¹ Yawä iyä coijaicho awä, tamedä yää jatawoncomo töcäde cönamoato. ² Tameda ñanoo Israelita Moise, Arón jäcäiñe cönenta'me'cato. Edäje cönädöato: "¡Egipto ñano nonodö dewä dea mmane äjajai cöweijöcomo'na, edä jata jemjönö awä daneí'. ³ Ane'cämö enei wanadi sadä conetäne, edä nono decä, Sauda canadöje cöwäjajodöcomo wtä ja? cöjiiñantoncomo, cönnacontoncomo tömaminchamo yeichocomona. ¿Egiptoña cöwennacadöcomo encanotäjacha ca caato? ⁴ Tönwano jedea cönädöato: "Aneja ne cöcajichanaichomo canetätäye, Egiptoña ne quenacatäyede que cönädöato." ⁵ Yaawä Moise, Aron cönemotäicho nono wadädä töjedöcomo tamedä ñanno jooja'como Israelita we'juumma'como jetacañe ⁶ Nanno aacä cönäjatodö nono ammencannamo'jödö. Nun nedö Josue, Jefone nnedö Caleb mmaja wentumje töweichöcomo enei töwoomöcomo cönshijätöicho. ⁷ Israelita wejum'acomo wäiñe cönadeuwöicho: edäje cönädöato; "yää nono ñaa cónemmecaichö jooje Ashicha nai. ⁸ Cöjäcäiñe tacwañe wanadi weiyajäcä, töwö iña cadääjaiñe na iyä nono decäai cöwäiñe utudu wetä yawä. Iña jooje leche jena, wanä weecudu jooje mmaja ⁹ Yääje yeijäcä wanadí jäcä ajädutädane eichäcä, iñancomo sooto mma monnontätäiche. äwanshi täcudu naichöje mma que'jo dheichatode. Iwatäneichomo aquena, cönwano mane wanadi cöjadäiñena, yääje yeijäcä monnotätäche". que cönädöato. ¹⁰ Yawä nanno joja'como soto täjuque töwäjätöseiñe cöna'deuwato emadöcomo jona tödöene. yawä yejummacomo antawä wanadi nawananöcadö israelita wwäíñe cönänejoi ¹¹ Yääje mma yawä Wanadi cönädöacä Moise wä: ¿ä chännawä'cätoje madä wacä canno jummada naicho? ¿Äächännawä' catoje mmaja yeocamjöda naicho dea, dhantawäiñe jooje jäduduque tänemö öwö tödöjätöjödö weichame? ¹² Plaga que ñe wacoichatode, dladachoncomojeda tödöene, woije äwäjimmätädo nejañatode, adaijoto jataje ajatadö nade, jädujatojejemmaja natodede". que conödöaca wanadí Moise wwä ¹³ Yawä Moise cönädöacä Wanadí wä: "mädäje äqqä tödööajäcä, Egipto ñancomo wäiñe necatade. ñanno ñeenedööcomo äjäduduque osotoi Mijacanöjoneetodö. ¹⁴ Ecammajätaichodedaja'je tönwano eda" monodö dewä natodö wäiñe. chäwäiñe töwäänejo aweichö mmaja, ca'dutu wesa'duminchaajä doteca dhowaajoiñe ano töotä aweijödö mmaja, coijai'chene wato wesa'duminchaajä tönöe mäjaque yäsunutocomoje ¹⁵ Yaawä tooni dhanwa emmadö nöng'e tamedä canno soto jadhedä äwä töja'a'comjäcä, yää mmaja netatodede, edäje ädöjai nato: ¹⁶ "Tönecammajödö nöng'e yää nono de'cäi amonnojojaichaiñe töweijäcä, töweijäcä tówó tösotoi cömjajoicho jata jemjönö äwä." que nädöatode. ¹⁷ Yääje yeijäcä äjäädudu ecaademeecödö wedä, edäaje awadeuwöjödö nong'e tödööcä: ¹⁸ "wanadí öwö äätömaacoijönö, Wentumjo sooto eneneichomo jäcä wäjädutänä tönencwannojooto öwö, conemjönö tödödö mmaja, conemjönö tömaamimchaamoje töne' täñe Weichame, Iíñacontoncomo mmaja; ijaamotoncomo mmaja aaduwaawädeto wääcutu'nacaad'ó jona, aacäicheaato wääcunacadö jona tödöene" ¹⁹ "canno soto cone'nadiiyöcomo enewano'joca" edwa, adaja" wentunje änetä aweichö nöng'edä, Egipto ñanno yeejacajöcomo jonnotojödödä tönnöeñe mäneneedöjedea eduwa nadö jona tödöene." que cönädöacä Moise wanadi wä. ²⁰ Yawä wanadi cönädöacä: "Ane'catädö woije chonenadiyöcomo öwö täncwanojona, ²¹ Nudätoje weichö nöng'e dea, tamedä nono weichö wacä