¹ Hanima ya matangua atatu, Esta ua zalele vuzalo vua vuangana vieni uayilenakumana kumbelo ya cipango cavuangana. Muangana ua tuminamene ha litanda kundzivo ya vuangana, uatelele kuvuingililo kumbelo ya ndzivo. ² Omuo muangana mua muene Esita kaha muangana uampuevo ua mene kucipango, uatambuile nkisu kumeso eni. Kaha uakele na linge yeni ya vuangana ya nkengelezi mulivoko lieni. Kaha Esita ua suenene muhiehi nakukuataku nsongo cize cavuangana. ³ Kaha muangana ua handekele kuli liyikeye ngueni, ''Ukutonda vika, muangana Esita? Uli na kuhula vika? Ove uakele cihanda kuli nge cavuangana, njika vuhana kuliove. ⁴ Esita uahandekele ngueni, ''Muane nge muangana ukuviukilela naco, muangana na Hamani vezelelo kucilika ca kulia ci njamu viukisila.'' ⁵ Kaha muangana uahandekele ngueni, ''Nehenu Hamani vuasi vuasi, kulinga vize vi nambe Esita.'' Kaha muangana na Hamani va ile kucilika ca viukisile Esita. ⁶ Haku viukisa viniu nakupupangela ha cilika, kaha muangana ua handekele kuli Esita ngueni, ''Vika vimuna tondo? Njika mihiaco. Vika vimunavundila? Naku cihanda ca vuangana njika mihiaco.'' ⁷ Esita ua kumbuluile ngueni, ''Kuhula cange na kutonda cange eci, ⁸ ngue njiku uana nkisu kumeso amuangana na kusuluisa muangana kuku tonda cange nakulemesa mukuvundila cange, sululenu muangan na Hamani veze kucilika cinjika vaviukisila mene kaha njka kumbulula muangana cihula ceni.'' ⁹ Hamani ua tuhukile ha lize tangua nakuviukilila na ndzolela kuntulo. Kaha Hamani ua muene Modekayi kumbelo ya muangana, kaha Modekayi kakatukile cipue kuzaza na vuoma, kaha ua pihililile na Modekayi. ¹⁰ Cipue ngoco, Hamani uakonkamene nakuya uayile kundzivo yeni. Ua sanene ma sepa zieni na kuva kungulaula amo, na mpue yeni. ¹¹ Hamani ua tandele vupite vueni, na viose via mu pangele muangana nakumu lemesa na muangana ua mulemesele, kaha nomu muayile helu kupulakana vose vanduna na vangamba via muangana. ¹² Hamani ua handekele ngueni, ''Muangan Esita katavesele naumo uahi kuvanga ange kuiza hamo na muangana kucilika ca viukisile. Amba mene vaka njisana naua hamo na muangana. ¹³ Vunoni viose evi nevi vinjika luza viahi kunjinamomo Modekayi kayunda natu mama kumbelo ya muangana. ¹⁴ Kaha Zelesi mpue yeni ua handekele kuli Hamani namasepa zieni ngueni, ''Mana vapange cakusukika vantu cakulaha makumi atanu kuya helu. Kaha ku cimene vahandekeko kuli muangana va musukike Modekayi kuze. Kaha mukaye na ndzolela na muangana kuze cilika.'' Eci casuvuluisile Hamanikaha ua kelena cize civapangile.