¹ Manase ua kele na miaka likumi na ivali omuo mua putukile kuyula; ua yulile miaka makumi atanu na itanu mu Yelusalema. ² Ua lingile vize via vipi ku meso a Yehova, ngue ku viuma via cizila via mafuti eze Yehova ua fumisile ku meso vantu va Isaleli. ³ Muomu ikeye ua tunguluile mitamba ya laha ize ise Hezekiya yasihuile a mavu, kaha ikeye ua tungile mitula ya Mbale, ikeye ua pangele Asele mikambo kaha ikeye ua uisile hamavu na ku muhalesa. ⁴ Manase ua tungile mitula mu ndzivo ya Yehova, amba Yehova ua sikile, ''Ili mu Yelusalema muze lizina linge mulika kala haya yee.'' ⁵ Ikeye ua tungile ya zintangantanga zia muilu mu mitamba ivali ya mu mbandza ya ndziango ya ndzivo ya Yehova. ⁶ Mu cimbongol ca Mbeni Hanone ikeye ue cele vana veni kuhita mu tuhia. Yakele ua tahiele, ua pandele kaha ua tua menene vinganga,, kaha ikeye ua huile ha mo na vaze vaku liandeka na va kakutsa na vaze vaku handeka na mahamba. Manase ua lingile via vipi ku meso a Yehova, kaha ikeye ua sangumuine Vutinu. ⁷ Kaha ua fuikile kamponia ya pangele, ikeye ua muhakele mundzivo ya Njambi. Cakele ngue iyi ndzivo ize Njambi ua handekle kuli Ndaviti na Solomne muaneni; ya handeke, ''ikeyo ya kele mundzivo yeni na mu Yelusalema, inja hanguile ku miyati yose ya Isaleli, ize luji kahaka lizia liange haya ye-e. ⁸ Ange kanji ka fumisa vantu va Isaleli ceka kulivu lize linja hiele ku ba ntsenkulu ziavi, ngue va ka zangama na kuniunga viose vize vinja va sikile, kukava ngeye lisiko, vitume, na visika vinja vahiele kuhitilammuli Mosesa." ⁹ Manase ua tuamenene Yunda na vandambo vamu Yelusalema muku linga vipi mu ku hiena miyati aze Yehova ue niekele halutue vantu va Isaleli. ¹⁰ Yehova ua handekele na Manase, naku vantu veni, vunoni kava mualakanene. ¹¹ Ngeceze Yehova ua nehele vakevo kutu pitau va ma sualale va muangana ua Asilia yakeye ua mbatele Manase mu malenge, vamu kuatele na ku mukuta na kumutuala ku Mbambilone. ¹² Omo Manase ua kele mulamba, ikeye ua lambelele kuli Yehova, Njambi yeni, na ku liononuisa ivene cikuma ku meso a Njambi yeni ua va ntsenkulu zieni. ¹³ Ua vundilele kuli ikeye; kaha Njambi ua mutavele na ikeye, kaha Njmbi ua vuile civundila ceni na ku mu hiluisa ku Yelusalema, mu vua ngana vieni. Kaha Manase ua tankekeyele uze Yehova ya keye Njambi. ¹⁴ Munima yeci, Manase ua tungile civumbaca hambandz ya mbaka ya Ndaviti, ku mutamba ua vutokelo ua Ngihone, mu cimbongo, na ku vukovelelo ku mbelo ya Vantsi. Ua zingilikile liluntu lia Ofele hamo naco ua tuntuile mbango helu muku hiana. Ua hakele tupitau va ku simpa mu membo ose a zimbaka zia Yunda. ¹⁵ Ua fumisile va njambi veka, na ku fumise ka mponia mu ndzivo ya Yehova, na yose mitula ize iva tungile ha mu ncinda ua ndzivo ya Yehova, kaha na mu Yelsalema, na ku vambila vakevo ku mbandza yambaka. ¹⁶ Ua tungisile mutula ua Yehova na kuhana hakaho mulambo ua nkombelo na mulambu ua ku santsela; Ua sikile Yunda mu ku pangela Yehova, Njambi ya Isaleli. ¹⁷ Amba vuose, vantu vaci nkombeleye ha mitamba yalaha, vunoni kuli Yehova, Njambi yavo. ¹⁸ Ngue ku vikuavo visupo via pandamene kuli Manase, vivundilo vieni kuli Njambi yeni, kaha mezi a vakua kumona ava handekele kuli ikeye mulizina lia Yehova, kaha Njambi ya Isaleli, ua kuatele, ava sonekele muakati ka vilinga via muangana ua Isaleli. ¹⁹ Mumu longa uze muakele muzimbu ua civundilo ceni, kaha mukemuo Njambi ua mufumisilemo na cikeco. Kuakele naua mulonga ua vupi vueni vuose na ku pihisa ceni cose, naku mutamba kuze kua tungile mutamba ua laha naku haka zingundzi zia Avahele na tu mponia va ku songa, halutue ua likehesele ivene-vaa sonekele kupua mizimbu ya va kua ku mona. ²⁰ Ngoco Manase ua kosele na vanytsenkulu zieni, kaha na kumuntsinda mu ndzivo yeni. Amone, muaneni, uakele muangana mumutamba ueni. ²¹ Amone ua kele na miaka makumi avali na miaka ivali omuo mua putukile ku yula; Ua yulile miaka ivali mu Yelusalema. ²² Ua lingile via vipi ku meso a Yehova, ngue mua lingile Manase, ise mua lingile. Amone ua likombeye ku vose tumponia va ku songa vaza va pangele ise Manase, kaha ua lemesele vakevo. ²³ Kali kehesele ivene kumeso a Yehova, ngue mua ise Manase mua lingile. Eci cimo lika na Amone mua ihisile cikuma kuma. ²⁴ Vangamba veni vamu kuatekelele vutumbe hakati keni na ku mutsiha mundzivo yeni ivene. ²⁵ Vunoni vantu va livu va tsilile vose vaze vakuatelele matumbe ha kati ka muangana Amone, kaha puisile Yosiya, muaneni muangana mu mutamba ueni.