¹ Béjela'e', Sedequíasé u Xííbí paalí Josías ku awiná bix ajau tu kuchíl Conías u Xíibi paalil Joacim. Nabucodonosoré, u ajau Babiloniaé, dzook u tsáik Sedequías ajau yook'ol u lu'umí Judá. ² Baalé Sedequíasé, yetén u meyjiloobé, yéetel le kajoo le lu'umo ma tú yu'uboo u t'aane yummtsil tu tsá hoojetbíl yoolal u k'ab Jeremías le ajbobatoo. ³ Bey tuun, le ajau Sedequíasó, Jucal u Xííbí paalíl Selemías, yéetel Sofonías u Xííbí paalíl Maasías le ajk'ííno tu tuuxta up'ee t'aan tí Jeremías le ajbobatoo. Letí'obe tu yaalajoo: payaj chí'íneen tu yoolal le mentá usts óolalo tí lek Dioso. ⁴ Bejela'e' Jeremiasé ku bíín yéetel ku suut íchíle makoobo, tumen má ts'aabak te k'aalbililoo. ⁵ Leu k'atuno'ob Faraónoo tal tak Egipto, molay yéetel le Caldeoso maxoo kaach ku cheeneet-koo Jerusalénoo tu yuuboobé k'uben t'aano yook'oil leti'obo yéetel jook'oo tí Jerusalén. ⁶ Tuune, leu t'aane yummtsilo táal tí Jeremías le ajbobato tu yáala: ⁷ Leo yummtsil Diosí Israelo, ku yáalik le baaxá: lela letié baáx kéna waaleex tiu ajau Judao, tumeen letié tu tuuxteex tial ká kaxteex ín A'almajxíkín: pakteex u molay k'atuno'ob Farono, le maax taalóo u ya'antechoo, lela jach taitak u bíin Egipto, le Jachú lu'umo. ⁸ Le Caldeoso yanu súutoo. Letí'obé yanu baáteloo yook'ol le muuch' kajá, yanú chukxajoo, yéetel yanu tóokíkoo. ⁹ Le yummtsilo ku yaalik le baaxá: Má tusik-abaex ta Batsileex ka waalíkeex: jach tu jajil le caldeoso táan u p'atkoon. ¹⁰ Bey wá teex ka toopkeex tu lakal u molay k'atuno'ob le Caldeos ku tsa'ík teex ba'atelo tial ka p'atak makoo loobíntánoo tu pasel no'ok'oo, leti'obe yanu líík'íloo yéetel yanu tokíkoo le muuch' kajooba. ¹¹ Bey tuno uchkoo kaan leu molay k'atuno'ob le Caldeosó tu p'atá Jerusalén kalíkíl le molay k'atuno'ob Faraóno tanu taaloo, ¹² tuuné Jeremíasé Jóok' tí Jerusalene tíal u bín tu lu'umi Benjamín. Letie tak kaach u chí'ik u tíaalintik up'eel Xoot' lu'um ichil u kajal. ¹³ Kalikíl letie' tiáan te tu jonajil Benjamínoo, u tuul u noj póolil le k'alanoboo tían teeló. U k'abae Irías u Xííbí pa'alíl Selamías u Xííbi paalil Hananías. Letié tu machá Jeremías le ajbobatoo yéetel tu yáala: Teeche taana púuts' ul tié caldeosó. ¹⁴ Baalé Jeremías tu nu'uka: le baaxó ma jají. Teene matáan ín púut'ul tie' caldeoso. Baalé Iríase má tu yúubaí. Letié tu chá Jeremíasé. Katu taasaj tie noj póoliloboo. ¹⁵ Le noj pooliloboo kuxinajanoo yetén Jeremías. Leti'obé tu k'ook'oloo yéetel tu ts'ajo te ích k'albiloo. Letié kaach u táanal Jonathan le ku ts'iiboo, baale' letí'obe dzooku k'exíkoo tía k'albí makoo. ¹⁶ Bey tuun Jeremíasé ts'aab tí up'ee k'albí yáanal lu'um, tuux anchaj yoolal yaab k'íinoo. ¹⁷ Tuuné, le ajau Sedequíasó tu tuuxta utuul maax kau táas té noj najil jala'achó. Tu tanal, lé ajaú tu k'aatá u yuub taakabení, ¿Yán wá up'eel u t'aan tsúkul le yummtsilo? Jeremías tu núuka tí: yaan up'ee táan: Teeché yana k'uubú tu k'ab le ajau Babiloniao. ¹⁸ Dzookole Jeremíasé tu yáala tié a ajau Sedequíasó: ¿Bix dzookí k'eebanta ta wook'ol, teech, yetén xaam a meyjiloo, wa lea kajaloo le dzooka ts'aikeen tí k'albí? ¹⁹ ¿Tuux yan lea aj bobatoo, le maxoo ku aj chílamoo tí teecho yéetel ku yáalikoo leu ajau Babiloniao matéen talak tá wook'ol mix yook'ol le lu'umo? ²⁰ Baalé bejela'e' ch'a nuukté, ¡ín tsuulí ajau! ch'aa ín k'áat táalak ta táaní. Má Sutikén tu táanal lé ts'iíb Jonatano, wá teené yaní kíímí teelo. ²¹ Bey tuun le ajau Sedequíasó tu ts'a a'almajt'aan. U meyjiloobé tu k'uchbesajoo Jeremíasé te tu pachil u najil le kalanoobo. Ku ts'aikoo tí up'ee waj jujunp'ee k'íín tiu bejil le mental wajoobo, tak ka xuupé wá te muuch' kajoo. Bey tuun Jeremíasé tí p'aat tu pachíl u najíl le kalanoo.