¹ Kaha melu na mavu vavi manesele, na viuma yiose via muomu vize vikasulilemo. ² Muli tangua lia mucitanu na avali Njambi ua hetele kutsongo ya vipangi vieni via pangele, kaha ua huimine muli tangua lia mucitanu na kuvipangi vieni viose. ³ Njambi ua vezikisile litangua lia mucitanu na avali na kuli vukisa, muomu ikeye ua huimine halitangua eli kuvipangi vieni viose mukutanga cieni. ⁴ Evi vikeko vilika viapandamene kumelu na mavu, omu muvavitangele, halitangua lize Yehova Njambi ua pangele mavu na melu. ⁵ N musenge ua muihia uakele hamavu uahi, kaha na visoka via muihia via vuambukile viahi, muomu Yehova Njambi kanda aci nokesa mema ha mavu, kaha naua kakua kele muntu ua kuluma mu mavu. ⁶ Vunoni mbundu yaile muilu kufuma ha mavu na kujnka hose helu lia mavu. ⁷ Yehova Njambi ua vumile muntu kufuma kulukungu lua hamavu, na kuhuimina mumazulu eni muku ua muomuj, kaha uakele ua kuyoya. ⁸ Yehova Njambi ua kunine Lihia kuvucelo, mu Endene kaha kuze kukeko kua hakele muntu ya vumbile. ⁹ Kulivu Yehova Njambi ua sokesele muti uose uze ua cili kummmmeso na kuliuka ku via kulia. Kuli evi va handekeleko na muti ua muono uze ua kele mukatikati ka lihia, kaha na muti ua kuziva vuviuke na vupi. ¹⁰ Ndonga ua fumine ku Endene na kutukumuina muihia. kufuma haze uali handunuine naku pua zindonga ziuna. ¹¹ Lizina lia ua katete Pisone. Ikeye ndonga ua hita cifuti cose ca Havila, kuze kua kuakala ulu. ¹² Ulu ya muze mucifuti ya viuka. Kaha kuakala mbendelip na livue lia onikisa. ¹³ Lizina lia ndonga uamucivali Ngihone. Ou vahita cifuti cose ca kuse. ¹⁴ Lizina loia ndonga namucitatu Hindekele, ikeye uze ua hita kuvucelo vua Asilia. Ndonga ua muciuana ikeye Yufelate. ¹⁵ Yehova Njambi ua mbatele muntu na kumuhaka muli hia lia Endene linga a lipange na kuli niunga. ¹⁶ Yehova Njambi ua kambele muntu, ua handekele ngueni, ''kankala muti ua muihia ukalie ngoco. ¹⁷ Vunoni kumuti ua kuziva na vupi kati ukalieko, sikaho kufuma kulitangua liukalikako, vusunga ukatsa. ¹⁸ Kaha Yehova Njambi uahandekele ngueni, ''kaza viukile yala kukala lika lieni. Njikumujpangela cikuasi na mupande.'' ¹⁹ Kufuma kulivu Yehova Njambi ua pangele nkala kasitu ua mumu senge na nkala kazila ua muilu. Kaha ua vanehele kuli muntu linga amone muali kua kuvasana. Muoseomo mua sanenene cuma cize cakuyoya, likeko liakele lizina liaco. ²⁰ Muntu ua hele mazina ku vimuna vose, kutuzila vose va muila, kaha na kulinkala cisuma ua mumusenge. Vunoni kuli yala ivene ua hono uele ku uana mukuasi ua kufuila. ²¹ Yehova Njambi ua uisilile yala mutulo vakutsa, Ngecize yala ua kosele. Yehova Njambi ua mbatele lumpati lumo kuzimpati zieni na kusoka musuni ua haze hafumisile lumpati. ²² Na lumpati luze Yehova Njambi lua fumisile kuli yala, ua pangele mpuevo na kumuneha kuli yala. ²³ Yala ua handekele ngueni, ''tsimbu ino, ou citsiha cakuvitsiha viange, na musuni ua kumusuni uange. Vakamukamusa guavo 'mpuevo' muomu vamufumisile kuli yala.'' ²⁴ Ngecize yala akaseza ise na naye, akalinunga na mpue yeni, kaha vakala musu umo. ²⁵ Vose vakele vuntselentsele, vayala na mpue yeni, vunoni kavavuile ntsoni.