¹ Kaha vuno va Sanivatale, va Toviya na Ngesiame va Alabia navaka nkole zietu vose omu vavuile nguavo njina tungu laza citungu kanja sezelemo lihania lia kusokolola, ntsimbu kanda nji hakako mapito ku vuingililo. ² Sanivatale na Ngesiame vatumine muzimbu nakuhandeka, ''Tuaya, tuli uane tuvose kumo ku cana ono.'' Vunoni vatondele vanjivulumuine ange. ³ Njatumine tunganda kuli vakevo, nakuhandeka nguange, ''Njili na vipange viakama, kaha kanjikuasa kuiza nakusikumuka oko. Muomu uali njiku seza cipangi eci nakuiza kulienu?'' ⁴ Vanjituminine muzimbu uo umo lu uana, kaha njava kumbuluile muomu mumolika hantsimbu yose. ⁵ Sanivatale ua tumine ngamba yeni kuliange muzimbu ua mucitanu, hamukanda ua kusokolola mulivoko lieni. ⁶ Muze vene vasonekele, ''cevua kanene mukati kavifuti, kaha na Ngesiame uekukucihandeka, nguavo nove nava Yundau valivua sanenen cikeko cimuna tungila citungu. Kufuma kumizimbu yose inambe nguavo, unatondo ukale muangana uavo. ⁷ Unenika naua tupolofueto mangana vaka mbulule kulienu mu Yelusalema, nguavo, 'Kuli muangana mu Yundau!' Cavusunga muangana akevua ou muzimbu. Sikaho tuaya, mangana tusimutuile umo na mukuavo.'' ⁸ Kaha njatumine mezi kuli yikeye nguange, ''Evi viuma viacize kanda visolokaho viua handeka, muomu uavitungu evi viuma mukati kamutima uove.'' ⁹ Muomu vakevo vose vatondele etu vatu vuise vuoma, kusinganieka, ''Mavoko avo akahola kufuma kukupanga, kaha nacipangi kacika pangeua.'' Vunoni, Njambi muane uanji kolesesele mavoko. ¹⁰ Ange njaile kundzivo ya Shemayiya muana ua Ndelayiya muana ua Mehatebe, vamusakelelemu ndzivo yeni. Ua handekele, ''Manenu tuli uane hamolika mundzivo ya Njambi, mukati katembele, kaha tusesoke kuzimbelo zia tembele, kaha vakuiza naku kutsiha. Vutsiki vakeza na kukutsiha.'' ¹¹ Njamukuaniene, ''