¹ Cwale nji koili eyi yongotisa o mucima kwa kreste, nji kame kuli o kombaomba o mucima oko kutenda mu lisinga. Nji kame kuli omweya no mebo, nji kame kuli e tineke ni kuyapelana o kushoshima (okutuma). ² Mutende kuli o kuwabelwa kwange, kupetahale mu kwikala ni mayambuta a mwenya. Lisinga limweya, omweya mumebo kame mwikale mumaikuto a mweya. ³ Mulese kutenda esima ni tinanyani Kamba o kwinuneka o kwasa tuso kono mu buikobezo o munu ni munu ayambuta kuli anjili kama amubita. ⁴ O munu yoshe alese kwaala kuyaye, kono aale ku yabaye. ⁵ Mwikale ni maikuto ana kwikala kwa jesu kreste. ⁶ Simba ana kufeka e sifateho jesu kasitwala o mucima ino kumana ni mulimu kwa inongeso. ⁷ Kono kama na kuitomola ku saye muku lonela e sifateho no mubika no kufeka kwanyi munu. ⁸ Abana kuwaniwa kwanyi munu kama ano kuku kobeza no kubeka o kuyupa kutwala kukufa mane ba sifapahano. ⁹ Kwaba o mulimu naku mutwala muwilu ni kubita kama ana kumuba e litina likalile beulu no matina oshe. ¹⁰ Kama ana kutenda ngesi kuli mulitina la jesu kreste a manwi oshe akubame ku wilu no mu Litunga na mushi no Litunga. ¹¹ Kama ana kutenda ngosi kuli malimi oshe ambe kuli jesu kreste yo mbamu kwa kanya no mulimu o tate. ¹² Cwale, alatiwa ange, kwanyi aba muli a yapile kame nili nu sebeze eyi I miyoyisa mo mucilile ni mucilambumu konji aka munimiona kono onene aba sisabo. ¹³ Kakuli mulima yonyene yo sebeza kwanyi kuli mu singe kama mutende omwa singela yonyene. ¹⁴ Mutende einu yoshe nambulwa kutunga ni tinanyani. ¹⁵ Kuli mwikale nambulwa kunyazahala o sikwite ouyi ana no mulimu nambulwa Mukai no lusika no ku luka no kwiba omo mu myaka kwanyi mamonyi mu Litunga. ¹⁶ Kame mo mu lemine okongotaelinwi no upilo kame muliywa no kreste kame nita okulumba kuli kane si ituka yambango no kusebeza yambango. ¹⁷ Kono simba amanyinga ange kama aiotelwa ba sitabelo ni sebelezo no tumelo yenu kama nita kuwabelwa ni wabelwe nanyi moshe. ¹⁸ Kame nanyi mba muwabelwe yongeso muwabelwa nange. ¹⁹ Kame ni kwite e sepo kwa mbumu jesu kuli kame ata kutima timota kuuso kuli ni mene no ngotwe o mucima aba nita kuyupa e yeu. ²⁰ Kakuli sikwite owuno wili konji yonyene o uyo akwite o mucima kanyi wange mu kutokomela eyenu. ²¹ Oshe kama akasala eyaongene, kasa inu ya jesu kreste. ²² Kame mulimu kile nji o kusepahala na ku kumona hala aba kusebeza ni mene mu evangeli kwanyi o mwana omwa tusanela na sitae. ²³ Cwale yokame ni sepile o kutumela kwanyi aba sina ku mona eyange o moibwele. ²⁴ Kono kame ni kwite espo kwa mulimu nji mene yauno kame nita kwiya abano. ²⁵ Kono kame sina kumona e swanelo o kumitumena epafrodite kuli aike kwanyi. mwabange kame ni mutusi wange mu musebezi ni mu musole ni mu tindwa o numwana muna kuni tumelo o kwiya kuni tusa mu inu ni saela. ²⁶ Kaluli kama ana ku mishukela onene kane ana kuzielelaha aba muna kuyupa o kutoma kwaye. ²⁷ Niti kama ana kutoma mane na kusinga kufa. Kono o mulimu yona kumu fela etineke kame ka yonyene feela kono ni mene kame. Kuli nilese kwiyelwa ni Maswabi ba maswaba. ²⁸ Kwaba abasina kumitumela yonyene nawangu. Nji aba mutu ku mumana kame muta kuwabelwa. Mwendi a Maswabi ange mba uku munyima. ²⁹ Cwale mu mutwabule kwa mbuma mo mu wabelwa. Kame muku kutenga yongeso. ³⁰ Kakuli kama anaku sheteta bebi ni life elibaka no mubebezi no kreste. Kama ana kwitombola o upilo waye nji atende ese muna palelwa o kuni sebeleza.