¹ Cazile munima ize Nahase, muangana ua ntu van Amone, ua tsile na uze muaneni ua sintsisile kupua muanga mu mutamba ueni. ² Ndaviti ngueni,'' Njika muesa ngozi kuli Hanune muana Nahase, muomu ise muesele ngozi kuliange.'' Vuno Ndaviti ua tumine tungada mu ku mulembe zieka kuesa na ise. Va ngamba va Ndaviti vengile mu livu lia va kua Amone na kuya kuli Hanine, muku mulembezieka. ³ Vunoni vana va miangana va Amone vahandekele kuli Hanune, '' ua singa nyieka ngecize Ndaviti ana ku singi mika iso muomu ikeye na tumu va mala mu ku mulembezieka? Kati utavese vangamba zieni kuiza kuliove muku uisa na kueseka livu mu ku limbila? ⁴ Ngoco Hanune ua kuatele va ngamba va Ndaviti, muku va teula, naku teta vizalo viavo mu kati ka ka matako avo, kaha na ku sekula, ⁵ Omuo muva mulumbulnuinine ive kuli Ndaviti, ua va tumine mukili uana navo, kuli va mala va vuile ntsoni yakama. Kaha muangana ua handekele ngueni, ''kalenu ku Yeliko noho miezi yenu ina soko, kaha vuno muka hiluke.'' ⁶ Omuo va kua Amone va muene muze van ou va kua cizindo kuli Ndaviti, Hanune na vakua Amone v tumine likulikazi lia zitalentu zia palata muku kumuna matemba a Alamene na vakua tuvalu kufuma ku Nahalame, Meka na Zova. ⁷ Va kumuine matemba makulikazi makumi atatu na avali kaha na muangana ua maka na masualale veni, vaze vezile na ku tunga vilo mbo ku Mendeva. Kaha vakua Amone va likunguluile vavene hamolika voseku fuma ku zimbaka ziavo na ku fuma ku ndzita. ⁸ Omuo Ndaviti ua civuile, ua tumine Yoave na civunga ceni ca masualale mukuli uana navo. ⁹ Kaha vantu va va kua Amone va tuhukile na ku linoneka ku mbelo ya mbaka, muomu na va miangana vaze vezile va vene muhia. ¹⁰ Omuo Yoave ua muene ndzita yatale ikeye mukati halutue na ku nima, ua sakuile vakua Isaleli va cili mu ku zunga na kuli kisila vakevo hakati va kua Alameu. ¹¹ Ngue ku masualale vose, ua vahiele va kevo muva sindiya kuli Avisai ya yeni, na ku vahaka vakevo kundzita mukati ka masuilale va Amone. ¹² Youava ua handekele ngueni,'' ngue ua kua Amoleu vaku nji hiana ndzili ange, ngoco ove, Avisai, uatela ukanji kuase. Vunoni ngue ma sialale va Amone vana ku hiana ndzili, ngoco nji keza na kuku kuasa. ¹³ Kala na ndzili, kaha ecenu etu va vene tusuloke na ndzili kuli vantu vetu na ku zimbaka zia Njambi yetu, kuli Yehova aka linga vize via cili ku meso eni.'' ¹⁴ Ngoco Yaove na masualale va ndzita yeni va suenene kuli va kua va Amaleu, vace va sindiile na kutina halutue lua ndzita yava Isaleli. ¹⁵ Ngoco masualale va Amone va muene muze va Amoleu va natina, vatinine naua kuli Avasiya muanaye naku hiluka naua mu mbaka vantu va Amone na ku hiluka naua ku Yelusalema. ¹⁶ Omuo va muene va Alameu vana vava vetuesa kuli va Isaleli, va tumine tunganda kufuma kundonga ya Efualete, hamo na Sofake ka pitau ka ndzita ya Handalekele. ¹⁷ Omuo Ndaviti va mulekeleeci, ikeye ua kunguluile va Isaleli vose hamo lika, naku zavuka Yondau, na kuya kuli va kevo. Ua vuikisile masualale kuya kundzita kuli Alameu, kaha va luile neni. ¹⁸ Kaha Alameu ua tinine kuli va Isaleli, na Ndaviti ua tsihile makulikazi a tanu na avali va kua matemba a Alameu na makulukazi makumi auana vakua kuenda masualale. Ikeye na ua ua tsihile Sofake, kapitau ua ndzita. ¹⁹ Omuo vose va miangana vaze vakele va ngamba kuli Handakezele va muene muze vana va vetua kuli Isaleli va pangele ciyulo hamo na Ndaviti na kuva pangela. Vunoni vantu va Alameu kava kele na visinganyieka via ku kuasa va kua Amone.