¹ Mu muaka ua citanu naival i Yehu, kuyula ca Yehoase ua valekele; ikeye ua yulile makumi auana a miaka mu Yelusalema. Lizina lianaye liakeye Ziviya, ua ku Mbeleseva. ² Yohoase ualingile vize via cili ku meso a Yehova ntsimbu yose muomu Yehoyanda sasendote ua longesele ikeye. ³ Vunoni mutamba ualaha kava ufumisile. Kaha vantu vacili naku lihana na kutsimika vihemba ha mitamba ya laha. ⁴ Yehoase ua handekele na va sasendote, ''zimbongo ziose ziva nehele ngue mukukundika nkombelo mundzivo ya Yehova, ku zimbongo zie ku muntu uose ali naku panga nazio-amba zikezio zimbongo ziva tambuile kukuli singa ca muntu, cipue zimbongo ziva nehele kuvantu zia kovelele kuli Yehova mu mitima yavo mukuhana- ⁵ kaha va sasendote valela kutambula zimbongo kuli umo uavo mukakutuika na ku viukisa vika viose vize vina pihia viva kauanamo mutembele.'' ⁶ Vunoni ku muaka ua makumi avali itatu a muangana Yehova, kaha va sasendote kava viukisile vimosi mutembele. ⁷ Ngecize muangana Yehova ua sanene Yehoyanda sasendote naku vakuavo va sasendote; ikeye ua handekele kuli vakevo, ''vika vimua honouele viukisa vimusi mutembele? Vuno kati mumbate naua zimbongo kuli va kua kufuetesa venu, vunoni mbatenu vize viva tambuile vuaku vuikisisa tembele na ku vihana kuli vaku ku viukisa.'' ⁸ Vuno va sasendote vatavele kati va tambulena ua zimbongo ku vantu kaha kati va viukise tembele vavene. ⁹ Kaha, Yehoyanda sasendote ua mbatele cikasa, ua tuvile cina hacifuiko caco, na kucihana ku mutamba ua mutula, kumutamba ua cilio ngue umo ha kuinguila mundzivo ya Yehova. ¹⁰ Capuile ngecize va muene muze muakele zimgongo ziazingi mucikasa, mukua kusoneka ua muangana na sasendote ua kama vezile na haka zimgongo mu zinjeke kaha na kuzitanda, zimbongo ziva ua nene mu tembeleya Yehova. ¹¹ Vhanene zimbongo zize ziva peselesele kumavoko ava mala valamene tembele ya Yehova, va tuetele vakua ku sonnga na vakua kutunga vaze va pangele mutembele Yehova, ¹² na kuva petelelo na vakaku tavula mavue na, kuku landa mavaya nava ka kutika mavue naku viukisa tembele ya Yehova, na ku vose vaze vana kutonda ki va fueta muku iviukisa. ¹³ Vunoni zimbongo zize ziva nahele mundzivo ya Yehova kava fuetele muku linga cimo sica zingandza zia palata, citumbikilo ca liongo, vesiya, luneta, cipuevitenga via olu na palata. ¹⁴ Vahanene ezi zimbongo kuli vaze valingile cipangi ca viukisa ndzivo ya Yehova. ¹⁵ Muku vuezelelako, kava hasele zimbongo zia kufueta vaku kuviukisa mukutanda kuva mala vaze va zitambuile na ku fueta ku va mala va kupanga, muomu ava mala va kuononoka. ¹⁶ Vunoni zimbongo zia nkombelo ya vivuli muna kaha na zimbonngo zia nkombelo ya vipi kava zinehele mutembele ya Yehova, muomu zia kuli va sasendote. ¹⁷ Ngecize muangana Haziale ua ku Alamu ua kuatelekaha na kulua na Ngate, na kumu mbata. Haziale ngecize ualulukile na kuata Yelusalema. ¹⁸ Muangana Yehoase ua Yunda ua mbatele viuma viose vize Yehosafate na Yeholame na Ahaziya, isiavo, miangana va Yunda, va hakee mutamba, kaha na viose viakele navio ua hakele mutamba, na yose olu ize ya uanene mundzivo ya kutulikila ya Yehova kaha ya muangana ua vitumine kuli Haziale muangana ua Alame. Kaha Haziale uaile ku Yelusalema. ¹⁹ Ngue kuvikuavo visupo via pandama na Yoase, viose vize via lingile, kava visonekele mumukanda ua visimo via va miangana va Yuda? ²⁰ Va ngamba zieni va katukile naku tumba vutumbe hamolika; va vetele Yoase mu mbetelo milo, munjila eze inasikumuka ku sila. ²¹ Yozakele muana Simietem na Yehozavande muana Somele, na vangamba veni, vamuvetele ikeye, kaha ikeye ua tsile. Vatsindile Yoase hamo na vantsenkulu zieni mu mbaka ya Ndaviti, kaha Anasiale, muaneni, ua kele muangana mu mutamba ueni.