¹ Yuumtzil, teche a nojbe'encuntabáa, ma' a nojbe'encuntico'on; nojbe'encuntabáa tu Yoolal a yáacunaj yéetel tu yóolal a ja'ajil ² ¿Báaxten cu kaát chi'itico'ob le ma' ocsajóolo'ob tuux yaan c Junab kuo'? ³ C kue' Ti' yaan tej caano; tu béetaj tula'acal báax tu yo'oltaj. ⁴ U kuoble m'axo'ob kultico'ob beetbilkuob' oyo yéetel plata be'etani lo'ob, báalo'ob béetano'ob tume ma'ac yéetel u kaabo'ob: ⁵ yaan u chiób ba'ale' ma' tu páajtal u T'ano'ob; yaan u yicho'ob ba'ale ma' tu páajtal pa'acato'ob; ⁶ yaan u xiquino'ob ba'ale ma' tu páajtal u yu'ubajo'ob; yaan u niob ba'ale ma' tu pa'ajtal u yudzbe'eno'ob; ⁷ Yaan u ka'abo'ob ba'ale ma' tu pa'ajtal u máacho'ob yaan yooco'ob ba'ale ma' tu pa'ajtal u xi'imbalo'ob; ¡mix jun p'eel juum cu jóokol tu tu cáalo'ob! ⁸ Laj queto'ob leti' le kuob, le máaxo'ob béetico'obo', bey xan le máaxo'ob cu yocsic u yóol Ti'obo'. ⁹ Israelita ex, ¡alabóoltex Yuumtzil! Leti'e' cu yáantico'on yéetel cu cananticon. ¹⁰ Aj ki'ine'ex alab óolte'ex Yuumtzil. Leti'e cu Yáantico'on yéetel cu canantico'on. ¹¹ Teex ca alab óoltiquéex Yuumtzil. ¡Kub a wooleexti'! Leti'e cu ya'antico'on yéetel cu cananticoon. ¹² ¡Dzo'oc c ka'ajal Ti' Yuumtzil, yaan u qui'iqui' t'antico'on! Yaan u qui'iqui t'antic le israelitao'bo', yaan u qui'iqui t'antic lej ki'ino'obo', ¹³ yaan u qui'iqui t'antic le ma'axo'ob tziquico'obo', le m'aaxo'ob núuctacoob bey xan le meje'entaco'obo'. ¹⁴ ¡Ca yáabcunsa'ac a chi'ibale'ex tumen yuumtzil bey xa'an u chi'ibalo'ob a pa'alale'ex! ¹⁵ ¡Yuumtzil máax béet caan bey xan le lúuma' ca u dzaj ti' téex u qui t'aanil! ¹⁶ Le ca'ano uti'al Yuumtzil, ti' wi'inic tu dza'j le lu'umo'. ¹⁷ Le quimenóobo' ma' tu qui'iqui t'antico'ob Yuumtzil, mix le máaxo'ob cu yéemelo'ob tu cuuchil Ch'ench'enquil. ¹⁸ Ba'ale to'one, béejelae', yaan c qui'iqui t'antic tac u ti'al ki'ino'ob mina'an u xuul. Qui'iqui' t'anta'ac Yuumtzil.