ashicha weichö töcadena, ²² tamedö ñanno Soto ashicha weichö cönene'atodö, Egiptoña tönemö cönene'atodea jata'jemjönö aca mmaja, canno dea amojadöde yoonejajä' tödö nato, yadedu anetatada töweiyancädäñe. ²³ Dhadaichoncomo wääñe necammajödö nono aneneda natode, tamedä ñanno jummada cöneiyatodö, ²⁴ yanonö Caleb mmane, Ashicha chötajätödö weijäcä. Tamedö öwö necammadö woije tönnög'e cönäjacä; töwö tönemmencajödö nono decäi wamänä'jade, dhatödöcomo wäiñe nono edhajätä wetä. ²⁵ (Enecajama amacita woi awä yeijäcäñe, cananeocomo mmaja.) Jenama'de amma adhennacatäcä änwano jata jemmjönö aca, Mar de Junco emadö' tai." que cönädöacä Wanadí Moise wä. ²⁶ Yawä wanadí conädewöi Moise wä, Aron wä mmaja. edäje cönädöacä: ²⁷ "¿Äächanawä'catooje canno soto wentamecödöcomo Wetanäde, coneda junataca Israelita wad euwödöcomo mmaja? ²⁸ Edäje caichäcäde: "Mudä Weichö joí Wäcamma, netadöje awadeuwöcomo nöng'e dea männöatode. ²⁹ Edä jata jemjönö awä dea mäja'atode tamedä ñanno jumtaca cönäjatodö, tamedö ñanno imecutacomo cönäjatodö, ñanno veinte (20) wedulto joano Madädä ³⁰ Äänwano omomöda matode necammajödo' aweichocomo nono necai. Nanno mmane iña nädöatode, Jefone nnedä Caleb, Num nnedö Josue mmaja. ³¹ Ñanno mudeshichä'mmane, anejacomo anoonöje töweíyaamoje mecamma'quennö. öwö wadä'atode iyä nono decäi itönwano chäwäiñe nono nade, yää äncöiñemeecojöcomo. ³² Änwano mmane, edä jata jemjönö awä mäja'atode. ³³ Ännacontoncomo pastores jeiñenatode cuarenta (40) wedu jata jemjönö awä. ñanno conemjönö nadäatode jäcä äwädutäjöcomo jotädöje nöntunanöate, Jata jemjönö awä äwäjajodöcomo wacä. ³⁴ Cuarenta (40) anooto menmecatäänedöje dea, cuarenta (40) wedu ocoone'nadiiyöcomo jotädöje mäncuseijaatode. Tooni Wedu na'de tooni anototo nöng'e, odhowanäcäiñe neñojode ätudedöcomo'je weichö. ³⁵ Öwö, Wanadí mädäje Wäcamma. Määdäje cannö wödöatode conemjöncomo jäcä cönäjädutäichodö. tamedö Wacoichatode, edä jata jemjönö awä näja'atode. ³⁶ Ñanno soto nono emmencannamoje Moise nanontäjocomo, tamedä ñanno cönäjajoicho ptaga awä, wanadi owadädä. ³⁷ Ñanno nono emmencanamoje Moise nanontäjöcomo, nono jäcä chänöng'eda wätunnä ecammajödöque. Mädäje tamedä sooto coneda cönäjato Moise Jäcä. ³⁸ Nun nnedö Josue mmane, Jefone nnedö Caleb mmaja, äjajoda cöneiyato, ñanno nono emmencanamojödo jimmotoncomo. ³⁹ Iamedä mädä Moise cönecammatöi Israelita wäiñe. Jooje coneda cönädöjoicho yawä. ⁴⁰ Yää jenamma nadöje jenadädä, jöö decäi cönäncuicho edäje töwädöancödäiñe: "iña cänecä, etä íñana. Eduwane iña nöta wanadí necammajödö döiña. Conemjönö iña cönnöi." ⁴¹ Yawä Moise cönädöacä: ¿Anecotojoje Wanadí wanontädö junataca tödöse mato? änwano ashichato anejodöda matode. ⁴² Mötätäiche, Wanadí adhatawdiñe'dana, mädääje ätude'tännamo wääi acanacajoja maato. ⁴³ Iña amalecita jadäiñe Mojodöatode, cananeo jadiñe mmaja, ñanno espada que adhamiñäcade, Wanadí woíje awei 'sheñeda aweijöcomo weijäcä, ajadäiñeda töwö na eduwa. ⁴⁴ Yääje yeichame tumjummadööcomo woije mma jöÖ decai cönäncuicho. Moises jadäda. Ijatawäiñe cöno'nomjoi'chea wanadí wääcammajödö imenajä ewöötö. ⁴⁵ Yawä amalecita, cananeocomo mmaja, ñanno jö decäcä cönäjatodö israelita wänätäiñe cönätäícho chanacadöcomoje mma. Hormaña tödöjone cönajecaicho yawä.