¹ Kumyaka likumi nayitanu mu vumuene vua Timbelyus caesar- oku Pondeu pilatu uakele nguvulu ua yundeya, Helonde, ua hingile Ngalileya, mukuendje uendi Filipu, uahingile Atuleya na Talakoniti, Lisanya uahingilemo Ambilene. ² Hantcimbu ya vusasendote vuakama vua Anase na Keyifase mudhimbu uachili uedhile kuli Yoano muna Zakaliya mumpambo. ³ Uendanganene muvifuti vyoshe vyadhengeleka Yolondau, kuambulula na kumbuitika kumuetha kutenguluka kumbunge na kuechela kumilonga. ⁴ Ngue muvathona mumukanda uamajui akapolofeto Yisaya nguendi, "Lijui lya mukakutambeka mumpambo, vuayetheni ngila ya Muene, sungametheni ngila yendi. ⁵ Nkala Vimbolongoma vyoshe vavyofuele, mikinya yoshe namalundu oshe vavinyekamethe, na dhingila dhakuhenga vaka visungamethe, na dhingila dha kudhika vaka vidhikula, ⁶ na nkala muntu aka mona kuovoka kuli Kalunga. ⁷ Keho Youano ua kuanyene nambunga yiye yethile kuli yikeye muku va mbuitika nguendi, ''Eni mumbuto yamanoka! Yiya na mi lungula linga muteue vukalu ovuo vukenja? ⁸ Ngocho vene, yimeni vushuka vuna fuila kutenguluka, keti mulivange kukuanya eni vavenya ngueni, 'Tuli na Avilahama yishe yetu', mukonda njimileketha nguange Kalunga atha kutengulula mavue ano akale vana va Avilahama. ⁹ Nambe ngechi ngimbu vana yi haka laja kumidhi ya viti. Nga nkala chiti choshe kochimi vushuka vuachili vaka chivatula na kuchumbila mutuhya. ¹⁰ Keho dhimbunga dhamuihuile, kuhandeka nguadho, '' Etu vika tuka linga? ¹¹ '' Uava kuanyene nguendi, '' Nga umo ali navikovelo vivali keho hanako uye kethi nacho, nou ali na vyakulya nendi lalo alingemo.'' ¹² Vaka kutambula milambu navo vedhile nguavo vava mbuitike, Keho vakuanyene nendi nguavo, ''Mulongisi, etu tuka linga vika?'' ¹³ Keho uava lekele nguendi, ''Keti muka tambule vimbongo vyavingi kutuvakana vyova na mi tumu.'' ¹⁴ Na masualale vamo navo vamuihuile, nguavo, ''Vati cho etu?'' Vika tukalinga?'' Ua kuanyene navo nguendi, ''Keti mukatambule vimbongo vya nkala umo kundhili, Umba lalo keti muka vangeye nkala ou vishaki. vuahelela viye vive ku kufueta.'' ¹⁵ Keho vantu muva kele na kutumamena Kilistu eje, nkala muntu ua takanyene Youano mumbunge yendi, nguendi hamo yikeye Kilistu. ¹⁶ Keho Youano uavalekele voshe nguendi, Kulyange, njimi mbuitika mumema, vuno honi kuli umo kukeja ou nanji tuvakana yange, nambe yange konjatha kuvutula mikole ya vinkuaku vyendi. Umba lalo yikeye akamimbuitika mumpundhi ya Kalunga na mutuhya. ¹⁷ Sheua yendi yili mulivoko lyendi ya kupekula nayo mbuto yiva na jungula na kuyilonga muchishepa chendi. vuno mujungu au tcimika natuhya kutue kudhima. ¹⁸ Na majui amo lalo amengi, Youano uambuluile mudhimbu uachili kuli vantu. ¹⁹ Keho honi muene Helonde muambatele mukentu ua munaina Filipu Helondeyas, nevi vyoshe vyakuvihya vya pangele Helonde, ²⁰ vyoshe uavi vandakanene, vikevyo vya lingithile Youano amu hake mukamenga. ²¹ Keho vya kele ngechi, muye mua mbuitikile vantu voshe, Yesu nendi lalo va mu mbuitikile, muntcimbu achi lomba, lilu lya shokolokele, ²² na mpundhi ya kuyela ya muchifua cha muvila yedhile hali yikeye ngue liputukuua, na lijui lya tundile muilu ngualyo, '' Ove umunange, yinjayongola. Uanjiya kumbunge.'' ²³ Mua shangumukile Yesu vipanga vyendi, endi te ayongola kupuitha makumi atatu amyaka. Yesu uapuile ngue muna Yosefe (muvithinganyeka vya vantu), na Yosefe muna Heli, ²⁴ muna ua Matati, muna Levi, Levi muna Meleki, Melchi muna Yanayi, Yanayi muna Yosefe. ²⁵ Yosefe muna Matatia, Matatias muna Amose, Amose muna Nahumi, Nahumi muna Eseli, Esli muna Nangayi, ²⁶ Nangayi muna Mata, Mata muna Matatias, Matatias muna Semeneyi, Semeneyi muna Yosech, Yosech muna Yonda. ²⁷ Yonda muna Youanane, Youanane muna Lesa, Lesa muna Yelumbambele, Yelumbambele muna Salatiele, Salatiele muna Neli, ²⁸ Neli muna Meleki, Meleki muna Andi muna Kosame, Kosame muna Elimandame, Elimandame muna Ele, v ²⁹ Ele muna Yehosua, Yehosua muna EYezele, Eyezele muna Yolime, Yolime muna Matati,, Matati muna Levi. ³⁰ Levi uakele muna Simiyone, Simiyone muna Yunda, Yunda muna Yosefe, Yosefe muna Yoname Yoname muna Eliyakimi, Eliyakimi muna Meleya, ³¹ Meleya muna Mena, Mena muna Matati, Matati muna Natane, Natane muna Ndaviti, ³² Ndaviti muna Njesi, Njesi muna Obed, Obed muna Mbouaze, Mbouaze muna Salomone, Salomone muna Nashoni. ³³ Nashoni muna Aminandave, Aminandave muna Andimine, Andimine muna Alini, Alini muna Hezelone, Hezelone muna Pelezi, Pelezi muna Yunda, ³⁴ muna Yakomba, Yakomba muna Yisake, Yisake muna Avilahama, Avilahama muna Tela, Tela muna Nahole, ³⁵ Nahole muna Selungu, Selungu muna Leu, Leu muna Pelengi, Pelengi muna Embele, Embele muna Selayi. ³⁶ Selayi muna Kayinani, Kayinani muna Alufashandi, muna Seme, muna Noua, Lameki, ³⁷ muna Matusela, muna Enoke, muna Yalende, muna Mahalalela, muna Kayinani, ³⁸ muna ua Enosi, muna Sete, muna Andama, Andama muna Kalunga.