¹ Le t'aan táal tí Jeremías tí jaykun tu lakal lé Judío le kajanoo tu lu'umi Egiptoo, le ku p'ataloo kaach Migdolo, Tafnes, Menfis yéetel tu lu'umi patros. ² Le YUMMTSIL Molay k'atuno'ob, Diosi Israelo, ku yáalik le baaxá: Teex ta Batsíleex dzooka paktikeex tu lakal le labpak dzook ín táasik tu yo'ok'ol Jerusaléno yéetel u muuch' kajil Judáo. Pakteex, tíaaneex tí labpak bejela''e'. Mina'an mixmáak ka kuxlak tí letí. ³ Lelá tu yo'olal le ba'alob k'aasantakoo tu betoo tiaalú pooch'kenoo binoo u tókoo bulut buda yéetel u k'ultoo u lak' diosoo. Leloba diosoo mix letí'o tu Batsiloo, mix teex, mixá Uuchbeen táataex tu k'aajoltobí. ⁴ Bey tuun teené u yu'ul tí tuuxta tu lakal ín meyjiloo le ajbobatobo tí letí'o. Tí tuuxta kau ya'aloo: p'ateex le baalob p'etayenjal ín p'eekmajoo. ⁵ Baalé leti'obe má tu yu'uboobí, letí'obé matú yóoltajoo u ts'aóolalobi wá ka nach'chakoo tiu k'asanilo tié to'ok bulut buda tiu lak' diosobo. ⁶ Bey tunoo ín p'uju yéetel in k'uxílé bin wekbí yéetel tú t'aaba up'ee k'aak' tu muuch' kajíl Judá yéetel tu bejiloo Jerusalén, Bey tuun leti'obé Sunajoo labpak yéetel k'askuntal, jéex bix tié k'íín bejela`e'. <sup>7</sup> Tuune, bejela`e' le YUMMTSILO, leu Diosi Molay k'atuno'ob yéetel u Diosí israele, ku ya'alik le baaxá: ¿Baxten teexé táana betkeex nojoch k'aas ta wook'oleex ta batsileex? ¿Baxteén te'ex ta batsíléex taana betkeex ka xoot'keex íchil Judá. Xiboo, ko'oleloo, mejen paalaloo yéetel méjen cháambaloo? Mixutuul u yaálabeex yanú p'atal kuxani. ⁸ Tu yo'olal a k'asanileex teexé dzooká pooch'keneex yetén le báax ku betiká k'abexee, letíé a tókikeexé bulut buda tiu laak' diosobo tu lu'umi Egiptoo, tuux dzooka biineex kajtaloo. Teexé dzooka biineex teelo' tíaal ka Jaích'íintakeex, tiaal up'ee ak'ayil yéetel up'ee tuupóolal ichil tu lakal le muuch' kajoo te lu'umo. ⁹ ¿Dzooka tuupsikeex le k'aas tu betajoo lea u'uchbéen táataoboo yéetel le k'asani tu beta u ajawiloo Judáo yéetel u yatanobo? ¿Dzooka tu'upsikéex le k'asanil tá beteex teex tá batsíleexo yéetela Wataneex te tu lu'umi Judáo yéetel tu bejiloo Jerusalén? ¹⁰ Tak tié k'íiná, letí'obe má T'oonkíinsajkoobí. Letí'obé matáan u tsíikíkoo ín A'almajt'aan Wá ín ts'olt'aan teén kí ts'aik aktáan tío'be yéetel u U'uchbe'en táatao, mix tu Xíimbaloo tío. ¹¹ Bey tuuno, le YUMMTSILO Molay k'atuno'ob, Diosí Israelo, ku ya'alik le ba'axá: pakteex, teené taítak ín ts'aik u táan ín Wiich tá wook'oleex tia'al ín táasik teéx labpak yéetel jaykuntaal tí tu lakal Judá. ¹² Bey teené yani ch'aík u ya'alab Judaé le dzook U Xáach kuba bín tu lu'umi Egiptoe tiaal u kajta teeló. Teen kín betik tiaal ka tu lakal letí'o kímikoo te lu'umi Egiptoo. Letí'obe yanú luusaloo tu yo'olale máaskaboo yéetel le Wiijoo. Taktí u chichani tak u nojochi. Letí'obé yanú kímiloo tu yo'olale máaskaboo yéetel le wiijoo. Letí'obé yanu kíimiloo yéetel yanu k'eexeloo tí baalob pooch'iloo, ak'ayiloo, ok'om óolal yéetel ba'al jak'oolil. ¹³ Bey tuun teené yani xoot óoltik le makoo kajanoo tu lu'umi Egiptoo jéex bix teen tí xootóolta Jerusalené yetén le máaskaboo, le wíijoo yeetel le loobíloo. ¹⁴ Mix puutsulil mix kuxtalil tiu ya'alab Judá maxoo yan u kajtaloo té tu lu'umi Egiptoo yanu suut tu lu'umi Judá, keex wa letí'o taak u suutoo yéetel ká kajlakoo teeló. Mixutuul íchiloo yanu suut, Cheen yo'olal u p'iitoo maxoo putsoo teelo. ¹⁵ Tuuné, tu lakal le xiboo u yojeloo u yotánoo ta'an u tokikoo bulut buda tíu laak' diosobé, yéetel tu lakal le kóoleloo yanoo ka'ach tie' nojoch muuch'iloo, yéetel tu lakal le makoo kajakbaloo te tu lu'umi Egiptoo, ti patros Jeremías tu nuka tí. ¹⁶ Letí'o tu yaalajoo: "Yo'ok'ol le t'aan le dzooka' wa'alik tu k'aba le YUMMTSILO -mate'en u'uyech. ¹⁷ Tumen to'one jach tu jajilé yank' betik