¹ Yakomba uandukile na kutala kuilu na, talenu, Isau ana kuiza, na makulukazi a uana avamala. Yakomba ua hanguile vana na vampanaga kuli Lea, na kuli Lakele, na kuli vampuevo vavali vava ngamba. ² Kaha uahakele vangamba vava mpuevo va vana vavo kulutue, hamukukamba Lea na vana veni, kaha Lakele na Yosefu va salele kunima Yavose. ³ Yokpmba ikeye uaile kulutue luavo vose. Ua kotamene zintsimbu zitanu na zivali, omu ua hetele muhiehi na muanaye. ⁴ Isau ua tuntile na kukaliuana neni, ua muvumbatelele ua mukuatele muntsingo, na kumutsuemba. Kaha va lilile. ⁵ Kaha Isau ua ndukile meso, ua muane vampuevo na vana. Kaha vuambele ngueni, ''Ava vantu alinavo veya?'' Yakomba ua mbele ngueni, ''Vana vaze Njambi nahana kuli ngamba yove mulikozi.'' ⁶ Kaha vangamba va mpuevo na vana vezile kulutue, kaha va kotamene hamavu. ⁷ Hakavele Lea vana veni ikeye uezile kulutue na vakevo va kotamene hamavu. Kukumininako Lakele na Yosefe na vakevo vezile kulutue na ku kotama hamavu. ⁸ Isau ua mbele ngueni, ''Ua talekisa muli ha vivunga viose evi njalivana navio?'' Yakomba ngueni, ''Mangana nji uane kutetele ku meso ava kuluntu.'' ⁹ Isau ngueni, ''napuisamo, ndumbuange. Litumbikile vuilinavio.'' ¹⁰ Yakomba ngueni, ''cahi, muane, ngue njauana kutetela kumeso enu, kaha tavelelu vuana kufuma kumavoko ange, muomu mpuundu, njamono cihanga cove, kaha cina kusoka ngue njinamono cihanga ca Njambi, na kunji tavela ange. ¹¹ Njlombo mutavele vuana vuange vunja nehele kulienu, muomuo Njambi nanji zatela na likozi cikuma, kaha ckana ua njili na via vingi.'' Yakomba ua sindia na Isau ua tavele vuze vuana. ¹² Kaha Isau ngueni, ''tuyenu havungezi vuetu. Njikulivanga kulutue.'' ¹³ Yakomba uahandekele kuli ikeye ngueni, ''mukuluntu uange natantekeya ngueni vana vacili vavandende, na vampanga na vangombe vacili kuamuisa vana vavo. Ngue va kuvendesa cikuma cipue halitangua limo, vimuna vose vakutsa. ¹⁴ Muane ecenu mukuluntu uange alivange kulutue ngamba yeni. Njikenda vundevunde, kuesekesa nakuenda ca vimuna vize vanjili navo na vana, sui nomu njikaheta kuli mukuluntu uange Seile. ¹⁵ Isau ngueni, ''Ecenu njimisile vantu vange vamo vanjilinavo.'' Olondzp Yakomba uambele ngueni, ''vika ualingilamo?'' Eca nji uane kutela kumeso a mukuluntu uange.'' ¹⁶ Kaha Isau lize tangangua uaputukile kuhiluka ku Seile. ¹⁷ Yakomba uayile kusukote, uatungile ndzivo yeni, uatungile malimba avi muna vieni. Ngecize kuze kumutama valukileko nguavo sukote. ¹⁸ Omuo Yakomba ua fumine ku Padani Alami, ua hetele muacili mu mbaka ya Sekeme, ili mucifuti ca Kanana, Ua tungile cilombo mu hiehi na mbaka. ¹⁹ Kaha ua landele cinimbu cize ca livu ha lememekele mbalaka yeni kufuma ku vana va Haole, ise ya Sekeme, na cihita ca Palata. ²⁰ Kha kuze ua tungile mutula na ku uluka El Elohe Isalele.