¹ Hali ize ntsimbu Yehova ua sanene va Luvene, va Ngande na cimpinda kati kamuyati ua Manase. ² Ua handekele kuli vakevo ngueni, ''Muna lingi viose vize Mosesa ngamba ya Yehova ua misikile. Muna niunga liziliange mu viose misikile. ³ Ka mua sile vana nokuenu muli aua matangua a engi, hamav na kulelo, kaha ua sulisila matangua a vutume via masiko a Yehova Njambi yenu. ⁴ Vunoni Yehova Njambi yenu aka mihia kuhuima kuli vana vanokuenu, ngue omuo mua sikile kuli vakevo. Ngoco vene a lulikenu muye ku zimblaka zienu mucifuti cenu vavene, eci Mosesa ngamba ya Yehova ua mihielenu ku ci valavala ca Yondau. ⁵ Zangamenu cikuma mukulavelela masiko na lusimbi luze Mosesa ngamba ya Yehova ua sikilienu, muku lema Yehova Njambi yenu. Mukuenda ku zingila zienu ziose, muku niunga masiko eni na ku kakatela kuli ikeye na ku musangaziala na mitima yeu yose na muono uenu.'' ⁶ Vunoni Yehosua uava vezikisile vakevo na kuva hiluisa ka zimbalaka ziavo. ⁷ Vunoni civalavala cimo ca muyati ua Manase Mosesa ua hiele vusuana kuli Mbasane, vunoni kucikuavo cavalavalaYehosua ua hiele vusuana mukati ka vana vanaye mucifuti kumulahuko ua Yondau. Yehosua ua va hiluisile ku zimbalaka ziavo; uava vezikisile. ⁸ Na kuhandeka navo ngueni, ''Hilukenu ku zimbalaka zienu na zimbongo zia zingi, na vufiko vua vimuna vua vuingi na palata na olu na nkengelezi na vutale na vuzalo vuavuingi. Lipangielenu via kupupa ku vitozi venu hamo na vana vanokuenu.'' ⁹ Vunoni cisemunueno ca Luveni, cisemunuino ca Ngande, na civalavala ca muyati ua Manase ua hilukilile kuimbo ua sezele vantu va Isaleli ku Silo, cikeco cili mu cifuti ca Kanana. Va sezele na kuya ku livu lia Ngileande, ku cifuti cavo, eci vavene vahitile, ci vafutukile ku masiko a Yehova, na livoko lia Mosesa. ¹⁰ Omuo va hetele ku Yondau cize cikeco cifuti ca Kanana, vana va Luveni na vana va Ngande na civalavala ca muyati ua Manase va tungule mutula kuze ku Yondau, ua kama na ku utala mutula. ¹¹ Kaha vantu va va Isaleli vavuile evi kaha nguavo, ''Tala, vantu va Luveni, Ngande, na civalavala ca muyati ua Manase vana tungu mutula halutue ka cifuti ca Kana, ku Sinya, mulivu muhiehi na Yondau, ku mutamba uze uli na vantu va va Isaleli.'' ¹² Omuo vantu vava Isaleli vavi vuile, na luose lukungulukilo lua vantu va Isaleli va likunguluile hamo ku Silo na kuya na kulua navo. ¹³ Kaha vantu vava Isaleli vatuimine tu nganda kuli vana va Luveni, vana va Ngande, na ku civalavala ca muyati ua Manase, mu lifuti lia Ngileande. Kaha naua va tumine Finehase muana Eleazale, sasendote, ¹⁴ na ikeye na likumi liava ntuamena, umo uaku miyati ya va Isaleli, na umosi kuli vakevo uakele mutue ua ntanga mukati ka civunga ca va Isaleli. ¹⁵ Kaha vezile ku vantu va Luveni, Ngande, na civalavala ca muyati ua Manase, mu cifuti ca Ngileande, na ku handeka navo: ¹⁶ ''Na lukungulukilo luose lua Yehova handeka evi, 'Vika evi va kuhona kutsiliela vaze vana vulumuna hakati ka Njambi ka Isaleli, Yehova mu kuli tungila ove livene mutula mu litangua eli zimpata ku Yehova? ¹⁷ Vuakele vupi vuetu hali poele kavuakele vua vundende halietu? Cili etu kanda tulivuikisila etu vavene kuli vikevio. Muomu vuze vupi vuezile kukala musongo ha lukumgulukilo lua Yehova. ¹⁸ Muna pande naua kualuluka kufuma kukuka ngeya Yehova kulitangua lino? Ngue enu muna lingi zimpata hakati ka Yehova lelo, mene aka pihilila hamo na luose lukungulukilo lua va Isaleli. ¹⁹ Ngue lifuti lize enu munafuku va nacipisa, vunoni enu mukahita mu cifuti oku kuna mana tavana kulu ya Yehova na kuli mbatela enu va vene vimuli navio muhietu. Ku vana kati mukahake cimueso hakati ka Yehova, nambe cimueso halietu mu kutunga mutula kuliove livene kupulakana mutula ua Yehova Njambi yetu. ²⁰ Kati Akane muana zela ikeye ua pokuele lutsilielo ca ku kundika ku viuma vize vivatumbikile kuli Njambi? Kati vutenu vu uile ha vantu vose va Isaleli? Uze yala kati anonge likalienu muvupi vueni.''' ²¹ Kaha muyati ua Luveni, Ngande, na civalavala ca muyati ua Manase ua tumbuile muku mu kuanieko ku mitue ya vivunga via va Isaleli: ²² ''Mukua ngolo umo, Njambi, Yehova! Mukua ngolo umo, Njambi, Yehova!-- natantekeya, na kueca Isaleli ivene itantekeye! Ngue ku kukala zimpata amba mukupokola lutsilielo hali Yehova, katiutuo hiele kuli tangua lia lelo ²³ muomu tua litungile mutula mukua luluka etu vavene muku kava Yehova. Ngue etu tukutunga mutula ua ku hanena nkombelo ya kutsimika, mkombelo ya manona, cipue nkombelo ya zimpindi, kaha eca Yehova atu fuete etu havikevio.