¹ Yaawä dhanwa cönäjo uz nonodö dewä töwö chäätö cönäjacä Job; Job cönäjacä aashichato, conemjönö je'mmänö mmaja WANAADI tönnontöto töwö cönääja cä, conemjönö jonno töwäsancwajo mmaja. ² Iinñacoomo cönennuicho aacä amoojato (7) dhanwacomo, aduwawä wodiñamo mmaja. ³ Töwö chääcöntomo cönääjato aacäamuujato mide; (siete mil) oveja; aduwawä mide (tres mil) camello, tooni sototo dewäjiatodea soto (500) jaaca, tooni sototo dewä jiatodea soto (500) burros, joje mmaja sotoi cönäjatodea. määdä dhanwa cönääjocä adaijoto, tameedä soto ejoodacumo shii wejaacatojo sudhawawö ämuudemmönö döseno. ⁴ Tönnacomo waadäi töwö töne'camma cönäjacä xää anooto yeichocomo, töwö tunu'e cönääjacä tösa'caiñe yääwadotocomo. Y'aawä tönwanno töneijo cönääjato aduwawöncädä töjaaduchoncomo töjadäiñe yääwashinchödöcomo wetä, eenödö wetä mmaja. ⁵ Yaawä yäwadödöcomo anooto wääcajöcä, Job chääwetöiñe tönennoja cänäjacä. Chääjadäñe WANAADI wwä töwa'deuwödö wetä. Jenaadäne töwä'jä cönä'da'dea chääjäcäinchädäiñe ofrenda tänñacwadö tune cönäjacä tönnacomo waadäi, edääje töwä'döancädä: conemjönö cönnöichodö jäcä, WANAADI jäcä cone'da töwa'deuwancäiñe: que töwä'döancädä. M¨¨adääje anooto waadäi töwö tönnöe cönä'jaacä. ⁶ Aneedawä anooto awä WANAADI nnacoomo CAJIICHANA WANAADI döiña cönä'döicho. Cajushua mmaja chääjadäiñe cönä'döichea. ⁷ Edääje CAJIICHANA cönä'döaacä chäwwá? ¿Áashanno meejä; que cönädöacä. Cajuushua cöneccujä'acä; cönä'döacä "nono decäcä wäämannäjöödö'jo weejä, eneejätöödö mma'' que cönädöacä. ⁸ Yaawä CAJIICHAANA WANAADI cönädöacä cajushua wwä: ¿Yaanonö Job aneene'da ca meiyaqueene, ñäädä dhauwa aashichato, chäänöngato? Nono de'wä ñöngatojemjönö töwö, Conemjönö ännöjönö, WANAADI ñontänei mmaja. ⁹ Cajuushua cöneccujä'acä cönä'döacä: ¿Täje'da mma ca mecaanö'anä chäwwä onontädö? ¹⁰ Ímmai aneedaichä'da ca manä, tameedä chäwwä naadö mmaja? Tameedä tamäädö que iiñödö aashicha tönnöe määnene. Yääje yeijäcä chääcöntomo jooje nejangato ñoonodö de'wä. ¹¹ Yä'cä, chäwwadäädä änwajoocä. Tameedä chäwwä naadö ajoojocäde. Ádhemjatawä adheuwödööje yeichö menee'de yaawä: quee cönädöacä cajushawa chäwwä. ¹² CAJIICHANA WANAADI cönädöacä cajushawa wwä: " Énecäma, tameedä chäwwä naadö adhenwawä tödööcä. Töwö mmane manaajojoiche; que cönädöacä CAJIICHAANA WANAADI cajushawa wwä. WANAADI döiñanno cajushawa cöneeja'cai Yaawä. ¹³ Áneedawä anooto awä Job nnacomo wääwas hinchänäje cönäjato tuduichoncomo maicha chaca. vino cönenga'to dea. ¹⁴ Yääje mma yaawä Job anoonö chäwwadäädä cöneejä. Cönä'döacä: Ádhecäntomo jaaca onoonodö shaaca' nädööje nä'janto. burro mmaja chääjadüiñe wäwashinchänöje nöjantodea. ¹⁵ Sabeocoomo nä'döicho yaawä tameedä adhecönö como enwajiiñadööcomooje mma, Sauda que osootoi töja'ancädöiñe. öwö mma jääcäjene wäänejei, äwwä ecamma weejödö wetä que cönädöacä ñäädä Job anoonö. ¹⁶ Wa'deunäje dea ñäädä weichö, aneeja daja cönädöi chea. Cönädöacä: Caju ñanno wa'to neducai oveeja ya'cwadööcomoje mma, edai'chännamo jadäjödöödä. Tameedäädä nacoichajoicho. Öwö mma jääcäje ene wäänejei, äwwä ecamma weejödö wetä, que cönä'döacä näädä Job anoonö ¹⁷ Wa'deunäje dea ñäädä wcichö, aneeja daja cönä'dóichea. Cönä'döaacä: Aaduwaawä we'juuma'jä'cwacä, caldeo nädöicho adheecönööcomo camello jäcäiñe. Tameedädä nadääjätöicho. Sauda que osootoi nöjaajoicho dea. Öwö mma jääcäjene wäänejei, äwwä ecamma wejödö wetä; que cönä'döaacä ñäädä Job anoonö. ¹⁸ Wa'deunäje dea ñäädä Weichaame, aneeja daja cönädöichea. Cönä'döacä: Tuduichoncomo maichaca ännacoomo wääwashinchädawäiñe, töwocädöcomo vino enöödawä mmaja. ¹⁹ Jata'jemjönö dö'senno joojato jejenchä immaichomo jäcä nädöi, aacäicheancädä maa mu'duduichomo shö'majä'ajä naijucui. Änna Coomo de'cäcäiñe maa mejucai yaawä. Töjaajodööcomooje mma. Öwö mma jääcäjeene wääwanacai, äwwä ecamma weejödö wetä; que cönädöacä ñädä Job anoonö. ²⁰ Yääje mma yaawä Job cönammöi. Töwo omö cönshiijätöi. Töjujadö cöncai. Tudhe cönemotöi nono dewä, WANAADI ya'demeecädöje ²¹ Töwö cönädöacä yaawä: Töwonqueda yennune, maama wenwacanno wene dawä, töwonqueda mmaja yennacadede que cönädöacä. CAJIICHAANA WANAADI äwwä cuntui, töwö CAJIICHAANA WANAADI dea yenwajinñane. CAJIICHAANA WANAADI e töö dea aashichato jena." ²² Tameedä mädääje töjääcä yeeja'dätäjödö weichaame WANAADI aneementö da cöneiyacä cone'da a'deuwöda mmaja.