarume wa Nebat namuundjoni wendi omo apititilire israel kundjo, mukugarapita Karunga, Hompa wa Israeli, agarapa navintjwantjwa vyavo vyakupira mulyo. ²⁷ Kumaudito ghamwe gha Omri, ogho arughana, na unankondo ogho a negheda, ngoli kapi vavitjanga mumbapira yavi shororauka vya vahompa vaIsrael ndi? ²⁸ Omri kwakalire navadimu vendi nka ava muvumbiki mu Samaria makura Ahab monendi wamurume ayapingi Uhompa. ²⁹ Mumwaka dimurongo ntatu namwaka ntantatu da Asa Hompa wa Juda, Ahab monarume wa Omri avareke ngoli kupangera Israel. Ahab monarume wa Omri kwapangilire Israel mu Samaria ure wamwaka dimurongo mbiri namwaka mbiri. ³⁰ Ahab monarume wa Omri arughanine evi vya piliro kuhungama kumantjo gha Karunga, kupitakana navantje ovo vahoviro kumeho yendi. ³¹ Shininke ahokwire Ahab shakukwama-kwama mundiro da Jeroboam monarume wa Nebat, aghupu ngoli akare mukamali wenid Jezebel monakadi wa ethbaal, Hompa wa Sidonians, ghuye kakareranga Baal nakumutongamane. ³² Atungiripo shidjambero Baal mundjughoya Baal, oyo atungire musamaria. Arab arughana para mushishwi sha Ashera. ³³ Ngoli Ahab viyingi arughanine mukugarapita Karunga, Hompa wa Israel, a mugarapitire kupitakana vaHompa navantje vakaliroko kumeho yendi. ³⁴ Muruvede rwa lipangera lyaAhab, Hiel wa Bethel atungurura Jericho. Hiel kwatatikilire ngoli Nkurumbara yinya pandando yaliparu lya Abiram, monendi wambeli wamumati, Sgubu, monendi wantjiraura wamumati, ogho akombanitiro liparu mukudiki lirungavero lya mbara, mukupongora nkango da Karunga odo aghamba kupiutira mwa Joshua monarume wa Nun.