¹ Yehova ua lekele Mosesa ngueni, ² ''A litangua lia tete mu ngonde yatete mu muaka uka zike tavenakulu, yambalaka mu cilombo mua kuli uanena. ³ Uka hakamo cikasa ca vunjiho, kaha ukafuika cikasa nantanga. ⁴ Ukengisemo mesa nakuyitumbika muacili na viuma viayo. Kaha uka hakamo ndeya nakusiameka zindeya ziayo. ⁵ Uatela kutumbikaho coto cu Olu cakulubila vize via lizimba lia cili, uatela ktut mbika ntanga kumbelo kua kuingilila ku tanevakulu. ⁶ Uatela kuhaka coto cakulumbilila mu vuana kuze ku vuingiulilo kutavenakulu, ku cilombo ca ku kungulukila. ⁷ Ukahaka mbasila yakama hakati ka cilombo ca kuku ngulukila na coto cakulumbila uatela kuhakaho namema. ⁸ Ukatungea citungu muku hizingilika, na kuzendzeleka cifuko cambelo ya citungu kuvuingililo. ⁹ Kaha uka tendula mazi aku vuavesa nakuvuavesa tavenakulu naviuma viose vilimo. Uatela kuyilelesa na kuliange; kaha ikalela. ¹⁰ Kaha uka vuavesa mutula ua ku tsimikila vikombelo na vitenga viayo viose. Uatela kuvuavesa cilumba cakuvuavesa mavuana kaha cikakala cakuzila. uatela kahaka cilumba kuliange kaha cikakala cakuzila. ¹¹ Kaha ukavuavesa mbsiya na mukono uayo naku ilelesa na ku ineha kuliange. ¹² Uatela kuneha Alone na vana veni ku mbelo ya mbalaka ya ciuaneno uatela kuvatanesa na mema . ¹³ Uka zike Alone na vizalo via kulela kuliange, uka muvuavesa naku mulelesa linga akanjipangele cipange ngue sasendote. ¹⁴ Kaha ukaneha vana veni naku vazika tuzaku. ¹⁵ Uka vavuavesa ngue muze mu va vuavesele isiavo vanjipangele ku cipange casasendote. Nakuvavuavesa cavo vose nakumazimo avo ose.'' ¹⁶ Mukemuo mualingile Mosesa; uapangela muze mua musikile Yehova . Uapangele viuma viose. ¹⁷ Kaha vapangele tavenakulu halintangua liatete mu ngonde yatete mu muaka ua mucivali. ¹⁸ Mosesa utungile tavenakulu, nakuhaka maunga ayo, nakumesa mavauoyo, nakukovelesamo mikambo yayo, naku mesa zingundzi ziayo. ¹⁹ Kaha ualele mbalaka helu lia tavenakulu naku cifuiko cambalaka helu liayo, ngue omo ha muasikile Yehova. ²⁰ Uanonene vukaleho nakuhakamo mu cikasa kuhaka mikamboku cikasa nakuhaka citumamo ca cikeketima helu lia cikasa. ²¹ Kaha uanehele cikasa mu tavenakulu. Naku zingilika ntanga kufuika kucikasa cavukaleho, ngue mua sikile Yehova. ²² Kaha uahakele mesa mumbalaka ya ciuaneno, kumutamba uakuvuhili vua tavenakulu, hambandza yantanga yakufuika. ²³ Kaha ua vuikisile lelumo mbolo helu liayo kumeso a Yehova, nge cize mua musikile Yehova. ²⁴ Kaha uakele ndeya mumbalaka ya ciuaneno, kuzenkanda kufuma kumesa, kumutamba ua vihili ua tavenakulu. ²⁵ Kaha ua suamekele zindeya kumesa ya Yehova, kueseka nomu mua musikile. ²⁶ Kaha ua tumbikile mutula ua Olu mumbalaka ya ciuaneno kulutue lua ntanga yakufuika. ²⁷ Ua lumbililemo vihemba via kulembuluka hazevene, kueseka namu mua musikile Yehova. ²⁸ Ua zingilikile ntanga kumbelo ya tavenakulu. ²⁹ Kaha uahakele mutula uavikombelo via kutsimika kumbelo ya tavenakulu yambalaka yaciuaneno. Naku kombelaho cikombelo ca kutsimika na cikombelo ca vunga, ngue mua musikile Yehova. ³⁰ Kaha uakahakele mbasiya hakati kambalaka ya ciuaneno na mutula, kaha nakutilamo mema akutana nao. ³¹ Kaha Mosesa, Alone, na vana veni vatanene kumavoko avo naku viliato viavo muze vene mumbasiya. ³² Omu vengilile mu mbalaka ya ciuaneno nomu vasuenene ku mutula. Vatanene muavo muavo, ngue mua sikile Yehova Mosesa. ³³ Mosesa ua tungile citungu kuzingilika tavenakulu na mutula. Kaha Uahakela cifuiko ambelo ya citungu. Ngoco Mosesa ua kumisile vipange viose. ³⁴ Kaha liselua liafuikile mbalaka ya ciuaneno muomu lise lua liatumeneho, na vumpahu vua Yehova vua Yehova vua sulisile tavenakulu. ³⁵ Kaha Mosesa kahasele kukovela mumbalaka ya ciuaneno muomu lise lua lia tumameneho, na vumpahu vua Yehova vua sulisile tavenakulu. ³⁶ Kaka omu liselua va lifumisile a tavenakulu, vaIsaleli vendele muvungezi vuavo. ³⁷ Kaha nga liselua kaliafumine kufumako ku tavenakulu, kaha vantu kava kenda. Vantu kava katualilela kuenda cipue kuya. ³⁸ Muomu liselua lia Yehova lia kele ha tavenakulu kumutana, kaha tuhia vakelemo kuvutsiki, kumeso avantu vose vaIsaleli kumangendzi avo ose.