tu lakal le balob le a'ala ken betee -to'okik bulut buda ti lex ajawí le kanoo yéetel wekik siibal uk'uloo tí letí jeex bix to'on, lek u'uchbe'en ta'ataobe, lek ajawoobo yéetel lek noj póoliloo tu beetoo te tu muuch' kajiloo Judáo yéetel tu bejiloo Jerusalén. Tuune tóone yank chuupu yetén janal yéetel yanu ya'antal tóon yakach baalob, mix téen k' ma'ans mixup'ee labpak. ¹⁸ Kaan tóone táan pechkaba maak betik le baaloba, le maak ts'aík bulut buda tí lex ajawil le kanoo yéetel mak wokik siibalí uk'ul tí letié, tóone ka'aché táank muk'yaji ootsílíl yéetel táan ka'ach kímíl tu yo'olalé máaskabo yéetel le wiijoo. ¹⁹ Le kóolelobo tu ya'alajoo: kaan ka'ach táank betik le baaloba aktáan ti lex ajawil le kanoo yéetel táan wekik siibalí uk'ul ti letié, ¿K' betiké baalé yóok'ol lek ichamoboo le to'on beta le baaloba, beeta pasteloo yetén u yo'ochel letí yéetel weeká síibali uk'uloo tí letié? ²⁰ Tuuné, Jeremíase tu ya'ala tí tu lakal le kajo, tie Xíboo yéetel tie' kóolelobo, yéetel tí tu lakal le makóobo le tu nukóo tí, tu ts'a nojetbíl yéetel tu yáalaj: ²¹ ¿Bey wae le YUMMTSILO ma wa k'a'a tí le bulut buda teex ta tóokeex tu muuch' kajiloo Judáo yéetel tu bejiloo Jerusalén --teex yéetel lea U'uchbeén táataoboo, u ajawiloo yéetel u noj po'oliloo, yéetel u makiloob le lu'umo? Tumen le YUMMTSILO k'ajaan tí; lelo ku táal tu tuukul. ²² Tuuné, letié matáan u k'etik le tuuntaj k'aastak, yo'olal le p'etayenjal le teex ta betexee. Tuuné, lea lu'umexo Suunaj up'ee kuchil ju'uchaan, tiup'ee jaasal óol, up'ee ak'ayil tial mau a'antal teeló mixutuul maax kajaani jeex bix tié k'íin bejela'e'. ²³ Tumen teexé ta tóokeex bulut buda yéetel k'eebanaeex tu yo'ok'ol le YUMMTSILO. Yéetel tumen má ta U'uyeexu t'aani, u A'almajt'aan, u ts'ool t'aanoboo, wa leu nu'upt'aanobo, le lab pak' ta wook'olexe dzoku ma'an tak te k'íin bejela`e'." ²⁴ Tuun, Jeremías tu ya'alaj ti tu lakal le makoobo yéetel tu lakal le ko'olelobo: U'uyeex u t'aané YUMMTSILO, lakal Judá le yaneex tu lu'umi Egiptoo. ²⁵ Le YUMMTSIL Molay k'atuno'ob, Diosi Israelo ku ya'alik le baaxá: teex yéetel a watanexee, tu katulileex dzooka walikeex yetén a Ch'iexé yéetel dzooka betkeex yeténa k'abexee le báax ka walikexoo: "To'one jach tu jajilé yan chukbesik le nupt'aanoo betá tiaal k'ultik lex ajawile kaanoo, tiak weekik síibal uk'ul tí letí." Bejela'e', biiseex chukanil lea nupt'aanexo; chukbeseex. ²⁶ Bey, tuune, U'uyeex u t'aane YUMMTSILO, tu lakal Judá le t'aan u p'aatal te tu lu'umi Egiptoo. Pakteex, teené dzook ín jajkunsik yo'olal ín nojoch k'abae --Ku yaalik le YUMMSTILO. ín k'abae matéen u t'aana tu chí muxutuul tiu makíloo Judá ti tu lakal u lu'umi Egipto, teexé le bejela'e' tu ya'alikobé: Bey jeex le YUMMSTIL Dios Kuxano. ²⁷ Pakteex, teené táan ín paktik yo'ok'ol letí'o tiale lab pak'o yéetel ma tial utsilí. Jujuntuul makiloo Judae tiu lu'umi Egiptoe yanu kími tu yo'olal le máaskabo yéetel le wííjoo tak kén dzookok tu tu lakaloo. ²⁸ Tuuné le matúun kímikoo yo'olal le máaskabo yanú ká suutoo tiu lu'umi Egiptoo tak tu lu'umi Judá, chéen u cha'an p'iit u xo'okíloo. Bey tuuno le u ya'alabiloo Judáe le binoo kajtal tu lu'umi Egiptoo yanu yojetkoo makamak t'aani yanu jajtáal: ín tiá Wá tíá letí'o. ²⁹ Lela Up'ee chikula tiaal teex --lela letié u A'almajt'aane YUMMTSILO- teen tuuné táan ín líiskíba tié kuchilá ta wook'ol teex, beyó teexé yana ojetkeex le ín t'aanoboo jach tu jajilé yanu ts'aanchatkeex yetén labpak. ³⁰ Le YUMMTSILO ku yáalik le baaxá: "pakteex, jach taitak ín k'uubik le Faraón Hofrao, u ajawí Egiptoo, tu k'ab u ajp'eekoo yéetel tu k'ab le maxoo káaxko tial kínskó. Bey Xaan batsi keen ín k'ub Sedequías, u ajawi Judá. Tu k'ab Nabucodonosor, ajawi Babilonia, u ajp'eek le maax kaxtú kuxtalé."