¹ Vuno Mboaze ua kandukile helu kumbelo na ku tumama hamavu kuze. Tenu, ku hiehi na kavusoko ka yauze Mboaze ya handekele tuaya kuno. Mboaze ua handekele kuli ikeye ngueni, ''Kavusamba kange, tuaya kuno na ku tumama hamavu kuno.'' Kaha yala uezile na ku tumama hamavu. ² Ngecize Mboaze ua mbatele likumi lia vamala vava kuluntu va zimbaka naku handeka ngueni, ''tumama ha mavu kuno.'' Kaha tumamene hamavu. ³ Mboazi ua handekele ku hiehi na kavusoko, Naomi, uze ua hilukile kufuma ku cifutu ca Moave, ana kulandesa lihia lize lia muanetu Elemeleke. ⁴ Nja singaniekele kufuika meso ove naku handeka kuliove, 'lilande ku meso avaze va tumama kuno, na kumeso a va kuluntu va vantu vange. ''Ngue u na leme kuli kula, likule. Vunoni ngue kaua lemene kulila, ngecize unjileke, linga muze nji tantekeye, umomu kuze kakuesi umosi akalikula mukati kove, mukuavo yala ua handekelengueni, ''Ange nji ka likula.'' ⁵ Ngecize Mboazi ua handekele ngueni, ''ha litangua lize ove ukalanda lihia ku fuma kuli voko lia Naomi, ove naua ka tuale Lute mpuevo ua Moave, ntu liue ua yala uakutsa, mukukatula lizina lia mukakutsa muvusuana vueni.'' ⁶ Ngecize muhiehi kavusoko ngueni,''Ange kanji kahasa kulikula ange livene cakuhana ku enyieka vusuana vuange. Ove mbata ku zanga cange na kuenyieka ove livene, muomu Ange kanji kuhasa kulikula.'' ⁷ Vunoni eci cikeco cilika mu ntsimbu yalaza mu Isaleli kueseka muku landakana na mu kulitambuisa ca viuma. Mukutava viuma viose, yala aka zula sapato yeni na kuihana kuli muvalihatele; eci cakele mama akulingisa civuasiano mu Isaleli. ⁸ Vuno mu hiehi na kavusoko ua handekele kuli Mboaze, ''lilandele kuliove livene, ''na ku zula sapato yeni. ⁹ Ngecize Mboaze uahandekele na va kuluntu na ku vantu vose, ''Enu mu vakaleho lelo Ange nji na landa viose via Elimeleke na viose vize via pandamene ciline na Malone kfuma ku livoko lia Naome. ¹⁰ Kaha naua na Lute mpuevo ua Moave, mpuiya Malone, Ange njina muondela kupua mpuiyange, muku sangumuna muze Ange nji hindule lizina lia yala ua kutsi mu vu suna vueni, linga muze lizina lieni kati v kalitete mukati ka vana vanaye na kufuma kumbelo ya mutamba ueni. Lelo enu muva kaleho!'' ¹¹ Vose vantu vakele kumbelo na va kuluntu va handekele, ''Etu tuvakaleho. Yehova a puise mpuevo ou neza mundzivo yove ngue Lakele na Leya, va vali va tungile ndzivo ya Isaleli: kaha nove loinga via cili mu Efelata kaha tsimana mu Mbetelema : ¹² Na ndzivo yove ipue ngue ndzivo ya Peleze, ya semene Tamale ku Yunda, kuhila mu mulambu uze Yehova aka kulhia ove hamo nou muana mpuevo.'' ¹³ Vuno Mboaze ua mbatele Lute, kaha yakeye ua puile mpuevo yeni. Ikeye ua kovelele kuli ikeye, kaha Yehova ua muimitisile na kulimita, kaha ua semene muana. ¹⁴ Kaha mpuevo ua handekele kuli Naomi,'' Yehova va mu sangaziala, ou ka kusezele ove lelo ca kuhona hahiehi na kavosoko, ou muana. Lizina lieni litsimane mu Isaleli. ¹⁵ Ikeye akakala kuliove mukua ku hiluisa muono na mukua kulisa tulisa tusina kazi vove, muomu nokomueno, uze ua ku lema ove, ou ikeye na hiana kuliove kuhina vatanu na vavali vana vava mala, na mu seme.'' ¹⁶ Naomi ua mbatele muana, naku muhaka ivene muntulo yeni, naku mumbata muku mulela. ¹⁷ Kaha va mpuev vakua kusema vamu hiele lizina, nguavo, ''muana na semuka kuli Naomi.'' Va mulukile ikeye Ovende. Ikeye uezile ise ya Njese, ikeye uezile ise ya Ndaviti. ¹⁸ Vuno ava vakevo cisemunuino ca Peleze: Peleze ua semene Hezelone, ¹⁹ Hezelone ua semene Lamu, Lamu uasemene Aminandave, ²⁰ Aminandeve ua semene Nasone, Nasone ua semene Salemone, ²¹ Salemone uasemene Mboaze, Mboaze ua semene Ovende, ²² Ovende ua semene Njese, Njese ua semene Ndaviti.