¹ Kaha Njambi ua handekele kuli Mosesa ngueni, ''Vunoni ukumona vize vinjikulinga kuli Falao. Ukumona eci, omuo ikeye akuvecela vaye omuo hali voko liange zindzili, akuva sekula kufuma mucifuti cino.'' ² Njambi ua handekele kuli Mosesa na ku handeka neni ngueni, ''Yange Yehova. ³ Njalisoluele kuli Avilahama, kuli Isaka, na kuli Yakomba kupua Njambi ua ndzili ziose; vunoni halizina liange, Yehova, kavanjitante keyele. ⁴ Kaha naua njahakele litavasiano liange na vakevo, mukuhia cifuti ca Kanana, mucifuti cize ciatkele ngue va ngedzi, mucifuti civakuendasianamo. ⁵ Hanga, nginevu kulitetela ca va Isaleli ava vavana puisa vundunggo va kua Ingito. Ngecize njina vuluka litavasiano liange. ⁶ Ngecize, handeka kuli Isaleli nguavo, Ange yange Yehova. Njikulifumisa mu vundungo kuli va kua Ingito, kaha njikumi kula kumifumisa mungolo yavo. Njikumifumisa na vukame vua ndzili yange, na ngolo na vilina viaku sompela. ⁷ Njikumineha kuli ange ivene kumi puisa vantu vange, ngecize njikupua Njambi yenu. Mukutantekeye ngecize ange yange Njambi yenu, uze namifumisile mu vundongo kuli vaka Ingito. ⁸ Njikumineha mucifuti cize cinjali sikile kuhana kuli Avilahama, kuli Isake, na kuli Yakomba. Njiku kuhiacio ove kupua vufuko. Yange Yehova. ⁹ Omuo Mosesa ua lekele eci kuli va Isaleli, kavamu halakanene muomu va kokolokele omuo kayando ka vundungo. ¹⁰ Kaha Njambi ua handekele kuli Mosesa, ngueni, ¹¹ ''Hamoye uakaleke Falao, muangana ua Ingito, ece vantu va Isaleli vaye kufuma muno mu cifuti.'' ¹² Mosesa ua handekele kuli Yehova ngueni, ''ngue va Isaleli kava kanjihalakana, vatindzo Falao a kunjihalakana, nomuo ange kanjeku handeka muacili? ¹³ Yehova ua hanekele kuli Mosesa na kuli Aloni. Uava hele lisiko lia kuli va Isaleli na lia kuli Falao, muangana ua Ingito, kuneha va Isaleli kuva fumisa mucifuti ca Ingito. ¹⁴ Ei ikeye mitue ya zindzivo ziava iseavo: Vana va Luveni, ntuatua ya Isaleli, vakele Hanoki, Palu, Heziloni, na Kami. Ava vakevo miyati yava ntsenkulu va Luveni. ¹⁵ Vana va Simiyoni vakele Yemele, Yamini, Ohande, Yakini, Zoha, an Sualu-muana yala ua mpuevo muka Kanana. Ava vakevo miyati ya vantsenkulu va Simiyoni. ¹⁶ Ano akeo mazina avana va Levi, mumo lika na ntsenkulu vavo, Vakele Ngesoni, Kohati, na Malali, Levi ua yoyele nomuo ua hetele miaka likulukazi lia miaka na miaka makumi atatu na itanu na ivali. ¹⁷ Vana ua Ngesoni vakele Livini na Simei, ngue kupuisa na va kuzindzivo ziavo. ¹⁸ Vana va Kohate vakele Amilamu, Izia, Haviloni, na Uzielu. Kohate ua yoyele nomuo muahetesele miaka likulikazi na makumi atatu a miaka na miaka itatu. ¹⁹ Vana va Malali ou Mahili na Musi. Ava vakevo vakele miyati yava ntsenkulu vava Levi, hamona vikota viavo. ²⁰ Amilamu ua mbatele Yocevende, ndumbu ya ise. Ua musemenene Aloni na Mosesa. Amilamu ua yoyele miaka likulukazi na makumi atatu amiaka itanu na ivali kaha ua tsile. ²¹ Vana va Iziha vakele Kola, Nahengi, na Zicili. ²² Vana va Uziele vakele Misaele, Eluzafni, na Sitili. ²³ Aloni ua mbatele Eliseva, muana Aminandeve, muana Nasihoni, Ua mu semenene Nandave na Avihu, Eleaza na Itama. ²⁴ Vana va Kola vakele Asi, Elekana, na Aviyasafi. Ava va keko vakele miyati yava ntsenkulu va vaka Kola. ²⁵ Elaeza, muana ua Aloni, ua mbatele umo ua vana va Petuele. Ua musemenene Finihasi. Ei ikeko yakele mitue ya zindzivo ziavo iseavo muli va Levi, ngue kupuisa na miyati yavo. ²⁶ Vamala ava vavali kukeko kua handekele Yehova ngueni, ''Tuhuisa va Isaleli kuvafumisa mu Ingito, ha vivunga viavo via va kua ndzita.'' ²⁷ Aloni na Mosesa va handekele na Falao, muangana ua Ingito, kuvata va tuhuise va Isaleli kuvafumisa mu Ingito. Ava vakeko lika na ua Mosesa na Aloni. ²⁸ Omuo mua handekele Yehova kuli Mosesa mu cifuti ca Ingito, ²⁹ ua handekele kuli ikeye ngueni, ''Yange Yehova. Handeka kuli Falao, muangana ua Ingito, viose vize vinjikukuleka.'' ³⁰ Vunoni Mosesa ua handekele kuli Yehova ngueni, ''Ange kanjikuhandeka mua cili, kaha vati Falao akanjivuilila?''