¹ Hakumisa ca ntsimbu yose ya miaka itanu na ivali, uatela kufumisa fueto. ² Omo mukeko mua kumisuvula: uose mukuli vaka ufumisako uze uatambuile kuli va mu citungisi; kali kauhula kufuma kuli vamucitungisi muomu Yehova ha kufumisako uze mukuli uva kumisile. ³ Kufuma ua kucifuti ceka hamo uka livoko liove liatela kuli suvula. ⁴ Kaha vunoni, kakukakala naumo cihutu uahi kahati kenu **( kaha Yehova akuakamikisula mulivu lize liva mihele enu kupua vusuana vuenu)** ⁵ ngue mu kuivuilila lizi lia Yehova Njambi yenu mu vusunga , nakuniunga zisimbi zize zinjina misiki lelo. ⁶ Muomu Yehova Njambi yenu aka misikisula enu kueseka nomu muamisikile enu; aka hanesa ku vifuti, vunoni kavakayula hali enu. ⁷ Ngue kuli cifuti yala hakati kenu, umo ua va muanoko, mukati muose mu vuingililo mu liva lize Yehova Njambi yenu lia na mihie, kati muka luuise mitima yenu kati musoke mavoko enu kufuma kuli muanoko cihutu; ⁸ kaha uatela muvusunga kusokolola mavoko enu kuli ikeye namuvusunga naku muhia via kutesamo via likutonda. ⁹ Muatela kuzangama kati mukale vaka kuzeya kuhitila mu mitima yenu, nguavo, 'Mu miaka itanu na ivali , muaka uaku mizitula, uli muhiehi, ' Kaha kati ukale nakupihilila kulila muli muanoko cihutu navia kumuhia viahi; akalila kuli Yehova hali enu, kaha ikapua indzi kuli enu. ¹⁰ Uatela muvusunga kumuhia, namitima yenu kati ikapihilile omu mu kahana kuli ikeye muomu akahuluisa halieci Yehova Njambi yenu aka mikisula naha vipangi viose viuna salekaho mavoko. ¹¹ Hali cihutu kalikasuvula kutualelela mulivu; kaha naua njamisiki nguange, 'Uatale mua vusunga kutanduvula maviko kuli muanoko, mukutonda, nakuli muanoko cihutu mulivu lienu.' ¹² Ngue muanoko, yala uava Hepeleu, na Hepeleu ua mpuevo, nakumu landesa kulienu ha miaka itanu na umo, hamiaka itanu na ivali mukava suvula nakuya kufuma kuli enu, ¹³ Ngue una vasuvula nakuya kufuma kuli enu, kauatela kumusuvuls kuya mavokovoko. ¹⁴ Uatela kukamuhia muacili vize vize vikafima kuvimuna viove, uatela kumu hia likeye. ¹⁵ Uatela kuvuluka ove uakele undungo mulivu lia Ingito, kaha muze Yehova Njambi yenu ua misokuele; kahanjiku mileka enu lelo mulinge omu. ¹⁶ Cika soloka ngue akahandeke nenu; ange kanjikaya kumiseza kufuma ku lienu, 'muomu ua ku lema hamonavandzivo, muomu muatumama mua cilinenu. ¹⁷ Mu lituiti na kumbelo, kaha aka pua ndungo yove ua mpuevo. ¹⁸ Kati mukacimone nguenu cinakaluua kuliove haku musuvula azituke kufuma kuliove, muomu uakuzatelele hamiaka itanu na umo nakuhana nuevangambavakufueta luvali ku muntu uakukamba. Yehova Njambi yenu aka kukisula ha viuma viose vimuka panga. ¹⁹ Vose vana vantuatua vava mala vava ngombe na vana vavimuna uatela muka vazilike kuli Yehova Njambi yenu. Kalipangacipue mulimo kuli muana uantuatua ua ngombe cipue kuavela kumuana ua ntuatua ua cimuna. ²⁰ Muatela kuli muana ua kavanga hantsimbu ya Yehova Njambi yenu muaka hamuaka mu kavalila kuli Yehova aka sakula, nove nava kandzivo yove. ²¹ Ngue kuli tutenga-ngue kuesekesa, kuvendukuta cipue vupuputa, cipue tutengavavapi-kati mukavatuile kuli Yehova Njambi yenu. ²² U kuakalia kumbelo; navaze vavapi navaze vacili vantu vatela kulia hamo, haze mukalie hamo nakapazi nambambi. ²³ Kaha naua kati mukalie maninga; uatela kumuania maninga ha mavu ngue mema.